الشخصية

Watermelon_77928 🇪🇬

منذ 20 ساعة

شعور فخور

موضوع:

درس علمته لك الحياه

المواقف علمتني أعزز نفسي وماسمحش لحد يقلل مني ولا من مشاعري و ماقبلش بوضع مش مريحني ماقبلش أشخاص ف حياتي مش مرتاحالهم الموضوع ف الاول كان بقسوة لكن مع الوقت قدرت اتحكم في انفعالات وسلوكي

Croissant_52708 🇪🇬

منذ يومين

شعور غاضب

بجد انا كنت بحب زميلتي بس بعد النقص اللي في شخصيتها اللي هي فيه وان هي شايفاني باخد كورسات إنجليزي واكسيل بجد هي بني ادمه مش عاوز اذكرها لا بالخير ولا بالشر انا كنت بسأل زميلي واخد عليه عادي جدا في الدين بس ليه هي تتدخل في اللي ملهاش فيه كنت بسأله عن معنى وتفسير ايه ليه هي تتدخل ملحوظة انا خريج ت

Cheese_73846 🇪🇬

منذ 4 أيام

شعور لا مبالٍ

لا اعلم الي اي مدي تأخذني الطرق لا اعرف هل انا سعيده حقا ام اتصنع السعاده لم اكن يوما كالذي يمشي وَسَطَ القطيع كنت ف ركن خاص بي كعالمي الخاص الذي أذهب إليه كلما ضاقت بي أخرج نفسي بنفسي من وسط عتمه احببت هذا دائما .سواد الليل القاتم لا احد يقظ ف ذلك الوقت انا ونفسي لم اعد افكر ف اشياء كالسابق انا فقط

French Fries_32968 🇪🇬

منذ 4 أيام

شعور مكسور القلب

هو طبيعي الإنسان يتغير جامد اوي كده وميعرفش يرجع لطبيعته حتي لو شاف كتير بس دي طبيعي يعني بيتقالي بقيتي بارده ومعتيش بتحسي وانا ببين الي قدامي أن انا حابه دي رغم اني من جوايا بموت واكيد دي مش عاجبني بس لي بقيت كده لي بعدت الناس كلها عني ولي مش حابه يكون في ناس في حياتي رغم أن من جوايا عايزه ناس

Croissant_74053 🇪🇬

منذ 4 أيام

شعور مكسور القلب

أخويا كان إنسان متدين جدًا، أخلاقه عالية وهادئ، بس حصل معاه حاجة غريبة قلبت حياته 180 درجة. من فترة جتله حالة مرعبة، كام أسبوع مش بينام نهائي، تصرفاته بقت مش مفهومة، ونظراته مرعبة. كان بيقف في البلكونة الساعة 3 و4 الفجر زي التمثال مش بيتحرك. مرّة قالي إنه عايز ينط يلحق قطة في العمارة اللي قصادنا عشا

Croissant_74053 🇪🇬

منذ 5 أيام

شعور مكسور القلب

Mushroom_70207 🇪🇬

منذ 5 أيام

شعور متوتر

بتعملو اي لما كلهم يبعدو مرة واحدة وتلاقو نفسكم لوحدكم لأول مرة. مكنتش متعودة علي الشعور دا كنت متعودة أن دايما فيه ناس حواليا ... حتي الاشخاص اللي كنت فاكرة أن مستحيل الزمن يغيرهم و دايما هنفضل مع بعض اتغيرو و بعدو . ودا غيرني أنا شخصيا .. مبقتش نفسي بقيت شخص مختلف تماما معنديش اهتمام لأي حاجة و ك

Hazelnut_77165 🇪🇬 بصي يا حبيبتي، اللي انتي حاساه دا طبيعي جدًا، كلنا بنعدي بالمرحلة دي لما الدنيا تلف بينا. اللي يفرق بقى إنك ما تسيبيش نفسك للوحدة والكآبة، حطي نفسك وسط نشاطات جديدة أو ناس مختلفة. والأهم ترجعي تهتمي بنفسك وحاجاتك الصغيرة اللي بتحبيها، عشان تلاقي نفسك تاني وتطلعي أقوى

عرض الكل 18 نصيحة

Lemon_67549 🇪🇬

منذ 5 أيام

شعور مكسور القلب

احساس الخوف دايما ملازمني بجد خايفه افشل تاني حياتي بايظه فيه حاجات كتير اوي بايظه و حاسه ان بتفرج عليها اهلي دخلوني جامعه خاصه و ضحوا كتير علشان احقق حلمي بس خايفه اوي افشل في ده الايام دي بذاكر بصعوبه اوي بجد الصلاه مش منتظمه خالص بحس أن حاجه بتمنعي نظرات الناس ليا أن معنديش شخصيه عادي حاولت اغير

Marshmallow_62755 🇪🇬

منذ أسبوع واحد

شعور آسف

حاسة انه بقيت شبه الناس اللي حواليا بعد ما كنت مختلفة واختلافي كان كفيل يشد اي حد ، كنت بقول انا عمري ما هعمل زي ده ودي واجرح حد وكنت مبسوطة بدور الشمعه التي تح'ترق من اجل الاخرين وبقول معلش يمكن الاقي اللي يعملي كده ، مرة واحدة لقيتني بتغير وبقا عندي كمية نرجسية وحب نفس لدرجة ان الموضوع وصل ب اني ب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_54559 🇪🇬

منذ أسبوع واحد

شعور ضائع

أنا محتاج نصايحكم، أنا إنسان محتاج أقوى شخصيتى واكون كويس. أنا الفعلى إنسان ضعيف جداً وخطاء جداً ونفسى اكون مع الله. بعد اذنكم مع نصيحتكم ادعولى ان ربنا يهدينى ويتوبنى ويعرفنى طريقه واكلمه دايماً

Avocado_54559 🇪🇬

منذ أسبوع واحد

شعور آسف

أنا تعبان يا جماعة كل شوية بتعب نفسى ومش لاقى حل لنفسى فيه حد قالى ان شخصيتى ضعيفة ف ارادتى ضعيفة ومش عارف ازاى اقويها. ارجوكم علشان خاطر الله اعطونى طريقة اكون فيها قوى الشخصية وقوى الإرادة

Strawberry_49071 🇪🇬

منذ أسبوع واحد

شعور مرتبك

حاسك كنت اصدق من كدا اصدق ف النصيحه واصدق ف الكلام كنت بتكون ع راحتك اكتر كنت بتتكلم بطريقه احسن كنت واخد ع الناس وكنت اجتماعي اي حصلك اي وصلك لكل اللي انته فيه دلوقتي دا نفسك ولا الشيطلن وبا مين قولي

Strawberry_76977 🇪🇬

منذ أسبوع واحد

شعور متعب

شخصيتي قويه علي الناس اللي اعرفهم جايز كل الناس بتبعد عنيي ع كدا ف نفس الوقت انا شخصيتي ضعيفه حدا مع الناس الغريبه كل ما اتفق علي شغل او حاجه بكون متخاذله اللي هو مبردش مبقولش لا مباخدش حقي بضيع حقي كتير لما احي اتفق علي سالري او نسبه مبعرفش اعترض واقول لا انا استحق اكتر مش عارفه اعمل ايه ع

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

السلام عليكم .... صباح الخير 
انا عندى اخ اصغر منى عنده 14 سنة فى تالتة اعدادى 
هو بيشتغل من وهو فى اولى اعدادى تقريبا وبيصرف على نفسه اللى يقدر عليه من الفلوس اللى بياخدها يعنى مش بياخد مصروف من ابى ومصروفه من شغله هدومه من فلوسه بردو وساعات بيدفع بسيط فى فلوس دروسه يقريبا هو فى البيت بياكل وينام بس 
وهو حنين خااالص والله مش وحش بس للاسف ابى وامى بيتعاملوا معاه وحش اوووى بالذات ابى وللامانة بيفرق بينا انا واخويا الصغير خالص وبينه بيشد عليه جامد اوووى ،يمكن نااادراا خاالص لو شوفته بيضحك فى وشه وطول الوقت نقد برغم انه مش كدة معايا مثلا وحتى مش ببقدر خاالص نقطة انه تقريبا بيصرف على نفسه دى ... طول الوقت مصر يعاامله انه راجل كبيير عارف مصلحة نفسه وبيحاسبه على هذا الاساس من غير ما ينصحه او يوجهه ، مفيش لغة حوار بينهم خاالص .
امى اتكلمت معاه كتيير فى نقطه انه يصاحبه وكدة عشان سنه حرج ومحتاج رعاية وبردو فى الفاضى خالص وللامانة مفيش امل لان علاقة ابى بجدو  كانت مش كويسة اووى وكان جدو بردو بيفرق بينه وبين اخوه يعنى هو مجرب بس مفيش فايدة ......
وكمان هو بيتلككله جاامد اووى فى حوار تعليمه وانه يدخل ثانوى عام وكدة وتيتة وعمتو بيشجعوه وعايزينه يشتغل مع ابى وخلاص برغم ان تقريبا ابى مجال شغله بينقرض خلاص .

من الناحية التانية امى بتحاول تكون كويسة معااه لكن بردو كتييير بتضربه برغم ان الاسباب والله بتكون تافهة لكن هى بتحاول وهو بردو بيحكيلها كل حاجة بس بحس لو جتله فرصة يخبى بعدين هيخبى وساعات بتقسى عليه جاامد اووى وهى بنفسها اللى بتقول كدة لان ناس كتير بتشبهه بخالو فى صفاته وكلامه وهى مش عايزاه شبهه وفاكرة مرة كان رجع من شغله تعبان ومكنش عايز يروح تانى فى اليوم دة ولما زعقتله عيط ساعتها ضربته وقعدت تقوله اسلوب خااالك دة لو شوفته فيك اموتك بايديا ..

وعلاقته باخوه الصغير عادية لكن طول الوقت بيحاولوا يفتنوا على بعض فى اى غلطة لان امى عودتهم بتضربهم قدام بعض للاسف فبقوا كانهم بينتقموا من بعض .

من ناحيتى انا علاقتنا واحنا صغيرين كانت مش احسن حاجة وبنتخانق كتير وبصراحة كنت بحاول اسيطر عليه واثبت نفسى بس مكنتش فاهمة والله ،لما كبرت حاولت اصلح الوضع شوية والعلاقة اتحسنت لكن بردو مش اصحاب يعنى مش القرب اللى يخليه يحكيلى او كدة ...هو بجد حنين ومن اول ما اشتغل مفيش اسبوع يعدى غير وهو لازم يجيبلى اى حاجة من فلوس شغله ، هل فى طريقة احاول اقرب بيها منه اكتر غير الخروج مع بعض لان مش مسموح من غير ما العيلة كلها تبقى معانا .
 وهل فيه حل عشاان بجد مش عايزة الموضوع ياثر على شخصيته خصوصا انه بيحب يصاحب شوية الاكبر منه والبيئة اللى احنا فيها مش كويسة وهيجروه لحاجات كتيير غلط ،
حاجة كمان اسفة انى طولت كل دة بس لو حد فاهم اكتر ازااى اقدر اوجهله نصيحه ويقبلها من غير ما يحس انها محاضرات لانه اول ما احاول انصحه يقعد يتريق ومش بياخد ولا حرف جد .
لو حد كمل وعنده نصيحة ياريت يقولها ولو مفيش ادعوله ربنا يهديه ويحنن قلب ابى عليه ويحفظه من البلاء اللى هو فيه لانه بجد مظلوم جامد وحاسة انه بدا يبعد عن ربنا وشخصيته بتميل للعصبية والعنف لانه مكبوت .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76847 🇪🇬

