إنكار

Strawberry_65019 🇪🇬

منذ يومين

شعور متعب

الشك اللي بيجيلك دايما ان غيرك مش بيحبك زي ما أنتا بتحبه ، بيكون صح ، مافيش حاجه بتلمس قلبك بتكون صدفه ، كلها اشارات صحيحة حتى لو الطرف الثاني بينكر ده ، امشي ورا احساسك لانو مش هيكدب عليك ابدا احساسك دايما صح..

Coconut_33055 🇪🇬 بس هو يا ترى الإحساس دايمًا بيكون صح؟ ولا ساعات بيكون ناتج عن خوف أو تجربة قديمة؟ يعني ممكن تحس إنك مش محبوب بنفس القدر، بس في الحقيقة الطرف التاني بيحبك بطريقته، مش بطريقتك ! 🤷🏻‍♀️

عرض الكل 7 نصيحة

French Fries_55129 🇪🇬

منذ شهر واحد

شعور آسف

موضوع:

اتعرضتي للتحرش قبل كدا؟ وعملتي ايه وقتها؟

اتعرضت وانا صغيره للتحرش المشكله فضلت سنين انكر ده لنفسي لحد وقت قريب خالص اعترفت اتعرضت من ابن خالي و ابن عمي و ولد من بلدنا المشكله انا مكنتش اعرف ان ده تحرش بس كنت مضايقه لما كبرت فهمت هما كمان مكنوش كبار انا مش بكرهم و ده مضايقني من نفسي

Mango_40661 🇹🇳 فضلت سنين انكر لنفسي لحد ما اعترفت مؤخرا . نفس اللي حصل معي. هل هي آلية دفاع من الدماغ ام ماذا بالضبط . انا جربت فضحت ناس بس ما استفدت حاجة اول شي لما تفضحي رح تلاقي ناس. من العيلة مش مصدقتك وهذا نفسه سببلي صدمة ثانية. . ووالديك يمكن يقرروا يقطعو الأشخاص. ولما استفتينا رجال دين قالو ان القطيعة اشنع من الفعل الشنيع عذا اللي سواه الشخص فإذا لن تستفيدي شي . ادعي الله كثيرا وبأذن الله تتجاوزي

عرض الكل 13 نصيحة

Strawberry_11964 🇪🇬

منذ 5 أشهر

شعور خجول

عرض خاص (" اي دكتور هيلغي محاضرته فى رمضان هدعي له فى التراويح عشان والله بجد أنا عايشة في حالة إنكار (مش معترفة بالترم التانى )ف مش عارفه هعمل أيه ف رمضان وبما إن الاهتمام أحسن من الحب، فـ لو خيروني بين الاهتمام والحب هختار ان ميبقاش في جامعه في رمضان والترم التاني يموت خالص (" 🫠🦆

Mushroom_28333 🇪🇬

منذ 8 أشهر

شعور لا مبالٍ

موضوع:

الحب من طرف واحد

اتخطيت لما خدت قلم (مجازاً) فوقني و استوعبت انها كانت عارفة بمشاعري و بتستغل اهتمامي بس مش اكتر قعدت فترة بنكر و فترة شايف الدنيا سودة لحد ما استوعبت انها مكانتش تستحق المشاعر دي لانها مقدرتهاش حتى

Pear_27617 🇪🇬

منذ 8 أشهر

شعور مكتئب

موضوع:

ازاي اتخطيتوا موت/ فراق حد عزيز عليكو

Watermelon_28759 🇪🇬 المشكلة انا عندي نفس المشكلة بس انا لسة في البداية .. انا بابا اتوفى من حوالي 3 شهور ولحد دلوقتي انا مش مستوعبة ازاي 3 شهور دول عدوا ولحد دلوقتي مش مستوعبة .. حتى لو بعيط بيكون على خفيف وبالنسبالي هو فعلا جاي واي حد بيتكلم عنه واعيط بقول في دماغي هو لي بيعيط بابا مسافر وشوية ويرجع.. ولحد دلوقتي مستوعبتش ومش قادرة استوعب لان الأمر جه فجأة

عرض الكل 8 نصيحة

عبّر عن شعورك بشكل مجهول

لما بابا اتوفى معيطتش ٥ دقايق ع بعض ومحستش بالتأثر خالص معرفش ليه 
ف ٣ يوم عزا جالتي فكرة غريبة وهي ان بابا مماتش ولسه عايش وهيرجع ، ساعتها بقيت ببص لكل اللي حوليا بشفقة عشان هما فاكرينه ميت وهو عايش وهيرجع ، وابتديت اتخيل اللحظة اللي هيرجع فيها ، واني هحضنه وهبوسه وهفضل اهزر معاه واقوله اني كنت عارفة انه هيرجع وانه مماتش وفضلت عايش ع امل ان ده يتحقق
بس بعديها ب ٨ شهور وبعد ما عرفت ان خلاص مفيش امل ان اللي بحلم بيه يتحقك ابتديت انهار واعيط ع سريري لوحدي من غير صوت عشان محدش من اخواتي يسمع ، ابتديت احس بان اللي حصل ده مش عدل وان في حاجات كتير لسه معشتهاش مع بابا عايزة اعيشها معاه واني قد ايه كنت بعيده عنه وكنت عايزة اصلح ده وحسيت بالقرف من نفسي عشان خوفت ابوسه بعد ما اتغسل او بسته وانا خايفة من غير سبب ، وكمان عشان متوقعتش انه يموت اصلا ومعرفتش اودعه بطريقة مناسبة . 
حسيت انه كان انسان كويس بس انا الي كنت بعيدة عنه وعمري ما حاولت افهمه وانا كاناب كويس بالنسبالي مش مثالي بس كان كويس 
معرفتش اتخطى موته لحد دلوقتي ولسه بتمنى انه يكون حلم بس بقيت مدركة معنى الموت خلاص 
بابا كان اول حد يموت قدامي ف مجربتش احساس فقد حد ميت غير معاه وبقيت خلاص عرفاه ف متمناش اني اعيشه تاني ويارب يبعد عني الاحساس ده

Cherry_27637 🇪🇬

منذ 8 أشهر

شعور محبط

انا جدتي توفت من كام يوم..مش قادرة اصدق ولا استوعب انها فعلا مبقتش موجودة....الدنيا غريبة اوووي من بعدها....سيناريوهات كتير في دماغي طول الوقت بفكر فيها عندي احاسيس كتير متلغبطه الندم على كل يوم انا مكلمتهاش فيه علشان اتطمن عليها الحزن على رحيلها وأنها سالتني وهي اللي مربياني الانكار بأنها مبقتش

Cookies_25519 🇪🇬 جدتى هتكمل سنه كمان تلت ايام ولحد دلوقتى بفتكر وشها كأنى لسه شايفاه امبارح ومش مستوعبة انها اتوفت بجد احنا كنا معاها وهى كانت كويسة وكله تمام فجأه توفت وبجد الموضوع صعب اوى اوى يارب كلنا نقدر نتخطاه وربنا يغفرلهم ويرحمهم

عرض الكل 6 نصيحة