العمر

Mango_56800 🇪🇬

منذ يومين

شعور وحيد

مش عارف أبدأ منين… بس حاسس إني تعبت من فكرة الجواز، كل بنت أتقدم لها بلاقيها مش مناسبة والعمر بيجري مكنتش ناوي أكتب هنا، بس قولت يمكن حد يحس بيا أو بس يسمعني من غير حُكم. لو حد فاتح خاصه ومستعد يسمع، أنا محتاج أتكلم شوية… يمكن أرتاح.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أنا اتجوزت وأنا في تالتة جامعة والحمد لله أتخرجت مع دفعتي  ودلوقتي بقالي خمس سنين متجوزة ومعايا ولدين الحمد لله وكنت برضى بأي حاجة ومش ست متطلبة خالص والله أنا دلوقتي عندي ٢٧ سنة وشكلي كويس يعني الحمد لله أعتبر حلوة وأهلي كويسين الحمد لله ومحترمين 
أبتلائي فين بقى في جوزي، جوزي دلوقتي عنده ٣٩ سنة هو أتقدملي من طرف صاحب بابا وكان كويس وشكله كويس وشغله كويس بس للأسف بعد ما عاشرته عرفته على حقيقته عنده من ناحيتي نقص رهيييب للأسف أكتشفت إنه على النقيض مني في كل حاجة حرفيًا كمان أنا مش عارفة أوصفه هو بحكم شغله بيتعامل مع طوب الأرض زي ما بيقولوا بس هو أغلب علاقاته ستات وستات متجوزة وكلام كتييير وحوارات ومافيش حدود  والمصيبة إنه بيصلي ومش بيسيب فرض وكمان شايف إنه مابيعملش حاجة ده كله بالنسبة له كلام عادي عادي يكلم واحدة متجوزة بالساعات وشات ويحكوا لبعض مشاكلهم عادي يدلع أي واحدة يعرفها وواجهته وكلمت أهله ووقفت عل طلاق ومشاكل للسما وإللي كان بيكلمها جات لي البيت عشان تقنعني إن مافيش حاجة بينهم عشان هددتها أقول لجوزها والكلام ده من سنتين متخيلين وبردو مارتحتش ومابثقش فيه نهااائي كذب وحوارات كتيير ده غير لما كنت بواجهه كان بيمد إيده ده غير إنه كان شتّام الأول ولما عملت مشكلة كبيرة وفضحته بطل يشتم للأسف أنا لحد قريب كنت حاسة إني بحبه بس دلوقتي ماعنتش قادرة أبص في وشه بقيت حاسة ناحيته بالقرف والاشمئزاز سبحان الله كان نفسي أطلع ظلماه أنا للأسف محتاجاه ماديًا ولسة معاه عشان بس بيصرف على عياله ومقررة أول ما إبني الصغير يدخل حضانة أشتغل وأول ما يكون عندي مصدر دخل واقف على رجلي أسيبه وهو عشان عارف كدة رافض نهائي إني أشتغل 
المشكلة إني طبعًا تعبانة نفسيًا وعاطفيًا هو فعليًا أول راجل في حياتي وأول ما اتخطبنا أديته حب ومشاعر كتييير ما أنا  كان عندي كبت بقى وكدة 
وهو كان بيقول إنه بيحبني وكان مستعجل إحنا مكملناش سنة خطوبة بس هو عكسي تمامًا هو خطب قبلي كذا مرة وكان بيرتبط وبيحب وهو حكالي مرة إنه باس بنت كان بيحبها واتقدملها المفيد إني مش أول واحده عنده ومن ساعة ما عرف الست دي المتجوزة وهو بقى عنده تبلد وبرود عاطفي لدرجة إنه مش بيبصلي وإحنا بنتكلم المشكلة إنه عمره ما قصر في العلاقة الحميمة بس بحس إنه بيعملها رغبة وشهوة ناحيتي مش بيعملها حب هو مابيقدرش يقاومني نهائي ولما كنت بحبه فعلاً وأقرب منه كان بيدوب معايا بس في نفس الوقت مش بيبطل يعرف الستات دي وبيفضل يتكلم ويصاحب عادي ومابيعملش حساب لوجودي ومشاعري المشكلة إني لاحظت إنه فعلاً مابيكونش في حاجة بس هي مرقعة وخلاص يحكي ويهزر ويتكلم وعنده طاقة ليهم ويجي عندي مش بيفتكرني ولا بيحب مني غير العلاقة الخاصة وبس لحد ما أنا خلاص مشاعري جفت واطفت من ناحيته :وقولت له ونبهته إن مشاعري ناحيته بتتغير وماعنتش بحبه زي الأول وهو كل إللي عليه يدافع عن نفسه وبينكر كل حاااجة ودي اوهام في دماغي وخيالات وإني مريضة ووووو والاسطوانة إللي الرجالة بتشغلها لدرجة يشككني في نفسي 
الأيام بقت بتمر عليا تقيييلة أوي نفسي أسيب كل حاجة وأمشي أطلعه من حياتي كأني معرفتوش بس ولادي ذنبهم إيه هما بيحبوه أوي وهو حنين عليهم وبيحبهم مش عارفة أعمل إيه هو عملي أزمة ثقة يعني أنا مش عارفة أثق في حد حتى لو أطلقت منه ماعتقدش هقدر أثق في أي راجل تاني 
عمّآلة أفكر في عمري إللي بيعدّي مش قادرة أتخيل إني هكمل حياتي كدة هو مش عاوز يسبني وبينكر كل حاجة وبيقول إنه بيحبني ومايقدرش يستغنى عني ومالوش غيرنا أنا والعيال ومالوش غير بيته 
بس أعمل إيه وأنا حاسة إني مش في قلبه أعمل إيه في قلة التقدير والمواقف إللي بتبين حقيقية مشاعره 
هو عارف في قرارة نفسه إنه مش هيعرف يعوضني نسيت أقول إن الست إللي يعرفها دي عندها ٤٠ سنة ومتجوزة و٣ عيال ويعرف جوزها كمان وأهلها وعلاقتهم قوية قوي ولسة بعد الفضايح والمشاكل إللي حصلت بيتكلموا بردو وبيحصل بينهم شغل
أنا أكتشفت إني وسطيهم كلهم صغيرة أوي بالنسبالهم كل إللي يعرفهم في التلاتينات وإللي يعرفهم من سني بيقولوله يا عمو!
أنا ماكنتش حاسة بفرق السن وكنت متخيلاه ناضج وعاقل لكن للأسف هو نجح يحسسني بكل الفروق إللي بينا. أفيدوني أفادكم الله.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_54514 🇪🇬

منذ أسبوع واحد

شعور قلق

وبعدين في الحياه دي كل يوم بتنقص في عمري يوم وكل يوم مش بعمل في حاجه لنفسي او لمستقبلي ضيعت عمري في شغل ونسيت ابني مستقبلي ولا عملت حتي قرشين ولا بيت ولا زوجه ولا حاجه خالص وحاسس اننا عايشين في مسرحيه ودوري فيها كومبارس بس بعمل دوبلير البطل موجود طول مده تصوير الفيلم بس موجود عشان اعمل الي مايعرفش

Chilli_54677 🇪🇬

منذ أسبوعين

شعور آسف

موضوع:

ايه الحاجة لو اختفت من حياتك او مكانتش حصلت كنت هتبقي احسن

اني مكنتش هربت من الجيش وانا فاضلي ٦ شهور ودلولقتي ٣٠ سنه ودنيتي كلها عطلانه مع اني شاطر ف شغلي جدا بس لا عارف الاقي فرصه كويسه بسبب الورقه دي ولا عارف اسافر تفتكرو اسلم نفسي احسن ولا استني ل ٣٦ وافضل مكمل ف ان حياتي ماشيه بالقطاره

Peanut_54528 🇪🇬 ماتفكرش الحبسه حلو دول هيعملوك معامله اوسخ من الجيش

عرض الكل 10 نصيحة

Pear_51536 🇪🇬

منذ 3 أسابيع

شعور متعب

العمر بيجري بيا اوي و انا ولا عملت حاجه ولا زفت عايشه كده وخلاص من الشغل للبيت و من البيت للشغل و ياريتني عملت حاجه لنفسي حتي مرتبي طاير كله ف مصاريف البيت نفسي ف حد كويس و اتجوز و اعمل اسره بس عايزه راجل مش شباب اليومين دول انا 27 سنه و حاسه اني عجوزه من كتر ما انا شايله الهم و شايله المسؤوليه تع

French Fries_52312 🇪🇬

منذ شهرين

شعور محبط

حرفيا العمر بيجري والوقت بيعدي هوا الواحد خايف يموت قبل مايتبسط في الحياه دي والله انا مش متخيل ان احنا بقينا في نص شهر 4 2025 السنه لسه داخله من قريب جدا معقول عدي تقريبا 103 يوم والامتحانات علي الابواب خلاص جدولي نزل وانا مش مستوعب ان السنه خلصت اصلا يعتبر، المهم ان الواحد حاسس ان حياتو ملهاش لا

Pineapple_38128 🇪🇬

منذ 3 أشهر

شعور مرهق

is it weird to go out alone? انا شخص بقا بيحب يخرج لوحده اخر فتره بسبب مواقف كتير من صحابي و ادراكي انهم مش الناس اللي الواحد يحب يخرج معاهم ف بقيت بخرج لوحدي معظم الاوقات و أكل لوحدي ومرتاحه عادي بس بتيجي عليا اوقات بحسني عايزه أعيط من الوحده اللي انا فيها لما اخرج و خاصة الكلام اللي بسمعه لما اخرج

Potato_31970 🇪🇬 والله بقيت كل م اخرج كلنا مع بعض as group يعني بنتخانق ومحدش فينا بيتفق مع التاني المفروض انه ارجع مبسوطه ويوم لطيف وبتاع برجع منكده ومش ببقي طايقه حد فيهم ف بقيت اميل اني اخرج لوحدي او معايا حد واحد بس مش ف groupe وكده

عرض الكل 2 نصيحة