تأمل ذاتي

Marshmallow_57255 🇪🇬

منذ شهر واحد

شعور آسف

موضوع:

لو رجع بيك الزمن هتحب نفس الشخص تاني؟

لو رجع بيا الزمن كنت هحب نفسى كنت مش هعدى تفكيرى و مقارنتى لنفسى بالناس اللى حواليا و انى ديما شايفة نفسى اقل من اى حد كنت ههتم لنفسى اكتر و هحبها اكتر لان شوية المشاعر و المقارنات اللى انا كنت فاكرة ان ملهاش لازمة خليتنى فى الوقت الحالى مش شايفة نفسى اصلا و بكرهها

Cheese_28254 🇪🇬

منذ شهرين

شعور لا مبالٍ

موضوع:

كيف قدرت تتخطي حد اذاك

بحاول ألتمسله العُذر يمكن اعرف اسمحه ولما اسمحه يمكن ابطل افكر هو جرحني إذاي مع أنك صعب تعذر حد أذاك أصل ليه كدا يعني يأذيك من دافع اي فبحاول افكر بطريقه تانيه كلنا جاني وكلنا مجني عليه إحنا فينا اللتنان الوحش والحلو محدش كويس بالكامل حتي الشر هتلاقي فيه نقطة خير أنا يمكن أذيت حد بس معرفش أو مختدش ب

Coffee_26801 🇪🇬

منذ 5 أشهر

شعور مكسور القلب

-نجلس احياناً مع أنفسنا ونتسائل، كيف مرت الأيام بهذه السرعة، كيف تغيرت ملامحنا، ونظرتنا للحياه دون أن نشعر، لم تعد الاشياء التي احببناها تعني لنا الكثير، لم نعد نهتم بما نرتدي أو الى اين نذهب. صار الأهم أن نشعر بالراحه ولو قليلاً، كل اللحظات التي كسرتنا وصمدنا فيها، كل الأوجاع التي أخفيناها خلف أ

Cheese_28254 🇪🇬

منذ 6 أشهر

شعور محبط

صباح الخير أو مساء الخير حسب هتشوفوا البوست ده إمتي النهارده حابة أشارك درس جديد اتعلمته وأضيفه صفحه لكتاب حياتي، درس عمري ما فكرت فيه قبل كده. زمان كنت فاكرة إن أنا اكيد الاختيار الأحسن لأي حد، وده مش غرور ولا نرجسية، والله أبداً، بس كنت حاسة من جوايا إن اللي هايختارني أكيد مش هيخسر، لإني هساعده

عبّر عن شعورك بشكل مجهول

صباح الخير أو مساء الخير حسب  هتشوفوا البوست ده إمتي

النهارده حابة أشارك درس جديد اتعلمته وأضيفه صفحه لكتاب حياتي، درس عمري ما فكرت فيه قبل كده. زمان كنت فاكرة إن أنا اكيد الاختيار الأحسن لأي حد، وده مش غرور ولا نرجسية، والله أبداً، بس كنت حاسة من جوايا إن اللي هايختارني أكيد مش هيخسر، لإني هساعده بكل طاقه عندي وكنت كمان متأكدة إني لو اتحطيت مكان أي حد في موقف صعب، هعرف أتصرف وأحل المشكلة.

لكن من كام يوم، أدركت حاجة مختلفة تماماً... اكتشفت إن المواقف الوحشة اللي بنمر بيها مش دايماً حاجة سيئة، بالعكس، أحياناً بتكون فرص نتعلم منها دروس مهمة. وللأسف،او خليني اقولك الحمدلله الدرس اللي اتعلمته كان إن أنا مش دايماً الاختيار الأحسن، ولا حاجة!

زعلت؟ أكيد زعلت... وسألت نفسي سؤال: ليه عمري ما فكرت في العكس؟ ليه ما حطيتش في اعتباري إن ممكن أكون أنا مش الشخص المناسب لحد معين؟ ليه كنت دايماً مقتنعة إني هعرف أحل أي مشكلة؟ ليه مفكرتش إننا مختلفين، وإن الطريقة اللي أنا شايفاها الحل الأمثل ممكن تكون بالنسبة لغيري مش الحل الصح، وإنه ممكن يكون في حل أحسن مفكرتش فيه؟

أسئلة كتير جداً دارت في دماغي، وإجاباتها مش عندي، بس اللي متأكدة منه دلوقتي إن الدرس ده خلاني أعذر ناس كتير ما اختارونيش، لأن ببساطة... يمكن أنا فعلاً ما كنتش الاختيار الأحسن ليهم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.