يارب ارزقني حسن الخاتمة وأجعل خير أعمالي خواتيمها

Question

هو عادى لو دعيت لنفسي بالموت 
حاسة انى عايشة بزود ف سيئاتى وبس 
اه مش برتكب حاجات بشعه ، بس بحس انى مش بعمل خير كتير ومش قادرة اتغلب ع شيطانى وعايشة مش بطريقة اسلامية كويسه 
حاسة ان عمرى دة هيتحسب عليا مش ليا
ياريت اللى يحاوبنى يكلمنى بالدين وهو حرام ولا لا 
وادعولى ربنا يرزقنى حسن الختام ويجعل خير اعمالى خواتيمها يارب

Croissant_74053 🇪🇬 · Accepted Answer

عن عبد الله بن عمر رضي الله عنه قال قال رسول الله صلي الله عليه وسلم لا تدعوا الموت ولا تدعوا الموت على أنفسكم ولا تدعوه على أهل ولكن ادعوا بالحياة

Banana_59267 🇪🇬 · Answer

طب م كلنا بنغلط وبنعمل سيئات ، الفكرة اننا لازم نتوب ونجاهد نفسنا ونحاول نتقل ميزان حسناتنا ونبقى عارفين نقطة مهمة جداً وهي محدش بيدخل الجنة بعمله انما هي رحمة من ربنا فقط مش اكتر بس احنا لازم نبذل علشان ننال الرحمة دي، مينفعش ابقى بعمل ذنب ومُصر عليه او ابطل صلاة او بنت تتبرچ وتقول كده كده برحمة ربنا

Avocado_54559 🇪🇬 · Answer

يا اختى أنا نفس الفكرة. بس الصح ان احنا نتشجع ونقوى نفسنا ونقوم نتوضى ونصلى وحاولى لو لقيتى حاجة مش صح بتعمليها قليليها وفكرى ازاى تغيريها بمعنى انى بكذب أقول ل نفسى أنا هقول الحق ولو على رقبتى علشان اكون راضية على نفسى

Avocado_75758 🇪🇬 · Answer

حاسة ان الموت هو افضل حل حاليا 
هو دة يأس من رحمة ربنا ؟

Avocado_75758 🇪🇬 · Answer

حاضر 
ادعيلى بالله عليكِ

Banana_69853 🇪🇬 · Answer

بصي هو انا مش شيخ انا شاب زاي اي حد بيعمل ذنوب و يمكن اكتر من ناس كتير 
بس اللي اعرفه ان ربنا يحب التوابين 
الغلط أننا نستسلم و ما نحاولش نتوب حتي 
و ربنا هو المهتدي

Avocado_54559 🇪🇬 · Answer

حاضر ربنا يهديك ويتوبك

Banana_59267 🇪🇬 · Answer

كده كده الموت مسألة وقت بس اسألي نفسك لو مت هل هتمنى ارجع تاني ؟
الاجابه غالباً اه لو قبرك مش احسن حاجه هتتمني ترجعي تغيري من نفسك ولو قبرك حتى روضة من رياض الجنه هتقولي يا ريتني ارجع واسبح لو تسبيحة واحدة علشان ربنا يرفع من درجتي . عارف ان الحياه ممكن متبقاش احسن حاجه بس دايما خليكي فاكرة ان دي دار شقاء اصلا ومجرد اختبار وكلها فانية انا هموت وانتي هتموتي والوزير هيموت دي حقيقة لا يمكن نكرانها بس

Banana_59267 🇪🇬 · Answer

بس الناس بتجري ورا الفلوس والشهوات علشان ينسوا الحقيقة اللي لا مفر منها

Banana_68754 🇪🇬 · Answer

اولاً لا تدعى على نفسك لأنه حرام والاهم ربنا يحب التوابين يعنى الذى يتوب ويستغفر وانتى قلبك صاحى ولا ما كنتى ذكرتى انك حاسه انك مش منضبطه ربنا يعينك ويغفر لكى ولنا ويرحمنا برحمته واكثرى من الاستغفار

Lemon_56146 🇪🇬 · Answer

حرام