ليه دايما بحس إني قليلة ومش مستحقة؟

أنا مش عارفة ليه دايمًا حاسة إني قليلة... بحس إني مش زي غيري، بحس إني مش بستحق حاجة حلوة. يمكن عشان في حاجة قديمة عملتها ومحدش عرفها غيري، بس أنا عمري ما نسيتها. كل مرة أحاول أفرح أو أفتخر بنفسي، الصوت اللي جوايا بيقولي: انتي نسيتي؟ نسيتي عملتي إيه؟ بصراحة بقيت دايمًا حاسة إني أقل من البنات اللي في سني، وهما بيتكلموا عن نفسهم بثقة كأنهم عمرهم ما غلطوا. اللي بيستفزني أكتر إن في منهم بيقعدوا يقولوا: "أنا المفروض كنت أبقى أحسن من كده" أو "أنا أستاهل أحسن بكتير"، وأنا أقعد ساعتها ساكتة مش عارفة ده الصح ولا الغلط. نفسي بس أهرب من الإحساس ده… نفسي أسكت صوت الذنب اللي مش سايبني أعيش ...عرض المزيد

5 الدعم

37 نصيحة

Apple_74635 🇪🇬

تعبانه ومخنوقه ومش عارفة أتكلم مع حد

صباح الخير عليكم جميعا انا صاحية مرهقة و تعبانة و مخنوقة او مش هقول صاحية لان عندي ارق و يادوب نمت ساعة ولا اتنين كل دا طبعا من كتر التفكير و الخنقة و الهم الي انا فيه مش قادرة احكي لحد خالص عن الي جوايا وفي تصرفات كتير غلط بحاول ابطلها بس مش عارفة بحاول على قد م اقدر اساعد نفسي بس اوقات مبينفعش و بحس نفسي بفقد الامل و فجأة بلاقي نفسي بدور على حاجات انا عنري مكنت متخيلة اني فيوم هعملها حتى اهلي مش قادرة احكيلهم مفيش حد يسمع مني و حتى لو هيسمعوا مني الي حصلي مش هينفع احكيه لحد و حاسة اني شايلة هم كبير اوي و عاوزة اطلع كل دا من جوايا بس مش قادرة ...عرض المزيد

5 الدعم

33 نصيحة

Pineapple_77988 🇪🇬

متجوزة من 14 سنة وحاسة إني عايشة مع جد

متجوزة بقالي ١٤ سنة مش عن حب ولا صالونات .. هو أكبر مني ب٧ سنين للأسف من اول اسبوع جواز وانا حسيت إن فرق السن كبير عكس ايام الخطوبة كان محسسني إنه الواد التت الفت بعد الجواز حسيت اني متحوزة راجل كبير انا مش مجنونة في تصرفاتي بس بحب الخروج السفر المغامرات فرفوشة بحب انكش ف اللي قاعد معايا ف الرايحة والجاية هو عكسي تماماً هادي ولما ااعملاي حاجة يحسسني اني مجنونة الحقيقة بطلت اعمل حاجات كتير كنت بعملها لمحتله كذا مرة نفسي اعمل حاجة جديدة هو روتيني فوق الوصف بيتوتي درجة أولى .. مطلبتش حاجة فوق المقدرة خالص بس خلاص تأقلمت بس بقاله ٤ سنين كده بقيت حاسة حرفياً اني عايشة مع واحد عنده ٧٠ سنة شايل الهم عالطول ودائما مكشر زعيق ف الولاد ليل نهار عارفة أن الضغوطات والمسؤوليات ع عيني وراسي بس مش عالطول مش طول الوقت مش بشوفه بيضحك لو ضحك تبقى الضحكة قالبة بايموشن قرفان تعبت اوي غير حاجات كتير مستحملاها وبتغاضى عنها لكن الحاجة دي مأثرة نفسياً عليا وع ولادي مابقوش يحبوا قعدته بس لو غاب شوية يفضلوا يسألوا عليه .. عايزة اتكلم ف حاجات كتير ومش عارفة اقول ايه ولا ايه بس دي اكتر حاجة تعباني ...عرض المزيد

5 الدعم

32 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع