اضطراب

Ice Cream_78529 🇪🇬

منذ 3 أيام

شعور قلق

رب ضارة نافعة الوسواس القهري من ناحية الموت كان عندي بقاله كتير لكن مؤخرا بدأت الاحظ أنه زايد عن الاول بكتير لدرجة أن مفيش لحظة ف حياتي بعديها غير وانا خايفة و مرعوبة و دماغي بتفكر ،مكنتش بصلي بإنتظام ولا بقرأ قرآن بشكل مستمر ،من بعد ما الموضوع زاد ف التفكير بدأت انتظم و خايفة طول الوقت و مش قادرة

Ice Cream_85766 🇪🇬 كانوا زمان بيقولوا لا شفاعه فى الموت ولا حيله ف الرزق و الاحساس بالخوف من ربنا جميل بس بلاش تفكيرك ف الموت ينسيك تعيش الحياه ادام كده كده هتموت يبقا عيش و سيبها لله

عرض الكل 3 نصيحة

Apple_73577 🇪🇬

منذ 4 أيام

شعور ضاق ذرعًا

عبّر عن شعورك بشكل مجهول

السلام عليكم اتمني محدش يمل من طول البوست أنا شاب عندي 27 سنة شغلي وتعليمي كويسين والناس دايما بتقولي إني مميز بس عمري ما حسيت بكده ولا اقتنعت إني أستاهل حاجة اتربيت في بيت كله عنف وتنمر من أبويا وأخويا الكبير وحتى أمي خصوصا بعد ما جالي تثدي وأنا صغير ومع أول ما ظهرت عندي علامات ذكاء وتفوق حطوني في دور البطل اللي لازم يشيل الكل كبرت وأنا شايل مسؤوليتهم وكل كلامهم كان لما تتخرج وتشتغل تعمل لإخواتك ولينا ومفيش حد فكر فيا ولما اشتغلت بقى مفروض أساعد أخويا الكبير في شقته وجوازه والمساعدة اتحولت لاعتماد كامل لدرجة إنه خطب بفلوسي وبعدها ضغطت علينا نتنازل له عن الميراث وأمي كانت دايما تقلل مني قدام الناس حتى وأنا خاطب كانت بتتكلم عن عيوبي بدل ما تساندني والنتيجة اضافة لعوامل كتير سيئة إن الخطوبة فشلت وأنا كنت منهار وساعتها كانوا بيسألوني هبيع الدهب إمتى عشان أخويا يجهز شقته طول عمري حاسس إني مجبور أضحي حتى وأنا صغير كنت أوفر مصروفي للدروس واتذل عشان آخد فلوسهم كبرت خواف وضعيف قدامهم لدرجة إنهم فرضوا عليا أدفع قرض عن قريبة لأمي لان والدتي ضمنتها وهي رافضة تدفع  وأخويا الكبير ملوش علاقة كالعادة
تشخصت باضطراب الشخصية الحدية والقلق والاكتئاب الحاد قررت أعيش لوحدي قريب من شغلي عشان أرتاح لكن العيلة كلها هاجمتني وقالولي إزاي تتخلى عن أهلك رغم إني لسه بدفع كل شهر 6 آلاف لأمي وأخويا الصغير وبرغم كل ده شايفيني مقصر ومعنديش دم واتصالاتهم كلها عتاب ولوم أنا فعلا مش عايز أغضب ربنا بس جوايا غضب منهم كبير ومش قادر أتقبلهم وخايف البُعد يوقف حياتي
كنت دايما معاهم وبدي كل اللي أقدر عليه وبرغم كده وقفوا ضدي حتى وأنا بحاول أبدأ حياة جديدة
وأمي دايما تقول عايزين نجوز أخوك الكبير وبعدها كل واحد يشوف حاله دلوقتي أنا تايه ومش عارف أتعامل إزاي ومحتاج نصيحتكم.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_79580 🇪🇬

منذ 4 أيام

شعور قلق

انهارده اخدت خطوة عشوائية جداً في رحلت بحثي عن كرير الاقي نفسي فيه ممكن حاسة بشوية اضطراب ممكن خايفة اكون بضيع وقت واندم عليه في المستقبل بس حاسة ان خطوة عشوائية افضل من اني اكون ثابتة في مكاني ، اكيد هتعلم منها حاجة صح

