النقاشات العائلية

Sugar_49832 🇪🇬

منذ أسبوع واحد

شعور محبط

عبّر عن شعورك بشكل مجهول

السلاام عليكم 
اخر فترة حصلت نقاشات كتيير مع الاسرة الكريمة واكتشفت حاجة.. هى الفرق بين امى وابى فى النقاشات دى 
*الحاجة المشتركة ان الاتنين معندهمش استعداد يقولوا اسباب.. ولو قالوا السبب وانا قلت الحل الحوار هيتقفل فوراا بدون نتيجة لانهم مش هيخسروا النقااش 
مش موضوووعنا
 *امى ديما اول ما نختلف اول حاجة بتيجى فى بالهاا انها تفكرنى مرة واتنين وعشرة ان القرار فى ايدها هى مش انا،ديما كلامها كدة «مش بمزاجك،انا اللى بقرر، مش مهم ترتاحى المهم امك ترتاح».. يعنى حاولى مهما تحاولى طول ما انا مش عايزة فى الفاضى 
 تزعق وتبرق وتهدد كل دة عادى لكن هل رد فعلى على دة هيكون مقبول.. طبعا لا 
مش هتكلم كتير هنا لانى عارفة ان مينفعش اعلى صوتى بس الانفعال بيحكم 
*ابى مش كدة.. بيرفض وبيصر على رايه بس مبيبينش ان الرفض سيطرة وخلاص حتى لو مش هيقول سبب بس على الاقل بيقول مينفعش... مش مزاجى عايز كدة
.. بيقدر يسيبلى مساحة افكر انه ممكن عنده سبب او خايف من حاجة لكن امى بتقفل النقاش باحساس واحد يوصلى.. انى فعلا عاجزة قدامها 
*فى الحالتين الاتنين غلطانين... هترفض!.. قول سبب، اقعد مع ابنك او بنتك وفهمهم انت رافض ليه، اتناقشوا، اقنعه، خليه يسمع كلامك باقتناع مش خوف او عجز.. لانه لو الدافع بتاعه كان الخوف.. اول ما هيشيل مسؤولية نفسه هيعمل كل اللى اتحرم منه ومش شايف سبب لدة ومش هيفرق وقتها صح ولا غلط 
*انا فاهمة كويس جداا ان دة ناتج عن الطريقة اللى اتربوا بيها.. لكن هما كلمتين جوايا قلت اخرجهم 
*دور الاهل فى المقام الاول هو النصيحة مش القرار.. بالذات لما يكون الرفض او الاجبار من غير سبب او عشان الحاجة دى مش على هواكم... اختيارات ولادكم هى اول حاجة بتشكل شخصيتهم ومش شرط ابداا ان شخصيتهم تكون نسخة من النموذج اللى رسمتوه ولا شبهه اصلا.. طول ما هما مش بيتعارضوا مع الدين فخلاص. 
سيبيهم يغلطوا ويتعلموا.. يقعوا ويقفوا تانى..
الاهل دعم ونصيحة مش قرار 🍃🌿❤‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

سيبوا البنات في حالها.. مش كل واحدة عايزة تتجوز

انا عارفة ان كلامي مش هغير نظرة المجتمع ف حاجة ولكن لعل شخص واحد ممكن يتأثر بكلامى.. هو احنا ممكن نسيب البنات في حالها؟؟ ينفع منحكمش عليهم وإن البنات عايزة تتساوى مع الرجالة عشان دا مش حقيقي البنات فاقدة الأمان والثقة فبتتحامى في كاريرها وكلمتين بتقولهم عشان تبين نفسها جامدة ومش بتخاف والحقيقة انها بس مش عارفة تثق في حد.. الراجل فى نظر المجتمع مش هيعيبه انه يطلق مرة واتنين وتلاتة لكن البنت غالبا غالبا بتتجوز مرة واحدة زمان كان الجواز سهل مش قصة إمكانيات ولا كان الرجالة بتجيب ورد ولاليهم في جو الرومانسية لكن كانوا رجالة بجد عارفين يعني ايه مسؤلية ف أقل القليل لو محبش مراته مش هيظلمها.. دلوقتي البنت اول م تخطى اول خطوة في موضوع الجواز بتهرب لأنها بتخاف ودا بيكون بناءا عن تصرفات صدرت من الطرف التاني بينتلها انه مش قد المسؤلية .. في بنات بتقبل بعلاقة مش مبسوطة بيها بس لمجرد انها تتجوز وهي صغيرة وبشوف نماذج كتير هي مش سعيدة هي عايشة عشان عيالها بس هى حرة طبعا دا اختيارها . و في بنت بتستني شخص هى عارفة انه موجود وفي نفس الوقت بتتأكد كل يوم انه مش موجود ومع ذلك بتدعي لانها عارفة ان ربنا قادر البنت دى المجتمع مش بيرحمها لان سنها بيكبر ووالعشرينات بتخلص والتلاتينات بتخبط عليها وفجأة بيبقى مطالب منها تتنازل بس هي مش هتعمل كدا ايوا الضغط عليها صعب ولكن هى لو كانت بتتأثر بكلام حد كانت اتجوزت من زمان.. كمجتمع بلاش تلموموا بنت سنها بقا ٣٠ او اكتر ومتجوزتش عشان هى والله اكيد عايزة تفرح بس مش تفرح ساعتين وتندم عمرها كله انت كراجل اختار السن المناسب بالنسبالك بس سيبها في حالها هي متأكدة انها هتقابل الشخص الى هيختارها عشان هى هى عشان صفاتها وروحها وملامحها الى ربنا اختصها بيها .. جماعة سيبوا كل حد في حاله كل إنسان له قصته وحياته الى بيكون راضي بيها وبيشكر ربنا عليها بس كلامكوا بيحسس الشخص دا انه فيه حاجة غلط.. ممكن اقول حاجة اخيرة البنت الى عندها ٣٠ سنه هى هى البنت الى عندها ٢٠ سنه مفيش حاجة بتتغير الا عدد السنين والايام الى عاشتها لسه كل حاجة جواها بتحسسها انها طفلة ليه بتعجزوها بكلامكوا ...عرض المزيد

0 الدعم

1 نصيحة

Strawberry_65453 🇪🇬

ضحيت بمبدئي عشانه وقللت من كرامتي

بعد حب 8 سنين مكنتش عارفه بيدلني نفس الشعور ول لا قررت انى اتنازل عن واحد من مبدئي عشانه و اني اقوله حقيقه مشاعري تجاه و كلامه كان كانه بيقولى ان حبي ليه كان من طرف واحد او ان في حد تاني ف حياته و كنت قرره من الاول انه لو حتى فى حاجه من ناحيته ليا او لا هبعد ف الحالتين عشان حرام .... انا مش مضايقه على كل سنين دى انا مضايقه اني ضحيه بمبدا من مبدئي عشانه غير كده حسيت اني عملت ذنب كبير غير الذنب حساه انى قللت من كرامتي و من نفسي اوووى و ف نفس الوقت انا بجد مش قادره ابطل عياط من يومهاا و كل لحظه و ثانيه افتكر اللى حصل و بقيت نسخه وحشه اوووى من نفسي سوء عصبيه صوت عالي خنقه زهق عياط سرحان و بجد مش عارفه اعمل ايه او ابطل تفكير فيه ازاى و ابطل تفكير في اللى حصل ازاى و مش عارفه ارجع كويسه و مش قادره استوعب كل ده....؟! ...عرض المزيد

0 الدعم

6 نصيحة

Watermelon_73524 🇪🇬

كارهة الرجالة وبحاجة لراجل في حياتي

انا يا جماعه كنت كاره الرجاله اصلا واتجوزت عشان أهلى. عايزين كده واهلى كانو صعبين اوى عليا اتحوزت قعدت 8سنين وانفصلت ورجعت مش عايز اى راجل فحياتى بس غصب عنى بحس ان محتاجه راجل فحياتى عزلت نفسي خمس سنين بعيد اى حد ولما لقيت شخص مناسب طلع متجوز ومش عايز جواز كرهت الرجاله اكتر ارجع تانى زى ما كنت انا وابنى وبس وحالة الملل والاحتياج للاستقرار جوايا بش مضطره ابعد عن الناس تانى ورجعت من بره مصر معنديش أصحاب ...عرض المزيد

0 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع