القرآن

Biscuit_82260 🇪🇬

منذ 18 ساعة

شعور عاطفي

موضوع:

خطأ وقعت فيه تتمنى غيرك يتفاداه

لو كنت لسه صغيره كان هيبقى نفسى حد يقول لى انى اخد بالى اوى انى مغلطش ف حق حد او اغتاب او أنم على حد .. رغم انى الحمدلله مكنتش شخص وحش او نمام او بغلط كتير ف حقوق الناس لكن فى كلام كتير. بيتقال و احنا مش واخدين بالنا حتى لو النية بتاعتنا كويسه .. و كمان كان هيبقى نفسى حد يقول لى انى مضيعش صلاتى ا

Toast_41154 🇪🇬

منذ يومين

شعور مستنزف

كنت من شوية شايف كذا شخص بيتكلم وبيقول انه بيواجه مشكلة في الدين ومش قادر يقرب من ربنا وان عنده مشاكل في الاقتناع بالدين. الناس دي في منهم بيحافظوا على صلاواتهم وبيصلوا وبيصوموا لكن عندهم المشكلة دي ومش عارفين مصدرها، فقولت اجرب اكتب هنا لعل حد يشوف البوست ده. المشكلة الاغلب في انهم مش فاهمين حاجة

عبّر عن شعورك بشكل مجهول

كنت من شوية شايف كذا شخص بيتكلم وبيقول انه بيواجه مشكلة في الدين ومش قادر يقرب من ربنا وان عنده مشاكل في الاقتناع بالدين.
الناس دي في منهم بيحافظوا على صلاواتهم وبيصلوا وبيصوموا لكن عندهم المشكلة دي ومش عارفين مصدرها، فقولت اجرب اكتب هنا لعل حد يشوف البوست ده.

المشكلة الاغلب في انهم مش فاهمين حاجة من القرآن، يعني بيقرؤوا القرآن في الصلاة وبيسمعوا تلاوات شيوخ لكن مش فاهمين حاجة، هما محتاجين حد من سنهم وحد بيفكر زيهم يشرح لهم معاني القرآن وتفسيره، يعني مثلاً الي بيسمع شيخ المنشاوي بس عشان صوته حلو، مش عشان يسمع ويفهم ويتدبر كلام ربنا، بيركزوا على ان ازاي الشيخ ده مد الحرف ده او ازاي فتح او كسر الحرف ده او ازاي قال السطرين دول في نفس واحد، وده طبعا مشكلة، بيركزوا في الصوت وبينسوا المعني، يعني مثلاً ممكن الشيخ بيكون بيقول آية (( يَا قَومِ إنمَا هذهِ الحياةُ الدُنيا مَتاعٌ وإن الآخِرَةَ هِيَ دَارُ القَرارَ )) والشخص الي بيسمع مستمتع وآخر حلاوة و واو وبعدها يشرب شيشة (حرفياً)، لكن نسى يتدبر الآية، وان الدنيا دي حياة الناس بيتنغموا فيها وبيتمتعوا فيها قليلاً ثم تنقطع وتزول، وإن احنا كمسلمين ينبغي لنا إننا منتفتنش فيها ونحبها وان نغيم الآخرة هو النعيم والمتاع بجد وكل حاجة، وان احنا منبيعش حياة دائمة خالدة بس عشان شهوات او سجاير واي حاجة ربنا حرمها، وان احنا ينبغي لنا ان احنا نستعمل الدنيا دي ونعمل عمل صالح عشان ندخل الجنة، الي هي بيتنا الحقيقي.

