اسكندريه

Apple_59609 🇪🇬

منذ يومين

شعور مكسور القلب

تعبت من كتر التفكير النفسيه بقت زفت مفيش حاجه بتم لا جواز ولا فرح ولا اي حاجه وكل ما اتقدم لحد يخصل خلاف والموضوع يبوظ نفسي الاقي بنت الحلال والله ربنا يعلم الواحد جوه ايه وبيقرب من ربنا ازاي عشان يلاقي بنت الحلال اللي تصونه انا من اسكندريه عندي 32 سنه لو في حد قدامه حد مناسب يكلمني وان شاءلله خير ب

Banana_63964 🇪🇬

منذ شهر واحد

شعور مكسور القلب

موضوع:

اكتر ذكره مؤلمه حصلتلك وومقدرتش تتخطها؟

لما عرفت ان اخويا عنده كانسر (ممكن تدعوله بالشفاء)مش قادره انسي خوفي عليه و مش قادره انسي كل لحظه كانت بتعدي و هو في المستشفي و تعبه بعد خروجه من المستشفي و جرينا بيه علي المستشفيات و عينه لما وقفت و مكنش قادر يحركها ممكن اللي يقدر يتبرع لجمعيه مستشفي سرطان اطفال اسكندريه 3939

Peanut_63801 🇪🇬 ربنا يشفيه و يعافيه و هدعيله كتير ف قيام الليل ربنا يصبرك بإذن الله هيكون كويس ♥🤲🏽

عرض الكل 12 نصيحة

Waffle_57960 🇪🇬

منذ شهر واحد

شعور مرهق

عبّر عن شعورك بشكل مجهول

احنا عيله بسيطه شويه وماما وبابا متطلقين من خمس سنين وبابا فاهم أن ماما ال اختارت أنها تبقي الراجل وتصرف هي فا هو مبيدفعش نفقه ولا اي حاجه وبرضه عارف أن ماما مش هتعرف ترفع عليه قضيه عشان حاجتين اولا طبعا لو عايزه محامي كويس وكدا مش اقل من عشر الاف أو عشرين وثانيا أن بابا عايش قدامنا عنده شقه ف اسكندريه مقعد فيها مراته بس مبيروحش لها كتير يعني تلات مرات فالسنه كدا او اكتر معرفش المهم وهو طبعا لو ماما رفعت عليه قضيه هيتحبس شويه وهيرجع ولما يرجع هيقعد يغلس ويشتم فالسلم لانه قدامنا وطبعا بابا ما هيصدق بق أن هو طلع وكدا فا هيقعد بق يشتم قد كد فالسلم ويقرفنا وماما طبعا هترد عليه واكيد هتحصل مشكله كبيره وكدا فا موضوع أن بابا مبيدفعش نفقه ده مبوظ حياتنا اصلا ماما مرتبها مبيقديش وكمان تيتا بتديها المعاش بتاعها كله بس برضه مبيكفيش أصل هيقدي ايه ولا ايه الجمعيه ولا الأقساط ولا اكلنا ولا ايه بالظبط وطبعا بق بقالنا سنه او اقل مجلناش لبس جديد وماما بصراحه كانت بتدينا مصروف انا واختي فالاسبوع خمسين بس مكنش بيقدينا بس هي دلوقت وقفت المصروف ده بس قالت هترجعه تاني المهم اني تعبت وحاسه اني مخنوقه اوي وعايزه اساعدها بس هي رافضه تماما وكمان انا صغيره برضه مش كبيره عشان اشتغل يعني الي عاوز يشغل حد هيكون عايز بطاقه وانا لسه مطلعتش وبجد حاسه اني لو اشتغلت وساعدتها الدنيا هتتغير معانا وهنعرف نجيب ال احنا عاوزينه وكمان مش هتبقي حامله همي فالفلوس بس هي مش موافقه خالص وكمان مين هيشغلني وانا فالسن ده انا بجد مخنوقه اوي وعايزه حل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

منذ شهرين

شعور محبط

عبّر عن شعورك بشكل مجهول

جماعه أنا خايفه أوووي بجد ليه الدنيا مرعبه كده 
أنا بجد مبقيتش متطمنه وبقيت خايفه من الناس أكتر
النهارده كنت بره وأنا بتعالج في اسكندريه يعني أنا مش من اسكندريه بس بتعالج هنا كنت بره وفيه واحد شبه حمو بيكا وشكله بقه بشع يعني ومرعب أوووي يعني حمو بيكا فيه قبول عنه ،وجسمه كبير أوووي ومعاه كلب المفروض إن النوعيه دي من الكلاب ممنوعه للامتلاك الشخصي أو إنها تبقى ف الشارع مع حد علشان مفترسه 
كان فيه راجل غلبان المفروض ماشي ف حاله راح الإنسان الزباله ده أو هو مش إنسان أصلًا بجد ساب الكلب ع الراجل الغلبان والكلب مسك رجل الراجل وبعدين شاله ف الراجل طالع يجري ف ساب الكلب عليه شويه بعدين الراجل جري والحمد لله عدت ،راح بصلي وكان جاي بالكلب عليا ف مجاش ف بالي غير إني لقيت شاب تاني ماشي قولتله يمشي معايا لحد ما أوصل الشاب فضل ماشي شويه لحد ما بعدت عن الراجل اللي معاه الكلب والشاب مشي قام الراجل اللي معاه الكلب جه ورايا بالكلب وقالي متخافيش يامه متخافيش وفضل ماشي ورايا بالكلب وأنا كنت مرعوبه
بجد مش فاهمه ليه كده يعني عضة كلب زي ده تموت وخصوصًا إن النوع ده مفترس ازاي بجد بيسيبوا بلطجيه زي دول أو يسيبوا أي حد يمشي بالكلاب دي الكلاب دي ممنوع أصلا امتلاكها دوليًا ازاي بجد؟
يا جماعه انا مش عارفه أنا مرعوبه وآسفه لأي حد اسكندراني هنا بس أنا بخاف منكوا أوووي والله العظيم يعني كل الاسكندرانيين معاهم مطاوي وسكاكين وكل شويه خناقات وخناقات من اللي فيها موت،أنا نفسي مجيش هنا لكن مضطره علشان بتعالج أنا بجد بقيت خايفه الدنيا مليانه وحوش وأنا كل ما أمشي ف مكان هنا بلاقي خناقات كبيره أووي 
أنا آسفه لاي حد من هنا بس الموقف كان صعب أوووي عليا وأنا تعبانه وفيا اللي مكفيني ف مكنتش ناقصه يعني حرام ليه يسيب الكلب ع الراجل وليه يمشي ورايا بالكلب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_42094 🇪🇬

منذ 9 أشهر

شعور مستنزف

أنا شب عندي ٢٢ سنه عندي مشكله بحس اني قلبي بيوجعني اوي لما بزعل من حد او أنا ازعل حد يعني مثلا نا زعلت حد ممكن اروح اقولو متزعلوش بس قلبي بيوجعني مش بعرف انام إلا لما أكون صافي كده مع ناس وبحس سعات قبل مشكله ما تحصل بحس كده قلبي بيوجعني مش عارف دا ميزه ولا عيب وكمان حجات كتير أنا اتاذيت من شغل بحبو

Apple_41783 🇪🇬

منذ 9 أشهر

شعور آسف

انا عندي مشكله انا من اسكندريه بس بشتغل ف دهب بس كل ما اطلع دهب بتخنق وبتقفل ولما بنزل اسكندريه بتبسط بس الرواتب ف اسكندريه غير ده وهناك في راحه بال وحاليا انا نازل اسكندريه اهوه ومدايق بس انا عمتا بحب الاتنين ونفسي اسافر بره مصر بس الثانوي معطلني فاضل سنه واسافر واستقر هناك باذن الله❤️🤲

Strawberry_58144 🇪🇬

حبيبتك أنا في المستقبل الذي لم يأتي... وإن لم يكن حبًا فماذا؟!

حبيبتك انا.. الا انك لم ترافقنى يوما فى رحله سفر طويله..اخذت عقلك، لاكن قهوتك بردت من قبل ان تحضر.. وشما على قلبك، لاكننا لم نبتسم يوما الى عدسه كاميرا واحده. حبيبتك انا فالمستقبل الذى لم يأتى، والفرص التى لم تكتمل، والاحلام التى لم تتحقق، الكلمات التى لم تقال، والاشعار التى لم ترسل.. فنكتفى بالمرور السريع كالاغراب، ونبقى معا فالاحتمال... ولاكن قل لى.. ان لم يكن حبا.. فماذا؟! ...عرض المزيد

0 الدعم

0 نصيحة

Chocolate_65230 🇪🇬

مبرمج محترف يعلمك البرمجة من الصفر

السلام عليكم حد هنا في البرنامج مهتم بمجال البرمجة انا مبرمج 8 سنين خبرة و عندي استعداد اعلم البرمجة لناس كتير حابه تتعلم انا معايا 8 لغات برمجة و عملت مشاريع كبيرة جدا مجال البرمجة مفيد وجميل جدا و انا زي ما قولت حابب اعلم الناس البرمجة لانه جزاء العلم نشره اي حد مهتم بمجال البرمجة يكلمني و شكرا ليكم ...عرض المزيد

1 الدعم

5 نصيحة

Strawberry_73876 🇪🇬

تعبت من غدر الصحاب ومش قادرة اثق في حد

انا تعبت من غدر الصحاب انا اما بحب حد بخلص اوي وبعتبر صاحبتي دي هي سري وبحكي معاها كل حاجه وفي الاخر تطلع سري وكمان تطلع زعلانه اني معتبتش عليها ولا قلت اني زعلانه طب انا اعمل ايه طلعتي سري واتكلمتي عليا وكمان مش عاجبك انا تعبانه فعلا ونفسيا مبقتش اثق في اي حد مفيش حاجه اسمها صاحب كان نفسي يكون لي صديقه مقربه ليا بس معدتش أصدق حد كله بتاع مصلحته. ...عرض المزيد

0 الدعم

9 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع