أخويا كان إنسان متدين جدًا، أخلاقه عالية وهادئ، بس حصل معاه حاجة غريبة قلبت حياته 180 درجة. من فترة جتله حالة مرعبة، كام أسبوع مش بينام نهائي، تصرفاته بقت مش مفهومة، ونظراته مرعبة. كان بيقف في البلكونة الساعة 3 و4 الفجر زي التمثال مش بيتحرك. مرّة قالي إنه عايز ينط يلحق قطة في العمارة اللي قصادنا عشان خايف تقع، مع إن القطة كانت بتلعب عادي. كان يقعد جنبي ويمسكني بقوة لدرجة إيدي توجعني، ويطلب مني أكلمه كل يوم. بليل كان يكتب على السبورة كلام غريب شكله كأنه في الدين بس من غير معنى واضح، حاجة أشبه بالأعمال. الوضع كان يخوف بجد. والدي خاف عليه وخده لدكتور نفسي، والدكتور اداله أدوية. الأدوية هدته فعلًا، بس بعد فترة بقى شخص تاني خالص: أي كلام عن الدين أو السنة يتريق عليه، يقعد يشغل أغاني مع إنه زمان كان بيكرهها، يفتح تيك توك ويتفرج على البنات ويقول نفسه يتجوز زيهم، وده مكانش تفكيره أبدًا. ولما بيوقف الدوا شوية بيبقى عصبي جدًا وصوته عالي. أنا مش عارفة ده تأثير الأدوية ولا المرض نفسه؟ وهل ممكن يرجع زي زمان؟

3

9