Potato_77746 🇪🇬 انا خبطت فى برا الكارير بتاعى وفى الكارير بتاعى تقريبا ٥ سنين من قبل ما اتخرج لحد بعد ما اتخرجت حاليا أى انترفيو بروحه بيتصدمو من كميه التجارب اللى خضتها واتعلمتها بدرى وانا لسا سنى صغير بقيت حاطه رجل على رجل وبتكلم بكل ثقة مع حد خبره ٢٠ سنه فى المجال بتاعى ولما حبيت احصر انا اشتغلت فى اى لقيتنى اشتغلت فى ١٠ مجالات فى تخصصي بس غير اللى كان برا كاريرى فدوسي ومش هتندمى أبدا

عرض الكل 1 نصيحة

Toast_51863 🇪🇬

منذ 6 أيام

شعور ضاق ذرعًا

هو صوت دماغي ونفسي دا اهرب منه ازاي عشان صدعت بجد يعني وهموت واعيط منهم بيحسسوني بالذنب وانا معملتش حاجه وبيعيشوني دور الضحية ف كل حاجه ولما بقولهم اسكتوا بيردو عليا وبيقولولي انتي ال غلطانه وانتي السبب الصوت مسموع بجد يجماعه الموضوع بقاله سنين ف تطور معايا اني بقيت اسمع وارد كمان 😆 انقذوني ارجوكو

Cherry_20253 🇪🇬

منذ أسبوع واحد

شعور مكسور القلب

أنا كنت فترة في حياتي بحب شخص بجنون اوي، وبعدين كسر قلبي وجاتلي حالة نفسية جامدة بعد الموقف والشخص ده أنا بقيت مضطرب نفسيا جامد، كنت بحبها اوي، دلوقتي لاقيت نفسي بحب أي بنت معدية قدامي، وبتعلق بيها، وأنا فاكر نفسي قبل الموقف كنت مخلص جداً للي بحبها ورافض اي واحدة غيرها، دي حاجة مش فاهم ازاي اتغيرت

Candle_85015 🇪🇬

منذ أسبوع واحد

شعور متعب

عبّر عن شعورك بشكل مجهول

اممم البداية غريبة بس انا عندي حساسية اسمها حساسية السيلياك بلاش ادخل في تفاصيل فيها فالمهم جالي مضاعفات من الحساسية دي فاثرت علي كل الغدد عندي وبالتالي عملت مشاكل في الهرمونات فالمهم الموضوع دا مش فارق معايا باخد ليه ادوية وحقن من زمان ومتعود ايزي المشكلة انه اثر علي شكلي وشكلي بيبي فيس وانا عندي 21 والموضوع دا سبب ليا مشاكل كبيرة دخلت الجامعة ومفيش بيحترمني بحسهم بيحموا عالواحد من شكله دا شكله طفل يبقي عقليته كدا والعياذ بالله والاقي دفعتي اللي هيا 8 ولاد بيتخابثوا عليا ولغايت دلوقتي في الجامعة معرفتش صاحب حقيقي لان كل اللي معايا في الدفعة للاسف حثالة حاولت اديهم كل طيبتي لكن للاسف اكتشفت طيبتي دي استنفزتها مع الناس الغلط وغير كدا اروح الجم الكل يبصلي باستغراب ادخل بوابة الجامعة الناس يقولولي ايه يا حبيبي انت جاي لاخوك مينفعش تدخل وغيره من مواقف زي دي ملهاش نهاية قرفتني جداً ، وانا بسبب اضطراب هرموناتي البناء العضلي ضعيف اوي فكل الناس يعدو يقولولي ايه يبني انت بتعد سنة في الجم مبتططورش وانت جاي تلعب فالحمدلله علي كل حال ياريت لو حد عنده وجهة نظر ازاي اتعامل مع المواقف دي اللي جبتلي رهاب اجتماعي وخلتني انطوائي للاسف ودا 10% من وسط مشاكلي فيه حاجات تانية كتيرة مؤلمة بتحصلي لكن مش هقدر احكيها كلها للاسف من كترها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Orange_84623 🇪🇬

منذ أسبوع واحد

شعور مستنزف

انا اخدت ملحق و عدت السنة مرتين .. حاليا دي المره التالته و الامتحان فاضل عليه شهر بس و انا بقى عندي عقدة اني مش حا انجح و وقفت مذاكره عايزه نصايح ترجع لي ثقتي بنفسي لاني حاليا نفسيتي متدمره و كل ما اجلس عشان اذاكر بحس قلق و اضطرابات نوم واكل على طول دافنه نفسي في السرير معلومة انا اتشخص بضطراب ثنا

Chocolate_84389 🇪🇬 بصي متذاكريش الاهم من كل ده الامتحانات حلى امتحانات قدينه و احفظى اجابات الاسئله و ادخلى الامتحان و اهم حاجه متتوتريش اطلاقا

عرض الكل 4 نصيحة

Potato_77746 🇪🇬

منذ أسبوع واحد

شعور مرتبك

عندى مشاكل كبيره جدا مع النوم بحاول احلها بقالى فتره كبيره اوى بس بحلها وبفشل فى الآخر وبرجع تانى نومى مش متظبط انا كائن ليلى بحب الليل اوى اكتر من النهار ودا مسببلى مشكله على مدار حياتى انا معرفش ممكن دة يكون حلها اى بس بجد انا مبحبش الصبح خالص ومبحبش الشمس ومبحبش النور عينى بتوجعنى منه اوى انا م

Cherry_78677 🇩🇿

منذ أسبوعين

شعور مرهق

انا عندي مشكلة بسيطة في نظر البعض ولكنها ترهقني اعاني من اضطراب النوم لم اعد استطيع تحكم في مواعيد نومي اصبحت اسهر لأوقات طويلة من ليل دون ان اشعر بتعب او نعاس ولكن في صباح عندما استيقظ اشعر بذنب لأنني أتأخر في الاستيقاظ واجد صعوبة في ذلك بإضافة الى انني اشعر بتعب وبأنني مستهلكة مما يجعل كفائتي خلال

Cherry_79807 🇩🇿 ماغنزيوم وفيتامين cعن تجربة (ماتحبسيهمش) وفي موضوع اضطرابات النوم ديري تيزانة (ينسون/بابونج /لويزة/(اذا عندك امكانيات ثان ناردين غالي هو ايفيكاس مي تستغني عليه نورمال ) ديري نفس الكمية من كلش وعمري باطة مخلط كل يوم مور العشا ديريه تيزانة ❤️مع الوقت راح تنتظمي في رقادك(قبل ماترقدي بعدي تيليفون بساعة من قبل /اقراي اذكار النوم)

عرض الكل 5 نصيحة

Apple_53831 🇪🇬

منذ أسبوعين

شعور ضائع

انا متشخص ان عندي اضطراب ثنائي القطب من ٢٠٢٠ رغم ان انا اصلا مش واثق فيه شي زي ده بس بتعامل علي الاساس ده بس مبروحش لدكتور بروح اصرف العلاج من المستشفي وقت ما احتاجه وخلاص او بجيبه من اي صيدلية رفم ان شي زي ده لازم متابعة مع دكتور خصوصا وان الشتاء جه وده بيدخلني في اكتئاب مخليني مش قادر اكمل حياتي ح

Apple_53831 🇪🇬

منذ أسبوعين

شعور ضائع

Avocado_77684 🇪🇬

منذ أسبوعين

شعور محبط

جماعه حد عنده اضطراب نفسي او وسواس الي هوه تفكير زياده ملازمني على طول لما تكون في مكان وعاوز ارد بتاخر عشان افكر في الكلام وكلامي قليل حد بيعيط وبيفكر هو هيخش جنه ولا نار حد ممكن يكون خايف ان العمل الخير الي بعمله يكون رياء طيب فكرت كتير اني اكون شاب عايش حياتي بس كل ما ابص او انظر احس بتغير وتأ

Avocado_75758 🇪🇬

منذ 3 أسابيع

شعور مستنزف

متقدملى شخص عندة مرض ثنائى القطب اجتماعيا كويس لكن دماغه صغيرة اوى وتافه كده او ممكن لان انا شخص دماغه كبيرة فشيفاه كدة مش عارفه المهم المرض دة عادى ولا لا وممكن يتنقل لولادى انا خايفه اوى انى معرفش اتعامل مع حد كدة وخايفه ع ولادى المفروض ايه الصح

Biscuit_21815 🇪🇬

منذ 3 أسابيع

شعور ضائع

Apple_71377 🇪🇬 تنزيلك للبرنامج تاني دا في حد ذاته فتح باب للشيطان

عرض الكل 29 نصيحة

عبّر عن شعورك بشكل مجهول

عايزه حل لحوار الاكتئاب و التفكير الكتير ف الماضي و اللي عملته انا واحده من محافظة و مش بكلم و لا بحاول اني اتعامل مع اولاد غير اخواتي و قرايبي بسلم عليهم كدا و خلاص و مش ببص و بغض بصري بس جات عليا فتره جفاف و فراغ غير طبيعيه و ضغط نفسي و اضطراب ما بعد الصدمه ف كنت بتعرف ع ولاد و بتكلم معاهم سوشيال سواء عرفتهم هنا او من تيك توك او من اي مكان و كنا بنروح و نتكلم علي زانجي او تليجرام وعلي سناب و الكلام كان بياخدنا و كل واحد كان عايز يجر التاني و ف البدايه ابعت صورتَك ابعتي صورتِك الله شكلك حلو شفايفك حلوه و ندخل بقا ف كلام جنسي بحت اللي هي علاقه جنسيه بس في الشات كلام و معملتش كدا مع واحد بس او اتنين عملت مع شويه حلوين مش كتير اوي بس كانوا شويه حلوين مع ان ولا واحد اعجبت بيه و ولا واحد كان ذوقي بس اللي هو كنت بضيع وقت و بتسلي و مكنتش اعرف اني هتدمر نفسيا كدا دا غير اني كنت معجبه بواحد و معلقه نفسي بيه من ٣ سنين و دخلت كلمته حوالي اسبوعين تلاته كدا و عرفني و شاف صورتي و هو كان السبب اني اكمل و اعمل كدا لان هو كان اول حد كدا كان ديما بيقولي لما اشوفك هعمل و اخلي و اسوي و بصي و يبعتلي فيديوهات رومانتك بس دي كانت عادي اللي مش عادي اني عرفت حد من هنا و بعتلي اباحي و كنت اول مره في حياتي اتفرج علي فيديو اباحي كنت مبرقه و مركزه و لسه فاكره الفيديوهات اللي بعتها ب اللي فيها كان اخري اتفرج علي بوسه حضن بس دا ف مسلسل فيلم كان اخر اخري مكنتش اعرف اصلا ان في ناس بتعمل علاقه جنسيه جسديه كامله كدا و ان في ناس ساديه كدا ضرب و تلطيش و اهانه و ان ازاي العلاقه نفسها بتحصل مكنتش اعرف اي حاجه و مكنتش اعرف هم بيعملوا ايه اصلا مكانش عندي وعي ب اي حاجه و لما بعتلي حبيت اتفرج بفضول ولكن الحمدلله مروحتش جبت و دورت برا اللي بعته شوفته و بعدها مسحت الapp و لسه منزلاه دلوقتي و مسحت كل اللي كان عندي و الولد عملتله بلوك اللي كلمته و كنت معجبه بيه ده طلع اسوء واحد عرفته في حياتي عايزه بقا نصيحه منكم و انكم تهدوني و انا توبت و رجعت تاني لربنا اتمني انكوا تكونوا قريتوا دا كله و انا هشوف ردكم و همسحه تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

ملل فظيع وعاوزة اشغل نفسي ناووو بجد

ملل فظيع عاوزة اشغل نفسي ناووو بجد، محدش عنده مشكلة او عاوز نصيحة بجد انا بجد معرفش لحد الوقتي اى سبب الطاقة اللى جوايا دى بس انا عاوزة اخرجها و الله عاوزة أنشرها بجد لأنها طاقة إيجابية جدا، انا معرفش ده اى بس حاسة انها حاجة حلوة🩵🌸 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع