الخطوبة

Strawberry_65724 🇪🇬

منذ 9 ساعات

شعور مرتبك

انا حاسة بالذنب انى فركشت الخطوبة .. بغض النظر عن أسباب الفركشة اللى انا قولتها ف بوست قبل كدة بس هو مريض نفسي بياخد علاجات و خايفة يدخل ف انتكاسة بسببي عشان سيبنا بعض و هو كان لسة خارج من انتكاسة قريب .. هو بيدخل ف انتكاسات ع طول لانه حساس جدا بيتأثر بأى حاجة و يعيط مش عارفة ده احساس بالشفقة ولا با

Banana_65580 🇪🇬 خدى بالك العلاقات مفهاش صعبانبات بس اهم حاجه متكونيش ظلمتيه بس مش اكتر

عرض الكل 26 نصيحة

French Fries_65744 🇪🇬

منذ 20 ساعة

شعور وحيد

مساء الخير شاب عندي ٢٩ سنه .. قاعد لوحدي من بعد والدتي ما توفيت من ٥ شهور و والدي متوفي من ٢٠١٣ كدة كدة و اختي الصغيرة متجوزة بقالي فترة بدور على حد مناسب بعد ما فسخت خطوبتي الاولى بس لسه ربنا مارادش بحد حد عنده حل لموضوع الوحدة مع العلم انا مش اجتماعي و مش بعرف اتعرف على حد بسهوله

Strawberry_65724 🇪🇬

منذ 20 ساعة

شعور قلق

انا بنوتة عندى ٣٠ سنة دكتورة بشرية اتخطبت مرتين و محصلش نصيب الواحد خايف من الوحدة أن ميبقاش ليه سند و ضهر بالحياة و طبعا الحياة تلاهى ومحدش فاضي لحد مؤمنة أن كل أمر المؤمن خير والحمد لله ع كل حال بس ده شعور مسيطر عليا حقيقي خايفة من المستقبل وعاوزة اتطمن

Pear_63213 🇪🇬 لسه شباب يقلبي ومتفكريش في المستقبل ونصيبك هيجيلك هيجيلك

عرض الكل 19 نصيحة

Peanut_64752 🇪🇬

منذ 3 أيام

شعور مكتئب

انا زي اي شاب خلص جامعة واقعد ياخد معادلات وكورسات عشان يلاقي ويكون نفسه بجد بجد الوقع في مصر زي الزفت. الدنيا كلها نايمه مفيش غير شغل خارج مجالي. انا سني كبر يعني بقيت نص العشرينات دلوقت. يعني لما واحد يكون جايب امتياز فالجامعة ومتعينش لاسباب كتير ده ايه؟ مش لاقي حتي شغل تحاليل تعبان ب١٠٠٠ جني

Mango_29955 🇪🇬 جايلك من المستقبل وبقولك افتح مشروع خاص بيك احسن كل الشغل بدايته بملاليم

عرض الكل 5 نصيحة

Strawberry_64200 🇪🇬

منذ 5 أيام

شعور ضائع

عبّر عن شعورك بشكل مجهول

ممكن تنصحوني اعمل اي......... 
معلش هطول عليكم شويه، 
في واحد متقدملي، هو كويس ومحترم ومرتاح مادياًّ، بس هو قصير ( وانا رافضه نهائياً اني اتجوز واحد قصير،+ انا مش طويله انا 160سم بالكتير وعايزه اطول تاني) يمكن هو  اطول مني بـ 5سم على حسب ما انا فكراه ( انا عرفاه من زمان بس مكنش في بينا اي تعامل  غير لما كان شغال في سوبر ماركت، بس الكلام دا بقالو سنتين تلاته) وكمان انا مش جاهزه خالص لفكره الجواز، اذا كان نفسياً او حتى شغل بيت مش بعرف، وكمان عايزه اكمل دراسه، وكله بيقولي  اكيد هيوافقوا  بس انتي اللي هتتعبي، هو اسرته بسيطه جداً (  يعني عدد الافراد تلاته بس، هو و والدته واخوه و والده متوفي لما كان صغير)  انا اعرفه هو واخوه عشان اكبر مني بسنه وكنت بلعب معاه وانا صغيره  لكن معرفش والدته ولا هي تعرفني. 
وهو اللي قالها عليا، وهي طلبت تشوفي الاول. وانا زي ما قولت رافضه الجواز حاليا وكله بيقولي لو رفضتيه الله اعلم هيجي واحد زيه تاني ولا لاء، واسرة صغيره مش بيت عيله زي ما انتي عايز ه و والدته طيبه وفي حالها ومش بيت فلاحين ولا تقليدي اكلهم طبيخ وبهدله وانا مليش في الطبيخ ممكن مره او مرتين في الشهر.  
 هما قرايب جوز عمتي، و والدته كلمت عمتي وجوزها قالهم على طبعنا واننا دوناً عن باقي العيله مدلعين بزياده ومش بتوع بهدله( دا حتى مسمينا احفاد دلع عشان😂 جدي كان وحيد لمده 15 سنه فكان مدلع وهو الكل في الكل وانا بذات، حتى جوز عمتي من وانا صغيره بيقول عليا دلوعه) وماما مريحانا انا واختي ومش مخليانا نعمل شغل في البيت وهي،  وهي قالت ان شغلهم مش كتير وانها بتحب تعمل الاكل والطبخ عمتاً وهي عايزه واحده تكون فرفوشه وتونسها بس واذا كان على شغل البيت متعملش حاجه غير برضاها هي بس الحاجه اللي هتكون ملزمه بيها انها تجيب طلبات البيت من السوق (دي الحاجه الوحيده اللي بعلمها على اكمل وجه عندنا أصلاً 😂) وقالها ان والدي حالياً مش جاهز انه يجوز يا إما هيضغط نفسه وان احنا حالياً بنبني بيت وبنجهزه ف مش مستعديين دلوقتي خالص، وهي قالت عادي لو في قبول  ممكن نستنى لحد ما ينقلو ويستقرو وبعدها نيجي نتقدم رسمي ونتفق (ابقى محجوزه يعني) والخطوبه بدل ما هي سنه تبقى سنتين . 
بعيداً عن شغل البيت و والدته، العريس نفسه مفيهوش المواصفات الشكليه اللي انا عيزاها خالص، انا عايزه واحد طويل واسمراني وشعره اسود وعيونه خضراء او عسلي وشكله يكون مقبول مش عايزه ملك جمال يعني، بس هو قصير وشعره بني و قمحاوي وعيونه بني. فا انا متردده ومش عايزه اظلمه معايا مستقبلاً وخصوصاً انه محترم وشاريني ويعتبر مفيهوش غلطه (نسيت اقول انه صاحب اخويا بس مش صحاب قوي، ولما ماما سألت اخويا عنه قالها هو كويس بس بيشرب سجاير، وبابا لما عرف رافض فكره انه اي عريس عمتاً يكون مدخن ولا بيشرب اي حاجه) ف ممكن تقولولي اعمل اي، ارفض ولا اديله فرصه؟؟؟؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_64429 🇪🇬

منذ 5 أيام

شعور منزعج

جماعة انا مرتبطة بولد عنده 19 سنة وداخل فال 20 يعني مش صغير وفي حاجه كدا بصراحه اتخنقت منها اوي باباه ومامته كل شوية ياخدوا منه الموبايل وبيعاملوا اكنو لسة صغير، مع ان هو مبيعملش حاجة بس لما بيلاقوا ماسكوا كتير يروحوا واخدينوا و اوقات ياخدوا منغير سبب وبياخدوا بليل عشان ينام ف بصراحه كنت متأقلمة م

Donut_63791 🇪🇬

منذ أسبوع واحد

شعور محبط

عبّر عن شعورك بشكل مجهول

الموضوع غريب شويه بس بدون مبالغة بقيت بحس أن الأيام دي و الزمن ده مبقاش فيه رجاله يعتمد عليها و يقدروا يشيلوا المسؤلية كلهم عيال حتى لو المفروض انهم كبار و ناضجين و معديين سن المراهقه لدرجة اني بقيت متعقدة من فكرة الجواز من كتر المشاكل و التعقيدات اللي بشوفها ف العلاقات اللي حواليا بحس أن الولاد كلها بقت بتتسلى عندي خوف دايما اني ادخل اي علاقه بحس أن الرجاله كلهم كدابين و بيتغيروا بمرور الوقت ( بعيدا عن أن الارتباط بدون شئ رسمي حرام طبعا و الموضوع ده مرفوض بالنسبالي بس بتكلم أنه حتى لو الموضوع رسمي و الواحد جاي يخطبني هبقى خايفه بردو ) بحس أن الواحد حتى مع خطيبته ممكن يكون كداب أو حتى مراته يعني وصلت بيا احس أن الواحد ممكن يبقى بيتسلى حتى بعد ما يخطب أو يتجوز معرفش ازاي بس من اللي بشوفه والله يعني ايه يبقى واحد خاطب أو متجوز و يروح يكلم واحده تانيه أو يتجوز ع مراته مثلا حتى لو خطيبته أو مراته مش مقصره معاه ف حاجه يعني بيعمل كده كأنه إرضاء لغريزته مش اكتر و ملهاش مبرر غير أنه شخص مريض ، كل اللي بحس بيه ده مش من اللاشئ ده من اللي يشوفه و بيحصل قدامي مع اصحابي مثلا بعيدا عن اللي بشوفه ع السوشيال ميديا العلاقات تبقى ف الاول الكل شايفها مثالية اوي خصوصا وقت لما يكون الارتباط مش بشكل رسمي  و بمرور الوقت او بعد ما تحصل خطوبة تصرفات الراجل خصوصا بتبقى غريبة و غير مبررة ( اه احيانا ممكن التغير يبقى من البنت بردو بس انا بتكلم ع اللي بشوفه قدامي واللي وصلني ل كده ) و بعد كل ده طبعا الموضوع بينتهي بالأنفصال بجد بتصعب عليا اوي العلاقات اللي بتنتهي بالمنظر ده وأنهم ازاي هان عليهم يفرطوا ف كل ده بالسهوله دي و ايه سبب التغير الغريب ده اصلا و ازاي نبقى واخدين عنه فكره أنه راجل و ناضج و داخل جد و بالفعل يتقدم للبنت بس بعدها يتغير تغير جذري لدرجة أننا نحس ان الفكره اللي كنا واخدينها عنه ف الاول كان بيضحك علينا بيها أو عشان يقدر يقنعنا و نصدقه ف ليه بجد كل ده و ايه اللي يخلي راجل يتغير بالطريقه دي بلا مقدمات و فجأة كده ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_63938 🇪🇬

منذ أسبوع واحد

شعور محبط

انا اتقدمت لأكتر من واحده ودايما الموضوع بيتقابل بالرفض معرفش ليه انا الحمدلله ملتزم وبصلي الوقت بوقته وشغال في وظيفة كويسة وعندي دخل ثابت وتعليمي كويس بس اتقدمت لتلاتة والموضوع بيتقابل بالرفض بقيت حاسس بقلة ثقة في النفس رهيبة مع ان شكلي كويس الحمدلله بس مش عارف المشكلة فين

Pineapple_63134 🇪🇬

منذ أسبوع واحد

شعور لا مبالٍ

بيقولي لو جيت اتقدملك توافقي هزرت وقولتله هرفض لو اقصر مني وبعد حوار قالي خلاص الناس كلها هتعرف انك خطيبتي وتاني يوم بقوله ايه ممكن يخلينا اغراب قالي انك تتخطبي او تتجوزي مبقيتش فاهمة حاجة ابدااا

Orange_61792 🇪🇬 ايوة م انتي لو اتجوزتي حد تاني القصه انتهت و سواء هو او حد تاني بلاش الارتباط اما خطوبة و جواز و علاقة رسمية او تقفلي بابك و تريحي نفسك

عرض الكل 16 نصيحة

Biscuit_25419 🇪🇬

منذ أسبوعين

شعور مكسور القلب

عبّر عن شعورك بشكل مجهول

هحكى هنا لان مش هعرف احكى لحد للاسف وحدش هيفهمنى انا كنت بحب شخص اوى انا عرفته من ٣ سنين بحكم مكان يعنى بس فى الاول ولا كان يفرقلى بجد شوية شوية انا بدأت اعجب احب وعمرى كانت أتخيل أن تبقا كدا احنا متكلمناش عموما بس انا محستش كدا من فراغ بجد فى أول سنة كان عادى بس بعد كدا فى الوقت اللى بيجمعنا فية المكان يعنى يبصلى بتركيز أوى حرفيا مش بيشيل عينة الا بسيط مع أن فى ناس كتير اوى معانا فوق ماتتخيلو يعنى حتى صحابى لاحظوا اصلا كذا واحدة المهم انا للاسف حبيتة اوى واكتشفت أن كان كل يوم حبى لية بيزيد اصلا من غير ماخد بالى وتعلق كمان وان ادعى أن اتجوزة واظعيلة بكل خير عموما معرفش ازاى انا عمر ماذكرت حد فى صلاتى الا امى واتنين من صحابى علشان بجد بحبهم دا لقيت نفسى بظعيلة ولسانى متيشر ويدعى يكون من نصيبى وخوف لو خطب حد تانى المهم كانت حاسة بكدا فعلا النهاردة عرفت أنه خطب وتقريبا هى البنت اللى انا كنت حاسة أكنت مصدومة لما شوفت الدبله ووقلبى وجعنى اوى وعيطت عياط انا بجد معرفش ازاى فى أسوأ حالة حرفيا ولسة لغاية دلوقتى حاولت اغير الحو اعمل اى حاجة علشان مفكرش بس فعلا فى وجع انا عمرى ماحسيت بية قبل كدا مش عارفة ازاى وصلت للمرحلة دى انا عمرى ماكلمت حد فى حياتى ولا حبيت ولا واحد قدر يدخل دماغى اصلا بجد معرفش دا اى بجد والله مش قادرة أحدد انا كنت فاكرة أن عادى هيحصل اى يعنى لو خطب بس لنا عيط بالشكل دا والوجع اللى انا حاسة بية ودماغى اللى هتفكرتك ومش عارفة اقول لحد من اللى حواليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_62598 🇪🇬

منذ أسبوعين

شعور قلق

مكنتش اتوقع اني هيجي وقت واكتشف انها هتكون مشكلة في حياتها ، طول حياتي كنت رافضة الارتباط ومرتبطش نهائي ، بس فجأة لما كبرت وخلاص سني الوقتي ٢٢ سنه وفي ناس بيتقدمو ، لقيت نفسي رافضة فكره اني اوافق علي حد غريب اتجوزه ، مش قادره استوعب اني لما اقعد مع حد واتكلم معاه هرتاح له وخلاص هقرر اني موافقه ، رفض

Orange_61792 🇪🇬

منذ 3 أسابيع

شعور مرتبك

من المشكلات اللي شوفتها كتير النهارده ،ان احد اطراف الخطوبة مثلا بيكون مظلوم او مضطهد من الطرف التاني و اتفاجئ انه يقول ان الخطوبة دي بقالها سنه او اكتر و هو او هي يقول انهم قعدوا فترة طويله جدا مستحملين و صابرين و هكذا ف ده يخليني اسأل ليه الناس بتحب المعاناه؟ ايه اللي يخليك تستمر في علاقة غير س

Coffee_61525 🇪🇬

منذ 3 أسابيع

شعور مكسور القلب

ازيكم يا شباب... كنت خطبت واحدة وفسخت الخطوبة يوم كتب الكتاب الفكرة اننا (انا ووالدى ووالدها) كنا اتفقنا على القايمة مع ١٠٠ الف مؤخر والدهب اللى انا جايبه ٢٠جم علما اننا اتفقنا ان الشقة باسم والدى جينا قبل كتب الكتاب بيوم نشوف القايمة لاقينا المنقولات عادى وبدل المبلغ حطوا ١٢٢جم دهب... لما سألنا قال

