برود عاطفي

Lemon_60631 🇪🇬

منذ أسبوعين

شعور شاعر بالملل

هل من الطبيعي اني ابقي عادي كدا من غير مشاعر لو حد مات متاثرش لو حد تعب متاثرش حتي الشعور بالاعجاب ناحية بنت معينه بحسه احساس زائف من الاخر مش بحب حد مش بكره حد مش بزعل علي موت حد مش بزعل علي تعب حد و في نفس الوقت انا مش مريض نفسي يعني و باكل اطفال يعني بضحك لو اتفرجت علي فيلم بيضحك نادر اما اتاثر ب

French Fries_59938 🇪🇬

منذ 4 أسابيع

شعور مرهق

عبّر عن شعورك بشكل مجهول

انا خاطب من فترة كبيرة بقالي ٣ سنين وكنا بنحب بعض من قبلها تقريبا ف حياة بعض بقالنا ٦ سنين وهي كانت معايا من وانا  طالب ف ثانوي لسة وفضلت معايا لحد ما دخلت الكلية وخلصت وحاليا ف الجيش وهي من النوع اللي ملوش ف الكلام الحلو والاهتمام وكدة بس زمان كانت بتشاركني كل حاجه ف يومها وبنتكلم كتير و فون ف مكنتش مركز مع موضوع الاهتمام والحب ده وبعد فترة كدة بدات تقول كلام حلو وانها بتحبني وبوحشها وانا اتبسط اوي وفضلنا كويسين جدا جدا فترة كبيرة لحد من سنة بالظبط ربنا رزقها ب شغل افضل ومرتب اكبر بقت تتكلم عن سفر وحاجات عايزة تعملها مش مناسبة مع تربيتنا مفيش بنت تسافر بلد تانية لوحدها وحاجات من دي كتير وانا كنت بعارضها ف ده واتكلم معاها ع موضوع اللبس لانه الفترة الاخيرة بقيت لما اقولها علي حاجه ف اللبس ترفض وتقول ده تحكم وانا بلبس كويس وحصل بينا مشاكل كتير اخر سنة لدرجة سيبنا بعض مرتين وكان بناء علي طلبها هي مش عايزة اكمل وكنت اول ما اخد حاجتي تيجي تاني يوم تزعل وتتحايل عليا نرجع تاني رجعنا مرة وقالت هتتغير واسلوبها هيتحسن بس محصلش ورجعت زي ما كانت وسيبنا بعض وجيت اديتها فرصة تاني وحلفت هتتغير وطريقتها هتتغير بس شهر ورجعت تاني عادي بتهرب من الكلام ف الفون بترد كل فين وفين ولو انا زعلت تقول انت عايز اهتمام علطول وانا مشغولة ومش فاضية لدرجة ممكن اكتب صباح الخير الصبح بدري ترد عليها ع المغرب ف انا مبقتش فاهم هي متمسكة بيا ليه كل مرة بسيبها وبتقعد تقول انها بتحبني بس انا مش بحس بكدة وبحسها مش بتعبر عن ده وعادي عندها اليوم يعدي منتكلمش كلمتين ع بعض وعادي ابقي باعت رسايل وهي فاتحة فيس وتيكتوك وترد بليل خالص وتقول متبقاش خانقني انا مبقتش فاهم اعمل معاها اي اسيبها تاني والمرة دي بجد ولا ده طبعها وهي بتحبني فعلا وفيه نوع من البنات كدة ولا اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_56393 🇪🇬

منذ شهر واحد

شعور متعب

بقيت بارد في كل حاجة، بارد ف ردّي، ف نظراتي، ف مشاعري اللي كانت زمان بتتحرق من أقل كلمة. مش لأني مرتاح… لأ، أنا بس تعبت. تعبت أفرّح، وتعبت أزعل، وتعبت أهتم. الناس بتفتكر إني قاسي، بس الحقيقة إني خلصت. خلصت من كتر الخذلان، من كتر الأسئلة اللي ملهاش رد، من كتر الندم. البرود ده مش اختيار، ده درع… بحمي

Sugar_58721 🇪🇬

منذ شهر واحد

شعور مكسور القلب

انا بحب واحد من سنه ونا من اعجابي ليه عملتلو فولو ع الانستا ورد الفولو و كدا المهم احنا نعتبر داخلين ف السنه و كدا ف كان الاول كان مهتم جدا بيا و شويه شويه بيختفي و بيظهر و بينزل استوري عادي و لما اجي اكلمه يقولي ضغط شغل و تعبان و انو بقالو كام يوم مش بينام و مطبق و كل مره انا اللي بدخل اكلمه و لما

Avocado_58487 🇪🇬 بيتسالي الأستاذ والله، أكرمي نفسك بالأبتعاد.

عرض الكل 4 نصيحة

Avocado_54150 🇪🇬

منذ شهر واحد

شعور مكسور القلب

عبّر عن شعورك بشكل مجهول

الموضوع بدأ معايا من اعدادي كنت اعرف اول بنت ف حياتي ساعتها و كانت سوشيال و مصادفش و شوفتها ولا مره تقريباً بس كنت لويال جدا ليها لحد ما دخلت ثانوي و اتعاملت مع بنات اكتر و مع ذالك كنت لسة مخلص ليها بس عملت غلطة ممكن تكون بالنسبة لي بسيطة وهي اني اتصورت مع بنت صورة عادية جداً و نزلتها ستوري و مكنتش متوقع الي هيحصل! 
البنت جالها انهيار عصبي و فضلت تعيط طبعاً كل الكلام دا علي لسان صحابها و من ساعتها متعاملتش معاها تاني لحد النهارده من سنه 2021 يعني اربع سنين 
ف الاربع سنين دول اتعرفت كتييير بس عمري ما كملت في علاقة مع اني فكل علاقة بكون داخل بشغف كبير و عندي طاقة و متاكد مليون ف المية اني بحب الشخص الي قدامي و فنص العلاقة لو حصل اي مشكلة بتقفل و ببعد للابد تقريباً و طبعا دي حاجه زبالة انا عارف كويس و مش عارف اي حلها  في الاخر دلوقتي انا في جامعة و حرفياً معنديش واحد في المية طاقه لاي علاقة او كدا و فاقد الاحساس تماماً ولا عارف احب ولا اكره ولا حتى اعيط ولا اي حاجه وصلت لدرجه برود مرعبة مش عارف حتى سببها 
كشفت مخ و اعصاب بسبب وجع كان بيجيلي و عملت اكتر من اشاعة و كل الاشاعات بتطلع كويسة اخر مره الدكتورة قالتلي دي مشكله نفسية و كتبتلي ادوية اكتئاب 
معرفش انا وصلت لحد كدا ازاي بس حرفيا الشعور نعمة نفسي ترجع تاني مع العلم اني لو حسيت باي حاجة نحية اي حد بقول لا بلاش عشان هيبقى زي الي قبله و انا مش مستحمل حاجه زي كدا تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_54321 🇪🇬

منذ شهر واحد

شعور متوتر

أنا متجوزة من حوالي ٣ سنين مشكلتي اني عصبيه جدا وزوجي بارد جدا عندنا ولد سنه و٨ شهور من ٦ شهور حصل بينا خلاف وصلنا للطلاق بس قبل ما ننفذ خيرني بين الطلاق او نرجع من غير ما نتكلم ف اللي حصل نهائي وننساه وافقت نرجع وجه اخدنا ف رمضان قضينا العيد بعدها سافر ومن تاني يوم سفر اتغير معايا جدا ومعتش بيكلمن

Hazelnut_52786 🇪🇬 حاولي تتكلمي معاه بصراحة من غير عصبية، واطلبي منه يشاركك مشاعره بجد. لو هو مش قادر يتغير، فكري في مصلحتك ومصلحة ولدكم الأول. ما تقسيش على نفسك، خدي قرار يريح بالك ويحمي قلبك

عرض الكل 17 نصيحة

Avocado_53660 🇪🇬

منذ شهرين

شعور مكسور القلب

Hazelnut_52786 🇪🇬 موجوع وده طبيعي. نصيحتي ليك ؟ * ركّز على نفسك: ابدأ هواية، رياضة، أو أي نشاط جديد. * ابحث عن أصدقاء: مش لازم تعيش وحيد. * وقف المطاردة: لما تطلب مشاعر هي مش قادرة تديها، ده بيقلل من قيمتك. * 👉 واجهه مشاكلك بكلام حازم وهادئ في نفس الوقت . * تقبّل الواقع: مش هتعرف ترجع اللي فات. * الأولاد أهم: استمرار العلاقة كده مؤذي ليهم. قيمتك مش مرتبطة بيها.

عرض الكل 5 نصيحة

عبّر عن شعورك بشكل مجهول

هو ازاي الواحد يكتفي بنفسه و مايتأثرش بغياب شخص كان متعود يقدمله الحب و الاهتمام علي طول .. عارفين لما الأمور تتعقد و تكتر المشاكل و تشيلو من بعض و تيجي تراضي الطرف التاني و تكتشف انه مش فارق معاه زعلك اصلاً .. انا عارف اني مش المفروض اعتمد علي شخص تاني في حياتي و المفروض اكون قوي بس انا اتعودت علي وجود الانسانة دي في حياتي هي اول واحدة عرفتني معني الحب و الحنية و الاهتمام .. الأمور مابينا اتعقدت و المشاكل كترت و مش هنكر الغلط بس انا برضو مكنتش ملاك .. المشكلة ان الاحساس عندها اتعدم تماماً و كأنها شخص تاني مش قادرة تديني اي مشاعر و انا من جوايا منهار و حاسس ان انا ضعيف لأن ده ساب فراغ كبير جوايا  .. 
الانسانة دي تبقي مراتي و كل ماصارحها باحتياجاتي و اني محتاجلها و محتاج لمشاعرها في حياتي تقولي معنديش حاجة اديهالك .. روح اتجوز واحدة تانية .. الأمور معقدة مش كدة ؟ بالنسبالي البعد او الانفصال قرار صعب جداً عشان الاولاد ..
حتي الوقت انا قلت هتعود مع الوقت بس الموضوع ده بقاله ٣ سنين هي كانت كل حاجة في حياتي و بعد مشكلة كبيرة بينا اتغيرت و بقت باردة جدا .. انا ماعنديش اصحاب و معنديش حياة تانية برة البيت غير الشغل .. انا عارف اني المفروض اشغل نفسي و ماعتمدش علي شخص واحد عشان اكون مبسوط بس انا بصراحة تعبت من الحياة دي .. تعبت من الاهمال و البرود .. 
بحاول اعيش حياك روتينية بس مش عارف . علي طول بفتكر ايام الحب اللي كانت ما بينا زمان .. علي طول بضعف و بروح اصالحها رغم اني مابكونش غلطان .. انا بقيت احس اني كل ما بعمل كدة بصغر في نظرها و بتهملني اكتر ؟ هو مش المفروض نكون كويسين مع اللي بنحبهم ؟ مش المفروض نستحمل بعض ؟ مش المفروض حده ولا ايه ؟ انا مش عارف اعمل ايه ..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_35975 🇸🇦

منذ شهرين

شعور محبط

موضوع:

عمرك حسيت ان مشاعرك خلصت؟

أنا الايام دي حاسه اني فاضيه اوي معنديش مشاعر و عندي برود مش طبيعي من بعد ما كنت واحده بتاخد كل حاجه على أعصابها لوحده بقى عندها تبلد حرفيا و لا حتى بقى في طاقه أدي لحد مشاعر ولا طاقه اتكلم و اطلع الي جوايا كل حاجه حواليا بتتشقلب و أنا قاعده مكاني في منتهى البرود

Popcorn_52587 🇺🇸 ممكن تكون مساله وقت وانك ترجعي احسن اكيد هيحصل بس حاولي تغيري دا اكيد انتي مش مبسوطه كدا واكيد الموضوع دا مسببلك تفكير كتير بس تعرفي أن دا كل هيتحل مع الوقت وعزيمتك

عرض الكل 4 نصيحة

Durian_52455 🇪🇬

منذ شهرين

شعور رائع

موضوع:

عمرك حسيت ان مشاعرك خلصت؟

مشاعرى فعلًا خلصت! فيه برود مش طبيعى تجاه الدنيا عامةً بقيت بحس إن الإحساس نفسه خسارة مش مكسب خصوصًا للإنسان العاطفى البرود والغباء بيديلك ميزة رهيبة فى إنك تشوف الأسود على إنه أسود.. ومتنخدعششششش

Tofu_28797 🇪🇬 دي حقيقة عامة و انا معترفة ان المشاعر و الحب ف العموم ده ضعف و اهانة للأنسان حتي لو طالع من علاقة كسبان ف ايش عرفك ان التاني مكنتش طالع خسران و يمكن يبقي خسران كتير كمان هي خلاص بقت دايرة و ع الكل انسان مُستهلك و انسان بيستهلك حتي لو كانت العلاقة ماشية تمام ف ده طبيعي بس طبيعي برضو هيجيلها وقت و تقع

عرض الكل 13 نصيحة