المحن

Sugar_76222 🇪🇬

منذ أسبوع واحد

شعور محبط

موضوع:

قرارات من الأهل كانت سبب في تغير حياتك

اهلا ازيكم انا جت عليا لحظه كنت خسرت كل حاجه في حياتي من اهلي وصحابي وامي كل حاجه بس انا فضلت سنتين بحاول ارجع كل ده والحمد لله كل حاجه رجعت زيي الاول بس انا عندي مشكله ان زمان مكنتش باخد بالي ان بابا مش مهتم بينا ولا بيصرف علينا ولا يعرف عندي حاجه اصلا والموضوع ده ماثر عليا اوي اوي انا بقيت حاسه با

Biscuit_43229 🇪🇬

منذ أسبوعين

شعور منزعج

اسوء سنه عدت عليا في حياتي هي 2025، مش مجرد كلام و خلاص لأني اول مره في حياتي اقابل سنه بالمنظر ده، خسرت اقرب الناس ليا و شفت حاجات اكبر من سني و مواضيع و حوارات مش بتخلص، نفسي السنه دي اخلص بجد عشان اقدر اتخطي كل الي حصل فيها، انا السنه دي دفعه 2026 ثانويه عامه، مش عارفه 2026 هتبقا سنه احسن و ربنا

Pear_75251 🇪🇬

منذ أسبوعين

شعور مكسور القلب

موضوع:

اكتر كلمه او موقف قفلك من شخص

عمر ما كلمه قدرت تاثر فيا غير لما والدي قالي انت اوسخ بني ادم فالدنيا بجد الكلمه دي كسرتي ومبقيتش عايز حاجه من الدنيا بس الحمد لله بقيت احسن بس مرجعتش زي زمان ومعتدقش اني هرجع وع فكرة الموقف دا كان يوم نتيجه الثانوي وانا حاليا متخرج

Mango_70499 🇪🇬

منذ شهر واحد

شعور وحيد

انا اقتنعت ان مهما حاجه حصلت في حياتنا واتكسرنا جامد أو حتي مش قادرين ننسا حاجه كنا بنحبها هتفضل الدنيا بتكمل عادي الفكره هنا اننا لو فضلنا نستسلم احنا اللي بنضيع وقت علي الفاضي وعمرنا ما نوصل لي اي حاجه فا دايما الواحد يفضل يشغل نفسه حتي لو مفيش اي حاجه بيعملها يعمل اي حاجه اي حاجه تساعده انه يبعد

Mango_18989 🇪🇬

منذ شهرين

شعور خجول

من سنه كنت في اسوء لحظات حياتي ممكن اللي مرت عليا بس بسببك قدرت اتخطي واعدي وأكمل بعد ما قولت أنها نهايه وهتبقي نهايتي ادتيني امل خلتيني اقدر اشوف اللي اقدر اعملو وي وقفتي جنبي فا شكرا ليكي حتي لو بعاد دلوقت ومش في افضل حال بس شكراً ليكي علي وقوفك جنبي وربنا يوفقك في حياتك وفي اللي جي

Coffee_21153 🇪🇬

منذ 8 أشهر

شعور لا مبالٍ

بعيد نشر حاجات كنت منزلها قبل كدا لعل حد يستفيد ومتنسوش جدودي الله يرحمهم من دعائكم جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي لعل وعسى حد يستفيد انا تقريبا عديت بكل المشاكل اللي اي انسان ممكن بمر بيها

عبّر عن شعورك بشكل مجهول

بعيد نشر حاجات كنت منزلها قبل كدا لعل حد يستفيد
ومتنسوش جدودي الله يرحمهم من دعائكم

جالي فلاش باك شريط حياتي كلها عدى قدامه اكتشفت ان انا عشت حياه لو حد تاني عاشها كان جاله توحد واكتئاب وكل الامراض النفسيه عشان كدا قررت احكي لعل وعسى حد يستفيد انا تقريبا عديت بكل المشاكل اللي اي انسان ممكن بمر بيها مش تعظيم ف نفسي ولا بقول ان انا مظلوم ولا كل الكلام دا 
اولا التنمر انا ممكن اكون اكتر انسان تشوفه ف حياتك اتعرض للتنمر سواء على شكل جسمي طولي شكل سناني ومع ان لون بشرتي ابيض الا اني كنت بتعرض للتنمر عليها برضو والتقيله كمان ع اسمي كل دا وانا طفل عنده ست سنين من اول ما دخلت مدرسه وانا بتعرض للتنمر 
نبدا اول حاجه بجسمي انا كنت نحيف وقصير جدا يعني كان الواحد اللي ف سني قدي مرتين طول وعرض وهاتك بقا تنمر من الاطفال اللي ف سني ايدا انت اوزعه عود قصب خله سنان وكل الكلام دا وانا كنت بقابل كل دا بوجه مبتسم عادي جدا ولا كأن في حد بيتكلم مع ان انا طفل المفروض اروح اعيط لامي واشتكيلها بس سبحان الله كنت عادي جدا وواخد الموضوع ببساطه وبالعكس انا كنت بحاول اتخن مش عشان التنمر ولا عشان ارضي حد كان عشان نفسي انا مكانش عاجبني شكل جسمي بس لنفسي اي حد ملوش دعوه بشكلي وزود عليها ان انا مولود باسنان معووجه او منحنيه لجوه كل سناني معووجه وفي فرق بين اسناني اللي قدام وتنمر عليها بردو بس دي انا كنت بقول هعمل تقويم لما اكبر عادي 
لون بشرتي ابيض عادي جدا وكان شعري دهبي كمان بس بسبب جهل الاطفال اللي معايا ومن غبائهم كانوا بيتنمروا عليا مع ان اي حد هيقول دي حاجه جميله الا ان دول تنمروا بمعنى كان لما حد يشوفني يقولي انت عامل زي البنات وانت بنت اجنبيه وعامل زي الاجانب وانا كنت بقابل الموضوع ببساطه وبالعكس كنت بقول دا هما متغاظين المشكله اللي بيتنمر دا كان شعره اكرت وسنانه صفرا وبشرته سوده ( طبعا مع احترامي لاي شخص بشرته سوده او غامقه دي مش حاجه تعيب فيك بالعكس انت ممكن تكون اجمل مني عادي ) انا بتكلم ف مبدا ان انت اصلا مختلف عني يعني ممكن اتنمر عليك عادي بس عشان انا محترم وعارف ان انت زيك زيي عند ربنا وخيركم عند الله اتقاكم مش ابيضكم بشره مكنتش بعلق ع شكل اي انسان 
كانوا بيتنمروا ع طولي حتى بعد ماكبرت بقوا يقولوها بصيغه هزار  يعني مثلا وانا كبير بنت عمي كانت مخطوبه جديد ف بتقول خطيبها بهزار كدا تدي دا كام سنه قالها رابعه او خامسه ابتدائي وانا ساعتها كنت داخل ثانوي شايف الفرق الكبير ف السن اللي هو شايفه لو اي حد اتقاله الكلمه دي هيشيل جواه ويكره حياته انما انا خدتها عادي جدا 
نرجع تاني لما كنت طفل انا دخلت تلت مدارس وانا ف ابتدائي مش بسبب التنمر القصه ان انا مولود ف 12/2007 تقديم المدرسه بيقبل من شهر 10 يعني كدا انا المفروض اقدم ان انا 2008 واضيع العشر شهور دول او بمعني اصح اضيع السنه كلها ابويا طلع عينه معايا انه يدخلني السنه دي وقعد يلف لحد ما توصل لحل وهو انه يقدملي ف مدرسه ف بلد تانيه بعيد ويقدم طلب ان انا ادخل المدرسه القريبه مستمع( مستمع يعني مليش بسكوت ولا كتب ولا ليا اي علاقه بالمدرسه بحضر الحصص فقط ) الكلام دا كان ف اولى ابتدائي اول يوم مدرسه عدى عادي تاني يوم بدا تسليم البسكوت للاطفال وانا طبعا قاعد ف الفصل جه العامل اللي بيسلم البسكوت اداني كيس زي باقي الاطفال وانا ساعتها معرفش ان انا مليش بسكوت طفل فرحان وتيجي المدرسه وتروح واخداه من ايدي وتقوله لا دا مستمع ملوش بسكوت زعلت اوي ساعتها طفل صغير فرحان بالبسكوت روحت البيت وتقريبا دي كانت المره الوحيده اللي اشتكيت فيها لامي روحت اترميت ف حضن امي وقعدت اعيط بحرقه طفل صغير وحكيتلها الموقف قالتلي متزعلش المدرسه التانيه هتبعتلك البسكوت بتاعك طبعا مفيش بسكوت ولا حاجه بس انا فرحت المهم جيت تاني يوم روحت خالتي قابلتني وقالتلي خد البسكوت بتاعك اهو من المدرسه التانيه ( خالتي ساكنه معانا ف نفس البلد وجنبها مدرسه ازهر وانا كنت مقدم عام بقت تشتريلي كيس البسكوت من الاطفال اللي ف المدرسه الازهر وتقولي خد بعتينلك دا) وانا كنت بفرح اوي ساعتها ربنا يجازيها خير زي مكانت بتجبر بخاطري كل اللي كان مضايقني ساعتها ان انا عمي مدرس ف نفس المدرسه وابنه قدي وقاعد جنبي كان ييجي يديه بسكوت زياده للبيت وانا ولا كأني قاعد جنبه 
المهم انا كنت مقدم ف المدرسه البعيده دي وبروح هناك ساعت امتحانات الفاينل بس المدرسه دي كانت ازهر يعني دينيه بيدرسوا قرءان وكدا  وانا كنت بحضر ف مدرسه عام يعني مش حافظ قرءان جت امي ربنا يخليها حفظتني قبل الامتحان وعدت الحمد لله كل دا وانا ف اولى ابتدائي

ندخل بقا ع تانيه ابتدائي المدرسه الازهر اللي جنب خالتي فتحت تقديم صغار السن يعني بيقبلوا صغار السن عادي ابويا قدملي هناك طبعا وانا كنت داخل المدرسه مش عارف حد ولا كان عندي صحاب  خالص كنت متوحد وانطوائي وكنت صاحب نفسي كنا لما تطلع بريك كنا ننزل حوش كدا واللي يلعب مع صحابه واللي ياكل معاهم وكان مسموح لينا نخرج برا المدرسه عادي بس نرجع تاني اول ما البريك يخلص بحكم ان انا مليش صحاب هقد جوا ليه المهم المدرسه كانت ملحقه بمسجد كبير كانوا الاتنين لازقين ف بعض وانا كنت اطلع الف لفه حوالينهم والبريك يخلص وادخل تاني وجه اليوم اللي صاحبت فيه اول صاحب ليا انا كنت اول مره اقف ف الحوش ف البريك وما اطلعش برا وجم شويه ولاد اكبر مني ب حاولي تلت او اربع سنين بيتريقوا عليا وانا طنشتهم وجه واحد يضايقني وضربني بالقلم كان ساعتها الولد اللي بقا صاحبي دا واللي اسمه خالد مكانش واقف معاهم بس جه على لحظه القلم وجه وزعق لصاحبه واتخانق فيه وجالي صالحني وقعد معايا ساعتها مكونتش عايز البريك يخلص عشان افضل قاعد معاه المهم اتصاحبت عليه وبقيت اوقات امشي معاه وانا راجع البيت كان صحبي اوي ربنا يجازيه خير لسه عارفه لحد النهارده 
جه بقا اليوم اللي غير حياتي 180 درجه احنا الفصل عندنا كان 20 طالب يعني كان صغير بس انا مكنتش مصاحب حد المهم كنت ف البريك وخالد غالبا كان غايب وجم تلت ولاد اكبر مني بسنه كانوا بيجروا ورا بعض وواحد شدني وقعني على الارض وانا تلقائيا شتمته او زعقتله الواد معجبهوش الكلام قام جاي هو وصحابه عايزين يضربوني وانا افجرت مع اني هادي جدا جدا بس مسكت التلاته ساعتها كلتهم علقه لحستهم تراب الحوش وطلعت اجري على الفصل ولاول مره اعيط برا البيت قعدت اعيط بحرقه جامد اوي وكنت حاطط راسي على الديسك وبعيد فجاه سمعت صوت حولي برفع عيني لقيت العشرين واحد اللي معايا فالفصل ملمومين عليا وسمعتهم بيقولوا هنقول للاستاذ متخافش ساعتها فرحت اوي من قلبي ان في حد بيطمني واللي فرحني اكتر ان هما عارفين اسمي ولقيتهم راحوا جري ندهوا المدرس وقالوله الحق حذيفة بيعيط ولحسن الحظ نفس المدرس كان عليه الحصه دي لنفس الفصل اللي فيه التلت عيال خدني من ايدي وقالي شاولي عليهم وكمل عليهم ضرب ساعتها فرحت اوي ان العيال اللي معايا ف الفصل عارفيني ومن ساعتها بدات اتعرف عليهم كلهم واتصاحبت عليهم بس بردو التنمر مسابنيش ف حالي 
زي ما قلت انا اسمي حذيفة على اسم الصحابي حذيفة بن اليمان رضي الله عنه
انا ابويا شيخ واحنا عيله متدينه الحمدلله وكل اسماءنا انا واخواتي اسماء الصحابه رضي الله عنهم 
( حذيفه، بسام، اسماعيل، جويرية، معاويه، وماريه )
كنت بتعرض للتمر بسبب اسمي انا كنت الوحيد ف البلد اللي بالاسم دا كان بقا اللي يقول دا اسم بنت والي يقول زوحليقه حفيزه وحاجات كتير كدا المهم انا اللي مستغربه من نفسي دلوقتي هو ان انا عمري ما اشتكيت لامي من  تنمر على اسمي لان انا مكونتش بتضايق اصلا يعني سبحان الله مع اني طفل الا ان انا ايماني كان قوي كنت بقول مانتوا جهله ازاي مسلمين ومش عارفين الصحابي حذيفة وكنت بقول الكلام دا لاي حد كان بيتريق حتى ان في مدرس اتريق على اسمي وقولتهاله بالنص انت ازاي مسلم ومش عارف الصحابي حذيفة بن اليمان المدرس تنح واتكسف ومن ساعتها مقدرش يتتريق على اسمي مع ان انا وغيري وناس كتير جدا شايفين ان اسمي من اجمل الاسماء اللي ممكن طفل يتسمى بيها 
انا دلوقتي 17 سنه ولحد دلوقتي بقابل ناس جاهله كتير مش عارفين الاسم وبيتتريقوا حتى وانا بحجز الدروس في مدرس بيستظرف وبيقولي انت متاكد انك ف اولى ثانوي( لما كنت لسه ف اولى ) وبيضحك ع اساس انه يضحك الاسيستنت وكدا قومت كسفته وقالتله اه قالي دا جسم واحد ف اولى ثانوي قولتله اه تحب اجيبلك شهاده الميلاد قام ساكت واتخانقت طول الثانوي ف اكتر من اسيستنت بسبب انهم بيكتبوا اسمي غلط او ينطقوه غلط ومصرين انهم صح يعني مره كنت بسجل حضور بقول لاسيستنت تكب اسمي بقولها حذيفة قامت التانيه تقول حذيف اقولها لا حذيفة تقول لا حذيف قومت موقف الدور ووقفت الناس اللي ورايا ومسيبتها الا لما قالت حذيفة
دلوقتي انا 17 سنه ثانوي عام 2025 الحمدلله من اكتر الناس اللي اجتماعية ف دفعتي اتعرفت ع ناس كتير جدا جدا جدا ومحبوب جدا وسط الناس  ووسط دفعتي ووسط مدرسيني وحتى الاسيستنت كلهم يعرفوني وبيحبوني وطولت وطولي بقا 170 ووزني حاليا 50 كيلوا لسه رفيع بس بحاول ازيد وحتى لو مطولتش او زيدت انا متقبل نفسي وبحب نفسي زي ما انا ومش مستني راي حد فيا  
فالنهايه حابب اقول متوقفش حياتك عشان حد خلي ايمانك قوي وواجه اي حد يتتريق عليك بالعكس خد التمر وحوله لطاقه ايجابيه وحسن من نفسك عشان نفسك ومتسمعش كلام حد وتخليه يوقفك او يزعلك حتي لو بيهزر او بيتكلم جد قوله تمام وولا كأنك سمعت منه حاجه 
دا كان جزء من حياتي اتمنى يكون استفادتوا منها اي حاجه ولو استفدت دعوه حلوه منك وربنا يوفقنا جميعا ❤

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_32160 🇧🇭

منذ 10 أشهر

شعور شاعر بالملل

كُل صبر وراه جبر، وكُل شدة جواها دروس هتتعلمها وناس هتتعرى وتبان لك على حقيقتها، وكُل مِحنة بتعدّي عليك بتطلع منها جبل قادر يتحمل ويشيل أي مسؤولية، عشان كدا كُل عُسر بنعيشه بيكون وراه اليُسر، والشاطر اللي يتقبل قدره ويصبر على ابتلاءه؛ وبعدين ربنا بجلالته وعظمته وقُدرته بيقول لك: "وبشر الصابرين" فيا

Cherry_31224 🇪🇬

منذ 10 أشهر

شعور ممتن

موضوع:

صدمات الطفوله

اول صدمه حصلت فحياتي اني تعرضت للاعتداء من شخص فعيلتي من وانا صغير وانا دلوقتي بعالج نفسي لان انا مش هعرف اروح لثيرابيست وانا عمري ما هنسي الموقف دا ابدا وان وانا تقربت من ربنا الحمدالله وفي حاجت غيرتها فشخصيتي ودايما كنت بدعي ربنا لحد ماربنا وراني عبده وهو بيتعذب فالدنيا الحمدالله.

Sugar_28822 🇪🇬 هنصحك نصيحة واااحدة كفيلة تغير حياتك على قد ما بدايتها صعبة على قد ماا هتغيرك فعلا من غير اى وسيلة علاج اسعى انك تلتزم اسعى فى طريق الاتزام لحد مااا توصل التزم بصلاتك التزم بصلاتك التزم بصلاتك ولو بتصلى زود من النوافل وقيااام الليل وقضاء الحاجه بنية ان ربنا يطمن قلبك ويرزقك الامان والهداااية والسكن طلع صدقات كتير القران احفظ قران واقرا واسمع كتييير اسمع قران بصوووت مريح وهادى..

عرض الكل 8 نصيحة

Mango_11422 🇪🇬

منذ سنة واحدة

شعور مستنزف

اتعرضت ف اخر سنتين لحاجات كتير صعبه على قد م المواقف دي كانت وحشه وحرفيا دمرتني نفسياً و دا طبعاً لاني كنت اول مره امر بمشاكل زي كدا و الأسوأ كنت بواجه اغلبها لوحدي كنت ضعيفه مش فاهمه حاجه كنت ساذجة جدا بس كنت كارهه نفسي ساعتها عرفت اعدي كل دا أحياناً كان فيه ناس بتساعدني بس فيه حاجات محدش يعرف عنه

Strawberry_12260 🇪🇬

منذ سنة واحدة

شعور Bad 😞

كلنا بيجلنا وقت ونضعف فيه مهما كنا اقويه ف عادي تضعف وعادي تزعل وعادى تضايق وعادى تاخد بريك من الدنيا بس انت م ضعيف علطول انت ضعيف موئقتا بس وهتبقى اقوى❤️‍🩹❤️‍🩹

Apple_76733 🇪🇬

ليه محدش هيحبني وانا كل الناس بتحلف باخلاقي؟

طول عمري مقتنعة بفكرة ان الولاد معندهوش مشاعر ومبيعرفوش يحبوا بس لما كبرت شوية ودخلت الجامعة لقيت ان فيه بنات كتيرة والله م تستاهل وبتتحب بكل صفاتها الحلوة والوحشة بتصعب عليا نفسي اني كل الناس بتحلف ب اخلاقي بس مبتحبتش زي م بشوف وبسمع وبسأل نفسي ليه واشمعنا انا ، بقيت بحس ان كل اللي بيحبوا بيحبوا من صغرهم وانا فاتني الموضوع دا ومحدش هيحبني تاني حتى لو اتزوجني هيكون عنده علاقات سابقة معرفش ليه بس شاغل دماغي الموضوع دا لدرجة برفض ناس كتير بسببه! ...عرض المزيد

2 الدعم

19 نصيحة

Avocado_50926 🇪🇬

خايفه افركش من الخطوبه وانا متعلقه

السلام عليكم ممكن احكي حاجه انا تعباني انا كنت مخطوبه قبل كده سبحان الله كان في قبول بنسبالي ليه وكنت فرحانه بس انا من فرحتي مكنتش حاسه ان هيبقي دا سبب في ان حياتي تتغير اتغيرت جامد بسببه بس انا خايفه ابقي غلطت اني فتحت الباب تاني بعد سنتين كنت مش عايزه الموضوع دا لاني انا كنت مبسوطه بخطيبي الاول بس هوا محبنيش وكنت بنسباله وقت للاسف الحمدلله علي كل شيئ بس ربنا عوضني ب شخص تاني كويس ومحترم وبيحبني بس انا حاسه ان بقالي فتره مش كويسه وبفكر اني افركش من كتر ما انا حاسه ان خايفه اطول في الخطوبه وافركش بعد ما اتعلقنا انا مكنتش عايزه يحصلي كده كنت بتمني زي اي واحده نصيبها جالها وربنا كرمها وارتاحت بس الحمدلله دائما الاحساس دا معايا والخوف ملازمني 😞انا الحمدلله بصلي وقريبه شويه من ربنا مش عارفه انتو مريتو بكده ...عرض المزيد

2 الدعم

15 نصيحة

Strawberry_11964 🇪🇬

يا دور البرد، مش عارفة ألاقي ماما!

‏حبيبي يا دور البرد أقسم بالله ما وقتك خالص وبعدين جايب الشدة دي منين أنا كنت نازلة أكشف علي عيوني أيه دخل حضرتك دلوقتى أقسم بالله وشي من ماما ف إلارض مش عارفه تلاقيها منين ولا منين ، وكمان الدكتور زهق مني إحنا لسه ف الصيف هعمل ايه ف الشتاء بالمناعة دي ، يارب أنت عالم بقي 🫠🫠🫠🦆 ...عرض المزيد

4 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع