ليه محدش بيحبني مع انى بذلت كل جهدى؟

Question

لي الواحد محققش اللى نفسه فيه مع انه سعى كتير عشان يحقق ده لي واحد لما حد مطلعش بيحبه ليه الواحد مطلعش لقى الاهتمام اللى نفسه فيه وبقى مش عارف يطلبه ازاى وبقى يكبر وشايف انه مش من حقه حد يهتم بيه ولا من حقه انه يحبه لان كل اللى حواليه محبهوش مع انه بذل اكبر مجهود عشان اللى حواليه يحبه ويقدره ده حتى حلمه اللى كان بيتمناه معرفش يوصله وهو سعى بكل جهده

Pistachio_56316 🇪🇬 · Answer

هون عليك الدنيا ابتلاء دايما هتلاقي وتلاقي يا صاحبي لو ممكن تحكي لي بشكل افضل ايه الحاجه اللي عملت فيك كده

Coffee_68775 🇪🇬 · Answer

ببساطة علشان مش خير ليك و صدقني عن تجربه شخصيه انك لما بترضى باللي ربنا قسمهولك ربنا بيرزقك باللي بتحلم بيه و اكتر كمان والله و متبذلش مجهود علشان حد يحبك انت حب نفسك و ابذل مجهود علشان ربنا بس حب نفسك انت و قدرها علشان كل لما بتحب نفسك الكل بيحبك

Strawberry_69059 🇪🇬 · Answer

الدنيا ابتلائتها كتير فبتلاقى نفسك مكسبتش في ولا حاجه من اللي كنت بتحارب عشانها ولحد دلوقتي بتتذل انك موصلتش وانك فاشل

Coffee_68662 🇪🇬 · Answer

عارفه اي المشكله في كل كلامك ده 
كلمه انك بتبذلي مجهود عشان ناس تحبك 
وده اكبر حاجه غلط احنا بنعملها 
انك تبذلي مجهود عشان حد يحبك ده كده حب مشروط يعني لازم عشان تتحبي تعملي حاجه غير بقي الحب الطبيعي

Blueberry_46540 🇪🇬 · Answer

عسى أن تكرهوا شيئا و هو خير لكم

Strawberry_69059 🇪🇬 · Answer

يمكن عشان ملقتش الحب الغير مشروط

Coffee_68662 🇪🇬 · Answer

والحب المشروط اوحش حاجه ممكن تحصلك

Coffee_68662 🇪🇬 · Answer

اسوء احساس لما تبصي في مرايه وتشوفي نسخه منك بتعمل حاجات انتي مش راضيه عليها بس عشان تتحبي 
ناس هتحبك طول ما انتي بتعملي اللي بيحبو بس انتي مع الوقت هتكرهي نفسك و بهدعا هما هيكرهوكي

Coffee_68662 🇪🇬 · Answer

اكبر درس خدتو في حياتي كان من كل اهلي يعني كنت فاكر اني اكتر شاب محبوب في العيله لان كلهم طول الوقت عايزيني معاهم بس بعد ما تعبت و مبقتيش الواد الفرفوش اللي بيضحك الكل و محتاج اللي يخدمني واحده واحده كل واحد سحب نفسه علي حسب الوقت أو المصلحه

Strawberry_69059 🇪🇬 · Answer

بس انا عايزهم يحبونى عشانى انا مش عشان بجيب درجات كويسه ولا بعملهم اللى هما عايزينه

Strawberry_69059 🇪🇬 · Answer

لى الاهل شايفين ان احنا لازم نقدم حاجه عشان يبحبونا

Coffee_68662 🇪🇬 · Answer

يبقي لازم انتي تحبي نفسك وتحافظي عليها وافهمي ان في كذا حاجه احنا ملناش أننا نتحكم فيها واولهم حب حد لينا 
عشان ترتاحي لازم تبقي مقتنعه انك مينفعش تستني من شخص حاجه لان في الغالب مش هتكون زي توقعاتك و ده مش عيب فيه ولا فيكي بس هو فرق في فهم الحاجه

Coffee_68662 🇪🇬 · Answer

بصي أنا بعد الموضوع ده بصراحه بقيت بعامل امي بس عشان خاطر ربنا وهي بس اللي بعملها حساب 
غير كده كلو تحت رجلي  والله اهل و اصحاب 
و عيشت منعزل ٤ سنين 
بس عارفه برضو تعبت اوي و بعد فتره مبقتيش قادر اعيش لزحدي

Coffee_68662 🇪🇬 · Answer

وخليكي واثقه انك متقدريش تسيطري علي تصرفات الناس و لا اسلوبهم

Strawberry_69059 🇪🇬 · Answer

تفتكر الحل أن احنا نتحرم من حنانهم وهما موجودين ولما نكبر هنعرف ندى عيلنا الحب والحنيه اللى احنا مشوفنهمش

Coffee_68662 🇪🇬 · Answer

الحب والحنين فطره و غريزه أنا عن نفسي امي طول حياتي حضنتها مرتين بس و انا اللي كنت بطلب و كانت بتبقي متكدره و انا بقي عكسها خالص يمكن عشان محستش بحنيتها فا عندي افراط فيها

Cherry_69065 🇪🇬 · Answer

عارفة إن الموضوع مؤلم اوي ، بس في النهاية بنرجع نقول إن اختيارات ربنا افضل من اختياراتنا ، و إن اكيد في المستقبل ربنا مخبيلنا حاجة احسن ... اكيد تعبنا مضاعش ... اكيد هو موجود لكن هيظهر في حتة تانية 
بس في حاجة عايزة اقولها ... اجتهد و اتعب عشان نفسك ... من عشان حب الناس ، الي هيحبك هيحبك عشانك انتَ مش عشان الحاجات الي انتَ قدمتها 
انتَ شخص جميل و تستاهل تتحب ... لكن في البداية لازم تحب نفسك الاول

Coffee_68662 🇪🇬 · Answer

أنا يا بنتي الدنيا ربتني تربيه بنت  جذمه
أنا بحاول اكون متماسك لابعد درجه 
بس عاؤفه أنا بكتب الكلام ده وعيني بتدمع و بعيط من القهر و اني مش عارف اتخطي لحد دلوقتي

Coffee_68662 🇪🇬 · Answer

أنا مش عارف انتي الكلام ده ليا أنا ولا لاء بس هرد كده كده لان كلامك صح جدا و نفس تفكيري بس هو هنا بقي بتكون حاله الرضي بقضاء الله هو الحل 
أنا مقدرتيش أقف علي رجلي تاني وارجع امشي بعد ٣ سنين كرسي متحرك وسنه عكاز زفشل كلوي حاد وضعف عضله القلب وكل ده مفيش ليه سبب واضح و خلاص كل دكاتره قالو هتكمل  كده حياتك 
وقتها لما بقيت راضي بس راضي بجد علاج ظهر في كندا و كان سبب تنفيذ حكمه ربنا وارجع تقف تاني