العلاج النفسي

Sugar_49832 🇪🇬

منذ يومين

شعور محبط

موضوع:

اهلك عملوا معاك ايه مش هتعمله مع عيالك؟

عبّر عن شعورك بشكل مجهول

كل حاجة عملوها معايا مش عايزة اعيدها مع ولادى فى يوم وبدعى ربنا انه يقدرنى على دة.. لان الانسان ابن بيئته.. وانا اتربيت فى بيئة لا تفقه شىء عن الاحتياج المعنوى والنفسى 
*ديما عندى نية انى اول ما اقدر اشيل مسؤولية نفسى هتواصل مع دكتور واحاول اعالج اى اثر للبيئة دى جوايا 
*معنديش مانع طول فترة طفولة ومراهقة ولادى ان كل خطوة تكون باستشارة اخصائى نفسى للطفل 
*مش هقصر ابداا فى انى اظهر حبى وامومتى ليهم 
*هركز معاهم، مع زعلهم، مع الكلام اللى ورا الكلام والكلام اللى مش بيتقال 
*هعلمهم حدودهم كويس وازاى محدش يكسرها مهما كانت درجة قربه 
*رااحة ولادى فوق اى حاجة فى الدنيا، مش هجبرهم على حاجة طول ما هى مش حرام ولا هتضرهم او تضر حد.. 
*عمرى ما هجبرهم على مكان مش مرتاحين فيه.. ولا ناس مش بيرتاحوا لتعاملهم.. راحة ولادى رقم وااحد طول ما الحاجة اللى عايزينها دى فى ايدى انى اعملها
*هعلمهم يطوروا من نفسهم وشخصيتهم ويحبوها، هقوى ثقتهم فى نفسهم عشان مفيش حاجة فى الدنيا تهزهم 
*اى حاجة فيها جهاد هشجعهم عليها بس مش بحاجات مادية.. عشان يتعودوا ان الهدف تقوية الرابط بينهم وبين ربنا فى قلوبهم مش حاجة تانية 
*هحاول يكون التشجيع بان كلنا نساعد بعد وهعودهم لما حد يكسل عن طاعة التانى يشجعه عشان الهدف الاول اننا نمسك ايد بعض للجنة 
*هحبب بنتى فى الزى الشرعى من صغرها ومش هكتمها فى البيت وهعلمها تهتم بنفسها وانوثتها صح 
*عمرى ما هضرب ولا هعلى صوتى، هعاقب ايوة، بس هعاقب بحب وقبل اى عقاب لازم يعرفوا هما بيعاقبوا ليه وافهمهم ان العقاب دة عمره ما يقل من حبى ليهم ابدا 
*فى وسط كل عقاب هقف جنبهم لحد ما يعدوه، العقاب تقويم مش تفريغ غضب 
*عمرى ما هعاقبهم بانى اخد منهم حاجة انا او باباهم جبناها كهدية او ليها ذكرى حلوة فى قلوبهم.. الذكرى الحلوة هتفضل حلوة 
*قواعد البيت هتكون واضحة ومكتوبة واى حاجة جديدة زى التاب او التليفون هيكون ليها حدود فى استعمالها ووقتها وعقاب واضح لو الحدود دى اتكسرت 
عشان يكون هو اللى بيختار الفعل وهو عارف رد الفعل عليه 
*مش هقول كلمة وارجع فيها ابدا حتى لو هزار عشان ميتعودوش على كدة منى ولا يتعودوا على الكذب
*مش كل يوم وكل ساعة هفكرهم انا قد ايه بضحى واحرم نفسى عشانهم.. التضحية لما نذكرها بتدخل عقولهم وقلوبهم من باب ذل مش حب ابدااا
*اى لحظة توتر او ضغط فى البيت هحضنهم واطمنهم انها هتعدى.. مش هتجاهل خوفهم وقلقهم اللى هيتحفر فى عقولهم لو ملحقتوش واحتويته صح 
*عمرى ما هكلمهم عن تقصير باباهم فى اى واجب من واجباته ولا غلطه فى حقى انا كامهم.. حتى لو اضطريت انى اصلح وراه 
لازم الاب يكون القدوة والمثال الصح لولاده واى فكرة من دول هتتكسر عنه هتشوه نظرتهم ليه  
*هعود باباهم يحضنهم كل ما يدخل البيت عشان يتعودوا ان وجوده ليه تاثير مش زى عدمه 
والكثير والكثير من الحاجات اللى محتاجة اغيرها 
ادعولى ربنا يقدرنى واكون انا البداية اللى توقف دايرة الاذى فى تربية بتتورث بدون وعى ولا تفاهم 
وربنا يهدينا ويقدرنا ويهدى امهاتنا واباءنا جميعا اللهم امين 🍃🌿❤️‍🩹

Pistachio_63891 🇪🇬

منذ أسبوعين

شعور مكتئب

ليه الزمن مش بيداوى الجروح ليه كلمه امى قالتهالى من ٧ سنين تبقى واجعانى لغايه دلوقتى هحكيلكم اللى حصل انا كان عندى ١٢ سنه و واقفه بمسح قالتلى اكوى لبس اخوكى عشان ينزل يصلى قولتها انا بمسح مش فاضيه قالت على فكره انتى مش حلوه خلى أخلاقك حلوه عشان حد يرضى يتجوزك و مره تانيه كانت راجعه من فرح قالتلى اع

Coconut_57394 🇪🇬

منذ شهر واحد

شعور ضائع

Watermelon_56281 🇪🇬 انتي عارفه الي نقصك وفاهمه وعارفه المشكله فين عشان كدا لازم تتعملي من الي حصل دا كله وتعتبريه دروس كدا تطلعي منها بالي يخليكي احسن الأهل غلطوا تمام وبعدين هنضيع نفسنا كمان لأن ملهمش الا الطاعه مهما كان وحياتك انتي المسؤوله عنها اتعلمي من الي حصل وميتكررش مع ولادك و متسمحيش لحد يدخل حياتك تاني الا وفعلا شاريكي وعايزك العالم بقي بجد صعب جدا ومفيش امان لكن دائما لينا فرصه نبدء من جديد فاعتبري الماضي

عرض الكل 6 نصيحة

عبّر عن شعورك بشكل مجهول

مشكلتي إني ملقتش الحب والاحتواء من اهلي وانا صغيرة فكبرت وانا بدور علي دة في كل الي حواليا وأذيت نفسي كتير صدقت اي كلمة حلوة تتقالي سواء من راجل أو ست والجانب دة فاضي جوايا مهما حاولت املي وقتي واحب نفسي بس دايما بحس اني محتاجة اشوف الحب دة من الي حوالي لاني ملقتوش وانا طفلة ،،،، كبرت وانا متعطشة للحب ولأي كلمة حلوة حتي لو كانت كدب وبدفع تمن دا من صحتي النفسية ومن كمية خذلان بشوفها مش طبيعية من اي حد يسمح له يخش حياتي (سواء راجل أو ست) .... طول عمري كان نفسي امي تصاحبني كان نفسي تحس بيا حاولت اقرب منها كتير لكن هي بتبعد نفسها ودا من زمان ،، مفتكرش في مرة وانا طفلة روحت ليها وانا خايفة أو زعلانة وهي احتوتني لأ كانت يتضغط عليا زيادة وتحسسني إني عبء عليها وإن زعلي دة ملوش اي لزمة.... حقيقي انا كبرت وتايهة وتوهتي ملهاش حل وشعوري بالغربة عمره ما راح ودايما ملازمني في أي مكان دايما بحس إن فيه حاجة جوايا مش كاملة، حب ومشاعر كان مفروض اخدها وانا طفلة ومخدتهمش والاحتياج دة فضل جوايا لدرجة أني مش حاسة اني اقدر اتجوز أو أخلف اولاد لاني مفيش جوايا حاجة اديهالهم أو حب ... تعبت وشعور التوهان والوحدة بياكلني من جوايا وعمري ما قدرت اعرف انا هطلع منها ازاي ... المشكلة دي أثرت علي كل قرارات حياتي وعلي كل اختياراتي ودفعت تمنها غالي من صحتي ووقتي .... عايزة اساعد نفسي عشان نفسي لاني استاهل اعيش في سلام ولو ليوم واحد في حياتي ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_40587 🇪🇬

منذ 5 أشهر

شعور سعيد

موضوع:

كيف هتربو اولادكم ؟

بداية هاد موضوع كان كتير شاغل بالي اخر فترة كون اني بدأت برحلة العلاج النفسي ، وعرفت كيف التروماز بيتم توريثها من الوالدين للابناء وقررت اني اكسر الحلقة عندي ف لما اتزوج رح ناخد كورسات تربية ونقرأ كتب عنها انا وزوجي ونسأل الامهات يلي حوالينا ونتعلم من تجربتهم وكمان رح اسعى انو زوجي يكون متشافي من صد

Biscuit_31702 🇪🇬

منذ 8 أشهر

شعور ضائع

موضوع:

أصعب موقف أو فترة عشتيها و لم تجد شخص بجنبك…

عبّر عن شعورك بشكل مجهول

وفاه بابا كلهم كانو واقفين معانا واقفه جامده بصراحه بانسبه لعمامي بس محدش حاول يحتويني ولا حتي اخويا الكبير قولت بعد بابا مش هبقي حاسه بالفراغ دا في حياتي واخويا هيملي المكلن دا بس محصلش هو كويس معايا جدا بس عمره ما قالي في مره مالك احكيلي مين مضايقق انا مكان بابا ولا عمره شافني بعيط وحه حضني وقالي بتعيطي ليه بس الحمد لله علي كل حاجه بابا متوفي بقالو ٥ سنين هو ممكن اخويا مش فاهم حاجه زي كدا ان انا محتاجه راجل يبقي في حياتي يحسسني احساس ان انا مش لوحدي ممكن هو مش فاهم كدا عشان عندي ٤ اخوات بنات وماما وكمان هو كان صغير وتعب كتير واشتغل عشام يعرف يصرف علي نفسه انا مش عارفه بس بالرغم من كدا هو حنين معايا الحمد لله عمري ما فكرت ادور علي الحنان دا مع حد برا وتبقي علاقتي بس حرام لأني مقطنعه ان مش لزم كل الناس ال حوليا بيعملو. حاجه انا اعمل زيهم وانا عارفه ان دي حاجه غلط حرام والواحد اصا مفيهوش طاقه لشغل العيال دا... انا بصراحه كان نفسي ان حد من عمامي يحتويني او اخويا يعرفني يعرف انا حاسه ي ايه علي الاقل كانت اول فطره بابا توفي وانا لسه يعتبر طفله كان عندي ١١ سنه وممكن دا سبب مخليني محتاجه اروح لثيربثت عشام احاول اتخطي وفاه بابا اصلا انا كل ما حد من اخوتي بيتكلم عليه قلبي بيطقع وبقولهم كفايا ان انتو عيشتو معاه كل مراحل حياتكم الطفوله والمراهقه وكمان الجامعه وانا ملحقتش اشوف منه ربع الحجات الي انتو شفتوها انا بحبو وكمان من الكلام عليه حبيته اكتر كان نفسي اتعامل مع الشخص دا دلوقتي ونفهم ونحب بعض اكتر واقرب منه واعمل معاه كل حاجه اتحرمت منها وكل مره اشوف اب مع بنته بيعملو حاجه اعملها معاه انا ساعه وفاه بابا كنت كل يوم بدعي من كل قلبي ان اي اب في العالم دا يموت عشام كل الناس تحس انا بحس ب. ايه بعد كدا استغفر واقول الحمد لله وربنا يجمعني بيه في الجنه اي حد يقرء ادعو لبابا ربنا يرحمه ويغفرله انا عارفه انه خلص ذنوبه في الدنيا من المرض لاكن ندعيله عشام يعرف اني لسه بحبو وعمري ما اقدر انساه ابدا❤️

التجربة أفضل عبر التطبيق

حمّل تطبيق توهيل على هاتفك لتجربة أسرع