Pistachio_21985 🇪🇬

منذ 4 أسابيع

شعور خجول

عبّر عن شعورك بشكل مجهول

جمااااعة 
دلوقتي انا كان متقدملي شخص السنه اللي فاتت في شهر ٩  اتقدملي  ناس قبله بس انا كنت باخد الموضوع بهزار واهلي بردو  واللي هو عشان انا كنت صغيره ف عارفه ان اهلي مش هيوافقو ويضغطو عليا وكدا 
 المهم الشخص الي اتقدملي السنه اللي فاتت ده انا عارفاه واهلي عارفينه بس انا عارفاه معرفه سطحيه مجرد اسمه وشكله بس لكن عمري ما اتكلمت معاه  لان كنا مع بعض في مدرسه ومامته ومامتي صحاب وزمايل في الشغل ف مامته طبعا عارفاني وهي اللي قالت لماما انها عايزاني لابنها ف ماما ساعتها همشت رأيي واللي هو خططت لكل حاجه منغير ما تاخد رأيي ولقيتها بتقولي هتقعدي معاه يوم كذا وفعلا قعدت معاه بس من قعدتي معاه حسيته بقي تقيل كدا وشايف نفسه او جاي فارد نفسه عشان معاه فلوس يعني وجاهز من كل حاجه وبتاع بس طلع في بينا حاجات مشتركه كتير ويعتبر دماغنا وتفكيرنا قريب وهو اصلا مش كبير هو 23 سنه بس هو متخرج من حقوق وبعدها كمل في اكاديميه الشرطه ف متقمص الشخصيه اوي يعني🤣 بس قالي حاجه خلتني اتقفل منه وهو انه عايز الخطوبه متطولش عن سنه وكان شايف ان ست شهور خطوبه حلوين اوي وبعدها نعمل فرح ونتجوز بحكم ان اهلي واهله عارفين بعض واحنا يعنبر نسبيا عارفين  بعض ف الست شهور دول عشان ناخد علي بعض فيهم بس انا طبعا يعني ست شهور صدموني 
المهم بعد ما قعدت معاه قولت لماما ان هو كويس وعاجبني بس انا مش عايزه اتخطب دلوقتي لان انا كنت ساعتها 19 سنه وكنت شايفه نفسي اني لسه صغيره اوي علي حوار الجواز والمسؤليه والحاجات دي اللي هو انا عمري ما شيلت مسؤليه نفسي لسه عشان اشيل مسؤليه بيت ف لقيت نفسي عقلت وبدأت افكر جد شويه بس ماما كانت متضايقه واللي هو لا هتوافقي يعني هتوافقي عشان هي كانت شايفه ان هو عريس لقطه مش هيتكرر طبعا انتو عارفين الامهات في الحاجات دي بقي 
ف هي بدأت تقول كلام لأهله انا مقولتوش وتبينلهم قد ايه انا موافقه وعايزاه انهارده قبل بكره وحسيت نفسي بدبس ساعتها وهو بيتعشم اكتر بان كانت  خلاص يعني ساعتها كنا يوم  الاربع  الجمعه كانت هتبقي قرايه فاتحتي انا وهو ف هي كانت مدياله رقمي وكان كلمني واتس وكدا ف روحت داخله مكلماه انا وقولتله اللي فيها وان انا خايفه من الفكره دلوقتي وشايفه اني مش جاهزه لحاجه زي دي دلوقتي ف طبعا الرجاله الرفض بالنسبالهم واحد مهما تعددت الاسباب وبوظت الجوازه وامي ساعتها زعلت مني ومكلمتنيش اسبوع بسبب كدا وكانو مانعين عني الخروج وكان نكد😞
المهم بقي انا جايلكو بعد الفيلم الطويل  العريض ده ورقبتي قد السمسمه و عايزاه يجي يتقدم تاني  يخواتي ومش عارفه اعملها ازاي😂😂😂
مع العلم هو لسه عندي واتساب وبشوف ستوريز بتاعته والعكس
 ومامته صاحبه ماما جدا يعني وبتكلمها علي طول وبتسأل عليا علي طول بردو كل ما تكلمها ده غير ان ماما بتشتغل مدرسه ف بتدي دروس في البيت بتاعنا بس الشقه اللي تحتنا ومامته بتيجي تدي دروس مع ماما بردو عشان هي مدرسه زيها ف علي طول  بشوف مامته وانا نازله او طالعه وكدا 
ياريت حد يقولي اجيبه تاني ازاي بقي عشان انا قعدت سنه افكر في الحوار وشايفه ان هو ده الزوج الصالح بالنسبالي بصراحه🤩

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_29566 🇪🇬

منذ 4 أسابيع

شعور مرهق

انا عندي 17سنة ومخطوبة بقالي سبعشهور من صاحب اخويا والمفروض هنكتب الكتاب بعد اسبوعين اما اتم ال18 بس انا مش مرتاحه ومش عاوزة دلوقتي وشايفه اني لسه صغيرة ع الموضوع دا ف لما قولتله نأجل شوية قعد يقولي ليه وايه اللي هيخلينا نأجل تاني لانهم كانو عاوزين يجوزوني علطول بس قولتلهم ع الاقل اتم ال18 ف وفقو با

التجربة أفضل عبر التطبيق

حمّل تطبيق توهيل على هاتفك لتجربة أسرع