ومثلاً لو رحنا لسورة المؤمنون، فيه آيات فيها اعجاز علمي وبياني وبلاغي لا شك انها من عند الله سبحانه وتعالي، ربنا بيوصف عظمة مراحل خلق الانسان وقد ايه ان الانسان مش حاجة سهلة تتصنع زي لعبة وإن إزاي ربنا احسن خالق، ربنا بيقول (( وَلَقَدْ خَلقنَا الإنسان مِن سُلالَةٍ مِن طِينٍ (١٢) ثُم جَعلناهُ نُطفةً في قَرارٍ مَكينٍ (١٣) ثُمَّ خَلقنا النُطفةَ عَلقةً، فَخَلقنا العَلقةَ مُضغةً، فَخَلقنا المُضغةَ عِظامًا، فَكَسونا العِظامَ لَحْمًا، ثُمَّ أنْشَأناهُ خَلقًا ءَاخَرَ، فَتَبَارَكَ اللهُ أَحْسَنُ الخَالِقِينَ (١٤) )) ربنا وصف مراحل خلق الإنسان بدقة رهيبة من 14 قرن وان ازاي الإنسان من أعظم خلق الله في الدنيا وإن الله يستحق التعظيم والثناء وان الانسان الأول كان طين بعدين بقى نطفة (قيل مشيج او مني) في رحم المرأة بعدين بقى علقة (قيل دمًا أحمر) بعدين مضغة (قيل قطعة صغيرة من اللحم لا شكل فيها ولا تخطيط) بعدين اللحم اللين بقى عظم، بعدين كسا العظام لحمًا (اي تكوُّن اللحم في العظم) ثم نفخ الله فيه الروح فأنشأه خلقًا ءاخر، بعدين قال فتبارك الله أحسن الخالقين لأنه هو من يستحق الثناء والتقدير كله.
بعد ما ربنا قال عظمة مراحل خلق الإنسان، تفتكروا ايه هي كانت الآية الي بعدها؟ مش هتتوقعوا.
(ثُمَّ إنَّكُمْ بَعْدَ ذَالِكَ لَمَيِّتُونَ (١٥) ثُمَّ إنَّكُمْ يَوْمَ القِيَامَةِ تُبْعَثُوْنَ (١٦) ).
حد توقعها؟ مستحيل.
ربنا قال عظمة خلق الإنسان بعدين قال إن الإنسان هيموت، وهيبعث يوم القيامة.
مش ناسيين حاجة في النص؟ مش الإنسان بيتولد بعدين يعيش في الدنيا بعدين يموت بعدين يبعث يوم القيامة؟ مش ملاحظين ان ربنا قال في الآيات ده الحاجات المهمة بس، الي هم الإنسان بيخلق بيعدين بيموت بعدين بيبعث، هل ده معناه ان الدنيا من مهمة أصلاً؟ 
ازاي واحد يشوف دار خلد الي عمرها ما هتنتهي ويحط الدنيا بنفس الأهمية ويتمتع فيها؟ مش قادر يستنى ويمسك نفسه فيها؟ البنت الي بتمشي في الشارع مش قادرة تلبس الحجاب بس الشوية دول؟ الولد ده مش قادر يبطلها في الشوية دول؟ عشان بس نتصور الفرق بين الخلد (اللا ما لانهاية) والحياة الدنيا الي هي بلكتير 60 او 70 سنة، تعالوا ناخذ شركة أبل كمثال، تقدَّر ب 3,670,000,000,000 دولار (الي هي طبعًا مش ما لا نهاية لكن فقط عشان نتصور) وانت ثروتك بالكتير 70 جنيه، لو قولتلك عد لحد 70 هتاخد وقت قد ايه؟ يمكن 40 او 50 ثانية؟ لكن لو قلتلك عد ل 3670 مليار تعرف هتاخذ وقت قد ايه؟ تقريبًا 116339 سنة!!!!1396068 شهر!!!!!! في الوقت ده ممكن حرفيًا حرفيًا تلف الكرة الأرضية مشي على رجليك خمسين ألف مرة!!!!!!! 50434 مرة تمشي فيها مسافة 2,017,360,000 كيلو متر!!!!!!!! وده عدد محدود!! يعني لو كنت عايش في عهد الفراعنة وبديت تعد من وقتها لحد دلوقتي مش هتكمل 0.06% من اجمالي ال 3670 مليار!!!! والمشكلة ان ده عدد محدود وبعيد جداً عن الخلد الي ربنا تكلم عنه في القرآن، المشكلة والمصيبة الأكبر إن في ناس بتبيع ككوووووووووووووووووووووووووووووووووووووووووووووووووووووووووووووووووووووووووول ده بس عشان يتمتع لبعض ثواني أو عشان الشطورة "تتحرر" ومتلبسش حجاب!! أنا آسف بس هم مغفلين، غرتهم الحياة الدنيا عن الجنة، قد إيه الدنيا ده حقيرة ومتستاهلش أبداً أبداً.

مرة كنت بقرأ سورة العلق، واستوقفتني آية ربنا بيقول فيها (( أَلَمْ يَعْلَم بِأَنَّ اللهَ يَرَىٰ (١٤) )).
ربنا بيشوفنا، حرفياً بيشوفنا وعارف كل حاجة إحنا بنعملها، الي بيتصدق في السر ربنا بيشوفه، والي بيسمع أغاني ربنا بيشوفه، والي في الغرفة لوحده ربنا بيشوفه، والي بيشاهد قذارة ربنا بيشوفه، والي "مكسلة" تلبس الحجاب ربنا شايفها، والي والي والي… مش هنخلص. ربنا عارف كل نوايانا وعارف كل الي في قلبنا، الانسان الضعيف ده مش قادر يستوعب الخمس كلمات دول؟ يابني ربنا بيشوفك!!! مش هزار!!

مرة في التراويح سمعت آيات من سورة آل عمران
(( والذين اذا فعلوا فاحشة او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون (١٣٥) أُوْلآئِك جزآئهم مغفرة من ربهم وجنات تجري من تحتها الأنهار خالدين فيها ونعم أجر العالمين (١٣٦) )) 
يعني فعلاً من بيغفر الذنوب إلا الله؟ ربنا قالك اذا عملت ذنب كبير أو عملت حاجة وحشة وظلمت نفسك (مكنش المفروض تعملها)، إذكره، وإلجأ إليه تائباً واطلب منه المغفرة وانت عارف إنه مفيش حد غيره هيغفرلك، ومتعملش المعصية ده. وتفتكر ليك إيه من ربنا؟ الذين اتصفوا بتلك الصفات العظيمة واستغفروا وتابوا لربهم لهم الجنة لا يخرجون منها أبداً، يعني تقدر تعد لحد 386,000,000,000,000,000,000 
ومش هتزهق خالص ولا هتخلص 😂
تخيل ده عدد حسناتك يوم البعث، هي مش صعبة، بس اعمل الخير والعمل الصالح الي مش بياخد من وقتك حاجة، واسمع الكلام.

انا تقريبًا طولت في الكتابة، كنت جاي انصح كام شخص لقيتنا بفضفض الحاجات الي في دماغي، والله الدنيا م تستاهل، احنا الي بنعظمها عشان وجدنا فيها شوية متعة بس. انا يمكن دخلت كذا موضوع في بعض او قولت اسامي ناس او فيه أخطاء إملائية، لكن معلش انا مش هرجع أقرأ كل ده 😅، فأعتذر مبدئيًا لو أنا غلطت في حد أو في حاجة.

كل الي انا عايز الناس تعرفه ان الجزء الأكبر من المشكلة مقتصر على إنهم مش فاهمين حاجة من القرآن ولا الأحاديث ولا حد مسكهم وقعد يفسر لهم، وانا على فكرة كنت كده ولحد دلوقتي مفيش حد مسكني وفسرلي، لكن بتطلعلي فيديوهات التفسير على السوشيال ميديا بالصدفة، أو لا، هي أكيد إشارة من ربنا.

محدش يفتكر إن الي بيتكلم عن الدين ده يبقى شخص نقي وجميل ومبيعملش ذنوب، الكل بيعمل ذنوب حتى أنا، لكن الفرق بين الشخص والتاني هو الي بيفكر فيه بعد ما يعمل الذنب، هل مطنش او بيمر ولا كأنه عمل حاجة ولا بيلوم الشيطان ولا بيحزن ويتوب ويكون كاره نفسه لما بيعمله.

تقريبًا كان فيه كلام كنت عايز اقوله برضوا لكن نسيت.

ادعوا لكل الشباب والبنات والمسلمين بالهداية.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_79330 🇪🇬

منذ يومين

شعور متعب

مساء الخير. انا بنت عندي 17سنه و وكنت محتاجه نصيحه عاوزه ارجع لربنا تاني عاوزه ارجع اصلي انا بصلي بس مش منتظمه اصلي يوم ويومين لا عاوزه انتظم في صلاتي الحمد لله بحفظ قران بس الايام دي حاسه لما ابقى افتح المصحف مش قادره احفظ ولما بحفظ مش هو الحفظ بتاعي عاوزه ارجع اصلي عايزه نصايح كثير ودعواتكم ليا

Waffle_51881 🇪🇬

منذ أسبوع واحد

شعور منزعج

قررت أتغير للأحسن، الحمد لله. نويت أبدأ ألتزم في الصلاة وأحاول، وأقلل استخدام الجوال. بما ان محدش شجعني. شغفي بالتعلم رجع تاني، ونويت استغل وقتي الفاضي في السكن. هبدأ أتعلم حاجة جديدة وأطور مهارة قديمة (زي الإنجليزي). هرجع أقرأ قرآن تاني وأراجع اللي حافظه لإني كنت حافظه كله وبدأت أنساه. نويت أرجع

Waffle_51881 🇪🇬

منذ أسبوعين

شعور عاطفي

نويت اتغير للأحسن الحمدلله نويت ابدا التزم في الصلاة واحاول. نويت اقلل استخدام الفون. نويت ارجع شغفي للتعليم تاني نويت استغل الوقت الفاضي في السكن هبدا اتعلم حاجه حديده واطور مهارة قديمه ( الانجلش) نويت ارجع اقرا قرآن تاني واراجع اللي حافظه لاني كنت حافظ القرآن كله وبدأت انساه نويت ارجع الشخص اللي

Strawberry_75619 🇪🇬

منذ أسبوعين

شعور مستنزف

رغم أني قبل ما انام بقول اذكار النوم وبقرأ سوره الملك وايه الكرسي والمعوزتين سعات كتير بحلم بكوابيس وحشه اي السبب ومنها كوابيس بتكون عفاريت وحجات تخوف يمكن الحاجه الوحيده الإيجابية اني لما بشوف حجات زي كده في الحلم بكون فاكره حجات من القرآن ومره قرأت سوره الفلق

Strawberry_11964 🇪🇬

منذ 3 أسابيع

شعور عاطفي

آيات سورة طه أقرب الآيات لقلبي كُل مرة بسمعها بتبهرني، وتهديني، وتستوقفني وكأنها أول مرة أشعر أنها تُخرج ما في القلب من عناء الدنيا وكدرها وهمومها؛ لتأخذه لنعيم القرآن فيسعد! فالحمد لله على نعمة القرآن )"💘🦆

Avocado_52095 🇪🇬

منذ 4 أسابيع

شعور ضائع

نفسي ابدأ احفظ القرأن و التجويد و هكذا مكنتش حافظ غير جزء عامه ده و انا صغير في حضانه و دلوقتي عندي 21 سنه ف ممكن امشي ازاي أو اعمل ايه حد جرب يحفظ مع نفسه في البيت و الدنيا تمام معاه يعرفني الطريقه و استمر ازاي و اتابع مع مين و هكذا ؟ و لا لازم ادور علي حد بره بس اللي هو انا مش شخص اجتماعي و معن

Pumpkin_68569 🇪🇬

منذ شهر واحد

شعور عاطفي

موضوع:

اي سبب دخولك للبرنامج

جماعة كنت بحفظ قرآن في مدرسة و مش ملتزمه و لا بحضر و باجي قبل الامتحان اراجع اللي اقدر عليه و اروح امتحن فا في سورة ديما كنت ديما بتخطاها ( استغر الله ) عشان كبيرة بالنسبالي و كنت بسيبها للاخر و عمر ما كان بيتبقالها وقت و مكنتش بهتم كنت بقول عادي هبقى اجيبها في اي وقت و ده عمره ما حصل لحد ما جربت ان

Orange_72595 🇪🇬

منذ شهرين

شعور غبي

اهلا بالكل انا شخص ربوبي لا ديني علي مجتمع توهيلوا رغم اني عايش في اسره مسلمه و دي طبعا فارض علي اخفي مذهبي و عن كل الي في مجتمعي لان عارف معدش هينقبل يسمع فكري لان كلنا عايشين في مجتمع متمسك بالدين و العقيده تمسك أعمي و تقريبا الكل بيعب الله مش عشان بسحبه و أنه عايز يعبده و يصلي فروضه ليه كل بيعبد

Chocolate_62747 🇪🇬

منذ شهرين

شعور محبط

موضوع:

علاقتك مع ربنا كانت عامله ازاي وبقت عامله ازاي؟؟

انا كنت قريبة جدا جدا جدا من ربنا جدااااا كنت بصلي كل الصلوات في وقتها وبزود عليها كمان النوافل الي قبل كل صلاة وبعدها وبزود عليها كمان قيام الليل وبزود عليها كمان قراءة القراءن بعد كل صلاة وقبل ما انام كنت بختم القراءن مرة في الشهر واحيانا كانوا يبقوا مرتين رغم كل المشاكل والضغوط الي كنت فيها بس كن

Waffle_70319 🇪🇬 ادعى وقولى اللهم يامقلب القلوب ثبت قلبى على دينك

عرض الكل 6 نصيحة

Ice Cream_68508 🇪🇬

منذ شهرين

شعور مكسور القلب

السلام عليكم يا جماعه انا احفظ القرآن الكريم بحمد الله كاملا وتجويده وعلوم القراءات وامام وخطيب ومدرس شرعى بالازهر الشريف ويسعدنى ويشرفنى ان اساعد اى انسان يعانى من مشكلة فى حياته ولها ان شاءلله تعالي الحل من القران والسنه النبويه الشريفه كذالك التجربه العمليه والتعايش مع الناس اكسبنى خبره ليست بسي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_62361 🇪🇬

منذ 3 أشهر

شعور محبط

موضوع:

اكتر ذكره مؤلمه حصلتلك وومقدرتش تتخطها؟

وفاة والدتي دمر حياتي حرفيا مبقتش أنا بقيت حاسة أني غريبة كأني اتبدلت فقدت الوعي لما كنت فالغسل و عمري ما هنسي فترة تعبها عذاب بنسبالي كانت كل حياتي و أنا البنت الوحيدة و اصغر واحدة اتوفت قبل رابعة جامعة كنت حاسة اني مش عايزة اكمل دراسة لحد لما اهلي اقنعوني اكمل فاضل كام شهر و يعدي علي وفاتها سنتين

Ice Cream_63466 🇪🇬 طبعا اصعب شعور ممكن الانسان يحسه هو فقدان الام ولكن انتي بتقولي تعبها يعني ربنا رحمها وهي في مكان احسن بس انتي محتاجه تكوني قويه وبخير عشان تكون مرتاحه في مكانها وربنا اكيد هيصبرك مع الوقت

عرض الكل 2 نصيحة

Lemon_50969 🇪🇬

منذ 5 أشهر

شعور ضاق ذرعًا

عندي مشكله انت كنت قاطعه الصلاة فتره كبيره ولما بدات اصلي وربنا كرمني انت رجعت اتكاسل تاني ومبقتش عارفه اذاكر ولا احفظ القرآن وملامحي بقت باهته ونفسيتي وحشه انا عارفه أن الصلاه واجب علينا كلنا وان ده مش منطقي بس انا لما كنت قاطعه الصلاه كانت حياتي عاديه وبعرف احفظ واذاكر انا عارفه انو مينفعش اقول كد

Hazelnut_52503 🇪🇬 والله ده الشيطان ليعمل كده ف الأول هتحسي بعده بعدها هتلاقي الموضوع عادي أن شاء الله وكلنا معاك وربما يعينك ومتقطعيش تاني لو حاله كل يوم أسألك صليتي ولا لا من باب التحفيز

عرض الكل 4 نصيحة

Orange_82637 🇪🇬

تعبت من المسؤولية ووحيدة بعد الطلاق

أنا امرأة مطلقة من ١٢ سنة وشلت مسؤلية ولادي واشتغلت وتعيت من كل حاجة مشكلتي أني مبقتش قادرة ادي أي حاجة وحيدة جدااا برغم ان اي حد حواليا يتمنى اكلمه بس كله في الحرام قرفت من كل الناس وتعبت من المسؤلية نفسي احس بالامان بالاستقرار العاطفي والمادي طول الوقت مسؤليات وضغوطات بهرب من ده باني اهتم بنفسي عشان لما ابص في المرايا محسش اني مهزومة بس فعلا تعبت ...عرض المزيد

17 الدعم

63 نصيحة

Strawberry_77918 🇪🇬

تايهة بين ديني والايمان الجديد.. حاسه بالخيانه

حاسه اني تايهه تايهه دينيا قررت انى اتعلم حاجات من دين معين بدافع العلم و الفضول اعرف الناس دي بتفكر ازاى و بتؤمن ب ايه لقيت نفسي تهت متعلقه بين ديني و الدين التاني اللى كنت عايزة اعرف عنه في حاجات مش مقتنعه بيها في اللى انا بتعلمه جديد بس بحس فيه براحه بيشيل عني تأنيب ضمير شايلاه من سنين و في نفس الوقت حاسه انى خاينه لديني و عاقيدتي و ايمانى الموضوع صعب اوى و مرهق نفسيا فوق ما تتخيلوا مش عارفه اعمل ايه ...عرض المزيد

4 الدعم

31 نصيحة

Pumpkin_82626 🇩🇿

نجاحي يخفي فراغاً كبيراً وإيذاءً لنفسي

أنا إنسانة ناجحة جدا في الصعيد العملي ذات مشاريع ضخمة وذات صيت واسع والكل يشير لي بالبنان ويرون اني شخصية قدوة ومجتهدة .لكن في داخلي فراغ عظيم لم يملأه شيئ …رغم اني أحاول جاهدة اخفاء ذلك وابراز سعادتي لأني مقتنعة بأن الشكوى لغير الله مذلة ..لكن هذا الكبت ساقني لما هو أسوء وهو إيذاء نفسي حين الغضب .لااعلم ماذا أفعل الآن لأني بدأت أشعر بتنميل في جسمي من الجهة اليسرى وضعف في قلبي و شدة في فكي وغثيان حين يصيبني الغضب الشديد. ...عرض المزيد

13 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع