زوجي بارد وعصبيتي دمرت حياتنا..مش عارفة أعمل إيه

Question

أنا متجوزة من حوالي ٣ سنين 
مشكلتي اني عصبيه جدا وزوجي بارد جدا
عندنا ولد سنه و٨ شهور
من ٦ شهور حصل بينا خلاف وصلنا للطلاق
بس قبل ما ننفذ خيرني بين الطلاق او نرجع من غير ما نتكلم ف اللي حصل نهائي وننساه
وافقت نرجع وجه اخدنا ف رمضان قضينا العيد بعدها سافر ومن تاني يوم سفر اتغير معايا جدا ومعتش بيكلمني حاولت كتير معاه وافكره باتفاقه معايا وانت قولت ننسا ومش ننسا مافيش فايده وبيتعامل معايا ع اني لوحدي سبب المشكلة وبقا يعكس كل وعد حلو وعدهولي وهو هنا 
انا تعبت ومش عارفة اعمل ايه معاه كرهت حياتي

Hazelnut_52786 🇪🇬 · Accepted Answer

حاولي تتكلمي معاه بصراحة من غير عصبية، واطلبي منه يشاركك مشاعره بجد.
لو هو مش قادر يتغير، فكري في مصلحتك ومصلحة ولدكم الأول.
ما تقسيش على نفسك، خدي قرار يريح بالك ويحمي قلبك

Apple_54263 🇪🇬 · Answer

حاولي تستحملي علشان الولد لان البيت هيبوظ والي هيتاذي الولد ودي حاجه غير كدا اهمليه واتعايشي ف بيتك عادي وحاولي متتلهفيش عليه. وكع الوقت هيحس ويتغير لما يلاقيكي مش معبراه

Coffee_46122 🇪🇬 · Answer

بصي انتي بتحاولي بكل طاقتك تصلحي وتكملي وده مش سهل خصوصاا لما تحسي إنك لوحدك في العلاقة بس كمان لازم تبقي عارفة إن الرجوع مش معناه إننا نمسح اللي حصل ونكمل كأنه ماكانش لأن اللي بيحصل جواك من وجع وألم مش بيتنسى بكلمة والاتفاقات بين الزوجين مش بس كلام بيتقال دي أفعال لازم تثبت لو هو فعلا اتغير بعد السفر وسابك في سكة الوحدة والبرود ده مؤشر كبير إنه مش مستعد يتحمل مسؤوليته كشريك ولما يبدأ يعاملك

Coffee_46122 🇪🇬 · Answer

كأنك انت السبب في كل حاجة دي بداية تكسير فيك وفي ثقتك بنفسك
أما بالنسبة لابنك فهو فعلا محتاج بيئة فيها أمان مش شرط تكون فيها اتنين متجوزين لكن لازم يكون فيها احترام وراحة ومفيهاش صراخ وكسر نفس
أنا مش هقولك سيبي ولا كملي لأن القرار ده كبير ولازم ييجي من استخارة ربنا وإحساسك الداخلي بس اللي أقدر أقولهولك متكمليش لو انتي بتكسري كل يوم متكمليش لو انتي بتخسري نفسك عشان حد مش شايفك

Apple_53207 🇪🇬 · Answer

بصي ي بنت الناس انا زي جوزك لحد م بيحصل حاجة معينه بتخليه بارد و مش مهتم ممكن يكون حس انك كنتي بايعاه ساعه قصه الطلاق او تفاصيل ف المشكله محدش عارفها غيرك و لي الاسف انا راجل و دا حصل معايا و سيبت خطيبتي و حاولت ارجع معاها معرفتش بس انتو عشان خاطر الولد اوعو تفكرو ف الطلاق تاني

Coffee_54321 🇪🇬 · Answer

هو من طبعه البرود وانه بياخد كل حاجه عادي بس ع طول بيطلعني انا سبب كل مشكله من ايام الخطوبه وحله للمشاكل هو التجاهل وبس 
والمره دي هو اللي قال ننسا ونقفل بس هو معملش كدا وغير كلامه وكل وعوده ليا رجع فيها بيعاقبني ع اللي حصل وقت المشاكل مع انه هو اللي قرر نقفله من غير كلام فيه
انا مش عارفه اعمل ايه وبفكر ف الطلاق كل يوم بس للاسف والدي واقف ف صفه وبيقول لو اطلقنا هيخليه ياخد الولد

Coffee_54321 🇪🇬 · Answer

قرار الطلاق صعب اصلا لان للاسف والدي واقف ف صفه وقال لو اتطلقنا ياخد الولد

Coffee_54321 🇪🇬 · Answer

مش قادره اعمل كدا للاسف 💔

Coffee_54321 🇪🇬 · Answer

حاولت انكلم معاه مش شايف غير اني وحشه

Coffee_54321 🇪🇬 · Answer

حاولت بدل المره اكتر من مره وهو كان كويس اول مارجعنا وفضل يديني وعود جميله اول ما سافر اتغير تماما ورجع ف كل وعد وعدهولي حاولت اتكلم معاه مافيش فايده انا محتاجاه زي اي زوجة ما بتحتاج زوجها ووضحت له دا اتريق عليا وفضل ف اللي هو فيه يبعد ويشتمني

Apple_54263 🇪🇬 · Answer

لو معملتيش كدا هتتاذي وهيجي عليكي جاامد لازم تعملي كدا ومتعبريهوش هيجيلك زاحف والله

Coffee_54321 🇪🇬 · Answer

بس هو بارد اوي انا ولا فارقه معاه 💔💔

Apple_54263 🇪🇬 · Answer

زي مانتي مش فارقه معاه انتي كمان خليه ميفرقش معاكي وعيشي اسمعي مني والله علشان مهتمه بيعمل فيكي كدا جربي تهمليه وفكك منو كانو مش موجود

Coffee_54321 🇪🇬 · Answer

الله يقويني اني اعمل كدا

Apple_54263 🇪🇬 · Answer

يارب وانتي حطي دا ف دماغك وهتعملي كدا يارب 🩵🤍

Hazelnut_52786 🇪🇬 · Answer

في اكتر من طريقه

Hazelnut_52786 🇪🇬 · Answer

في اكتر من حل وفي اكتر من طريقه