احساس بالرفض

Mango_61898 🇪🇬

منذ أسبوعين

شعور مكسور القلب

احساس صعب اوي انك تكون فاشل ف تكوين علاقات سواء كانت صداقه أو حب او مع الناس عامتا بمعني انك لما تحب تقرب من حد أو تتصاحب عل حد مثلا تحس انه مش عاوزك أو م انتا الصاحب الي هو عاوزه أو تكون الشخص المحبوب وسط الناس ولاحت ف الحب لانك حاولت كتير اوي بس ماقدرتش😓

Popcorn_61948 🇪🇬 دي قلة ثقة بالنفس وقلة الثقة دي احيانا بتظهر عليك قدام الناس ودا بيدي انطباع عنك كاشخصية ضعيفه ودا مش مفضل بالنسبة لناس كتير فانت محتاج تقعد مع نفسك تفهمها اكتر وتعرف انك تستحق كل حاجه حلوة تفهم انك شخص كويس وتحب نفسك ساعتها الناس هتحبك

عرض الكل 8 نصيحة

Peanut_25360 🇪🇬

منذ شهر واحد

شعور مذنب

Pistachio_56798 🇪🇬 انا اسف ليكي بجد بس دا مش دور الضحية ولا حاجه انتي لقيتي حد يعاملك كذا بشكل آدمي حنين انما انتي ضحية فعلا ربنا يعينك موضحتيش دا فالبوست اللي فات ف اسف بجد مرة علشان مكنتص فاهم و قولتلك حل سطحي و اسف علشان مش عارف اساعدك بس هدعيلك ربنا يعوضك

عرض الكل 11 نصيحة

عبّر عن شعورك بشكل مجهول

ممكن اشرح انا إزاي بقيت احب دور الضحيه اول حاجه امي توفيت و انا عندي ٦ سنين كنت دايما منبوذه في المدرسه و البيت لاننا كنا في بيت عيله كانوا بيتنمروا عليا في المدرسه و كنت اروح و مقولش حاجه لان طبعا مرات ابويا مكنتش بتسمع و بابا مكنش فاضي و كل ما اقوله عايزه اقولك علي حاجه يقول هو انا فاضي اشتغل و اجبلك الاكل و لا اسمعك مش ناقصه قرف كنت اروح اقول لاختي عايزه اقولك حاجه تقولي اطلعي برا كنت عند في العيله البنت اللي نكديه بتعيط لو حد زعقلها تاني حد اضربت من ولدي علي سبب غريب بسبب اني اتاخرت في المدرسه لاني كنت بدور علي شطنتي لان البنات خبوها و كانوا بيضاقوا فينا و لما روحت مرات ابويا قالتلي والله لاقول لابوكي قولتها اني كنت بدور علي الشنطه قالتلي كدابه و بابا ضربني دي اول مره و طلبت مني اني ابوس ايدها عشان متخلوش يضربني تاني للاسف عاملت كده تاني مره ضربتي فيها بسبب اني خدت قلم من واحده و نسيته معايا روحت البيت جه تاني يوم مروحتش الدرس عشان ملحقتش اخلص المواعين قبل ماروح الدرس لاقيتها طلعت و خبتت عشان القلم و قالت لبابا راح ضربني تالت مرات ضربني فيها عشان خد ٣ جينه عشان كنت عايزه اجيب قلم و خفت اطلب منه اضربت بردو من ساعتها و انا بخاف اطلب حاجه بخاف حتي اتكلم و بخاف اقول لا عشان لازم اي حاجه بقولها اقول حاضر حتي لو بموت عمري ماحسيت انه بيحبني و طبيعي احس كمان ان الناس كلها بتكرهني عشان بحس ان ابويا مبيحنش عمري ما قال لمرات ابويا متزعيقش عليها لا عادي اقوله حصل حاجه يقولي بتعلمك اطلب منه فلوس او حاجه يزعق و يقولي منين و يذلني حرفيا حتي علي الاكل و الشرب لحد حتي مصاريف الدروس و الجامعه بخدها من اختي عشان بيزعق بعدها بفتره حصلي موقف في المدرسه بنات مسكوني ضربوني في نص المدرسه روحت البيت ولا كأن في حاجه علي الرغم ان علامات الضرب بينا فيا محدش سال كنت عدي وقت و حصل موقف اتاكدت اني بالنسبه لبابا بنته بس غير مرغوب فيها قبل كده مرات ابويا مشيت و قالتلي مقولش حاجه لبابا و لو رن عليه قوليله مشيت و انا معرفش قولتها ماشي مشيت و رن عليا سال عليها قولته معرفش بعدها بفتره قولته علي الحقيقه قالي جمله صعبه حسبي الله و نعم الوكيل فيكي خربتي بيتي علي الرغم انه رجعها بس طلعت وحشه بقيت سلبيه بطريقه برهيبه لحد ما مره لاقيت بنوته اتكلمت معها و حكيت بس علي حاجه من اللي حصلي صعبت عليها و لاقيتها بتحبني حسيت هو دا الاحساس اللي نفسي بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_56106 🇪🇬

منذ شهر واحد

شعور مكسور القلب

انا مش عارف ليه محدش من اصدقائي بيحب يتعامل معايا مع اني ورب الكعبه مبعمل حاجه وحشه وبحب الخير للكل ومش مبحبش حد بحب الكل بس مش عارف لييييييه محدش حابنني دة غير المنافقين اللي كنت اعرفهم اشكال وسخه ولاد اوساخ انا بظهر أنه مش بيهمني بس انا من جوايا بموت حرفيااا تعبت من الوحدة اللي انا بقيت فيها اللي

Mango_45204 🇪🇬

منذ 4 أشهر

شعور متعب

انا 17 انا وحيد اوي و معنديش حد و مخنوق اوي ديماً بشوف كل واحد عنده صحاب في كذا حتي و كذا شلة و انا يعتبر معنديش حد خالص و ديماً بشوفهم بيستريكوا مع بعض و نزلوا ستوري لبعض ،كل سنة و انت طيب و خروجات مع بعض، انا حتي ولا عمري خرجت مع صحاب ولا حتي مشوار او حد جالي تحت البيت كل حاجة بيظة جسمي ، نفسيتي

Mango_33102 🇪🇬 انا كنت زيك في يوم من الايام و مكتئب بشكل كبير جدا بس بعد كده اقتنعت ان محدش هيخرجني من الي انا فيه غير نفسي حاولت و جيت علي نفسي علشان اطلع من الحته دي و بقيت كويس و ببص للحياه بشكل تاني مبثقش في اي حد بسهوله مهما كان كلامه بيعبر عن قد ايه هو جدع الصحاب الي بجد بيتعرفوا من النواقف و مش موقف واحد بس لا لازم مواقف كتير مش اي حد اديله الامان كده عادي و مش اي حد اصاحبه و اضيع معاه وقت

عرض الكل 3 نصيحة

Avocado_40469 🇪🇬

منذ 6 أشهر

شعور ضائع

الانسان بيروح فين/لمين لما يحس ان كل حاجه متقفله وكل حاجه غلط وكل حاجه واقفه وتقيله على قلبه تقل محدش ممكن يتخيله بجد؟ ايه الحل اللي ممكن تعملوا في الوقت دا؟ خاصة بعد ما شبه اترفضتوا من اكتر شخص كنت بتحبه وباني حياتك ومستقبلك معاه؟؟؟؟

Strawberry_32857 🇪🇬

منذ 8 أشهر

شعور وحيد

Kiwi_34583 🇪🇬 في ناس حلوه اوي هنا في التطبيق انت كونت صدقات كتير من هنا

عرض الكل 11 نصيحة

عبّر عن شعورك بشكل مجهول

انا عندي مشكلة، من وانا صغيرة وأنا مليش صحاب خالص يعني مليش حد احكي معاه أي حاجة كلهم كانو وقتهم وخلاص  وهم اللي كانوا بيعتبروني كده مش أنا قعدت مع صحابي في المدرسة 12 سنة ومفضلش حد منهم معايا خالص، مكنش في حد فيهم بيحكيلي على حاجة او يعزمني على حفلة او أي حاجة كنت دائما لوحدي حتى في الانشطة اللي كنا بنعملها برضه كنت ببقى لوحدي. عدت السنين وقولت لنفسي هتلاقي صحاب في الجامعة وهتعوضي اللي حصلك واصبري. حصلي مشكلة اسرية جامدة أوي اثرت عليا اكتر ما أنا متأثر عليا، ملحوظة أنا مكنتش كده وانا صغيرة بالعكس أنا كذا حد يقولي انه بيحب يقعد معايا واني عندي جاذبية وكده فا اللي هو أنا مش مريضة ولا فيا حاجة علشان يبعدو عني ولا توكسيك مثلا بالعكس يعني. المهم دخلت ثانوية عامة و الموضوع كان صعب عليا جدا بجد لأني غيرت مدرستي ودخلت مدرسة تانية فا كنت بروح دروس كده زي أي حد يعني واتعرفت على شوية بنات وكانو وقتهم برضه وانا كنت عارفة كده. المهم دلوقتي أنا في الجامعة بس مش عارفة ايه اللي حصلي بقي الموضوع معايا اصعب واوحش مبقتش عارفة اتكلم مع حد بمعنى الكلمة ولما جيت أتعرفت على حد كانت شلة كده بنات وولاد و الموضوع كان لذيذ في الأول. كان معانا بنت كده دبت معاهم خناقة وانا دخلت في الخناقة بالغلط كده علشان بقف جنب صحيتي وحده وخلص الموضوع على أننا بعدنا عن بعض خالص والشلة اتفركشت ودلوقتي ما تبقاش غير أنا وواحدة صحبتي بس وانا بقى من ساعتها مش عارفة ايه اللي حصلي مبقتش عارفة اتعرف ولا اتكلم مع حد خالص وبقيت دائما لوحدي و الموضوع مضايقني أوي بجد ان البنات كلها مبسوطين وبيضحكو وانا حرفيا بعيط على حالي ده. أنا مبقتش فاهمة أنا فيا ايه بالظبط ومش عاوزة احكي لمامتي علشان مقلقهاش على الفاضي وبجد بعد ما كنت بحب الجامعة جدا وحاسة ان اسامي هتتحول ونبقى احلى من أيام المدرسة بقيت بكره اليوم اللي بنزل فيه الجامعة علشان بقعد لوحدي وبيبقى شكلي وحش وبحس الناس بتشفق عليا. أنا مش عارفة الدنيا بتعمل معايا كده ايه مع اني والله ما اذيت حد عمري أنا اللي كنت بتأذي والله من الناس كلها. أنا عاوزة تفسير للي انا فيه دا علشان بجد تعبت وحالتي النفسية بقت اضعاف اضعاف وحشة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_26509 🇪🇬

منذ 8 أشهر

شعور وحيد

حاسه اني لوحدي اوي كل صحاب بلا استثناء اتجوزوا ومعاهم عيال أنا عندي ٢٧ سنه وعمري مرتبطت في حياتي ولا حد اتقدملي وتعبت من احساس اني غير مرغوب فيا حتي لما حد بيقرب مني بلاقيه بيختار حد غيري أنا تعبت بجد

Broccoli_25232 🇪🇬

منذ 9 أشهر

شعور محبط

على طول بحس بالوحده بحس انى مش بعرف اكون اصحاب او انى منبوذه، دي السنه التانيه ليا في الجامعه مش عارفه اكون اصحاب معرفش حد وخصوصا كمان انا مغتربه طبيعى اكَون اصحاب ماكونتش اصحاب رغم على اخر السنه تقريبا كل واحد عمل شله ليه إلا انا حتى في سنوات دراستي كلها ما كانش ليا اصحاب معينه في ناس انا اللي كنت

Mushroom_20827 🇪🇬

منذ 11 شهرًا

شعور وحيد

جماعه ازاى بيبقى عندكو صحاب انا تقريبا عمرى ما كان ليا صحاب خالص حتى فى المدرسه اللى كنت فكراهم صحابة طلعو اصلا مش بيحبونى قولت خلاص اكيد لما ادخل الجامعه هعيش حياه جديده و هعرف ناس احسن من اللى هعرفتهم من المدرسه بس هما تقريبا كانو عارفين مصلحه علشان كنت بغششهم فى الامتحانات😅حتى اقاربى لما حبتهم ه

Cherry_20841 🇪🇬 اشتركي في جمعيات تطوعيه و حاولي تندمجي و متخافيش من حد

عرض الكل 7 نصيحة

Strawberry_13319 🇸🇦

منذ سنة واحدة

شعور Not great 😕

تعمل ايه لو عايز تتشات مع حد بس انت منبوذ و معندكش حد تتشات معاه ولا صحاب ولا زمايل حتى حل سريع قبل ما اروح اعمل صحبه الكترونيه غريبه من اطبيقات غريبه اكتر من الأشخاص الا فيه 🙂💔

Apple_11830 🇪🇬 ف الحالات اللي زي دي بقعد اعيط واكلم نفسي واخلق سيناريو اكثر من رائع

عرض الكل 9 نصيحة

Apple_16972 🇪🇬

منذ سنة واحدة

شعور Not great 😕

ليه ديما بحس اني مش هتحب وان مفيش هيحبني واني الوحيده مش مرتبطه معن كل صحابي حرفيا مرتبطين الا انا

Apple_17064 🇸🇦

منذ سنة واحدة

شعور Bad 😞

انا ليه كل الناس بتبعد عني وكل حاجة وحشة مش بتحصل غير معايا انا حتى اصحابي كلهم بعدوا عني وأهم صحبة ليا كمان المشكله اني كنت مخنوقة بقالي فترة فقفلت التليفون فهي قعدت ترن عليا وانا قلت لاختي تقولها اني قافلة المهم اختي جرحتني وقالت لي انتي مينفعش تتصاحبي اصلا المهم يعني جيت اكلم صحبتي دي تاني تقولي

Strawberry_15550 🇪🇬

منذ سنة واحدة

شعور Bad 😞

جماعه انا بحب شخص و هو ميعرفش فضلت اُحِبُه فتره كبيره و صحبتى قريبته كانت بتجبلى اخباره و فى يوم عرفت انه بيحب بنت تانيه و هى بتحبه و كانو بيتكلموا و بطلو كلام و هو مستنيه عشان يخطبها انا يوم ما عرفت قلبة وجعنى اوى و الكلام دا من فتره الايام دى الموضوع دايما فى دماغى و بزعل على نفسي اوى و دايما احس

Strawberry_15563 🇪🇬 علشان كدا ربنا سبحانه وتعالى نهانى عن الحاجات دى لان عارف انها بتوجع القلوب ف احمدى ربنا وقومى صلى ركعتين وادعى بكل اللى ف قلبك وان الخير ليكي يحصل وان ربنا يشيله من قلبك واهتمى بنفسك وصحتك انزلى جيم متسيبيش وقت فراغ ف حياتك

عرض الكل 3 نصيحة

Apple_12501

منذ سنة واحدة

شعور Bad 😞

مش كل الي مسافر مفتقد جو افطار رمضان سعات بكون الببت كله موجود وانت تفطر لوحدك...... مشكلتي اني تربيت علي قواعد صعبه ومتير وبحمد ربنا اني اتعلمت كل ده وانا صغير بس المشكله اني شايف اخواني الصغيرين مش بيتعلمو الي انا اتعلمتو ولا بيضربو علي الغلط ولا حتي حد بيمنعهم بالعكس لما اجي اعلمهم الصح وهما يرف

Strawberry_10646 🇪🇬

منذ سنة واحدة

شعور Not great 😕

عايزة اقول حاجه مزعلاني جداً ويمكن امسح البوست ده كمان شويه.. بس انا حزينه ان عمري ما كنت الاختيار لشخص او انا الطرف الي ممكن حد يختاره.. اتعرفت ع ناس كتير جدا في حياتي بس محدش فيهم اختارني دايما في طرف تاني هو الي يستاهل الحب والدعم والمحاولات والاهتمام وانه حد ممكن يحاول عشانه.. بقيت ببص لنفسي وب

التجربة أفضل عبر التطبيق

حمّل تطبيق توهيل على هاتفك لتجربة أسرع