إرهاق

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_68133 🇪🇬

منذ 4 ساعات

شعور متعب

بقالي فترة بصحى قبل المنبه، مش لأن نومي مريح، بالعكس، بغمّض عيني بس دماغي مش بتسكت، فكأن اليوم بيبدأ من قبل ما يطلع النور. شاب في أواخر العشرينات، متخرج بقاله شوية، شغال شغلانتين، وبسمع كل يوم نفس النصايح اللي متجربتش: “خلي عندك طموح” “كلنا تعبنا وعدّينا” بس الحقيقة؟ كل مرة بفكر أكمل، بحس الواقع ب

Coffee_65980 🇪🇬

منذ 15 ساعة

شعور محبط

عارفين لما تبقى شخص من أكتر الأشخاص المريحة فى الكلام لدرجة ان اغلب الناس اللى تعرفهم بيحبوا يقعدوا يتكلموا معاك ويفضفضوا وممكن كمان يقعدوا يحكوا اسرارهم وانت مبتملش من ده وبتساعد الناس بكل جوارحك وتلاقى نفسك بتقع فى بير عميييييييق من المشاكل ومش عارف تطلع منه ومش لاقى حد تتكلم معاه ده تفسيره ايه

Coffee_67272 🇪🇬 عارفه دا انا حافظاه صم .. مش لاقية تفسير غير ان احنا من جوانا عارفين أن الناس مش هتقدملك زي ما انت بتقدملهم وعارفين الشخص دا لو حكتله مش هيسمعني و هيمل ولا هيفهمني ف بنختصر الطريق ع نفسنا ونقول ""مش لاقي حد اتكلم معاه" مع انها بتبقى "مش لاقي حد (مناسب) اتكلم معاه"

عرض الكل 8 نصيحة

Avocado_53137 🇪🇬

منذ يوم واحد

شعور محبط

دوامة الدنيا دي وحشه اوي انا الحمدلله مؤمن بكل حاجه حواليا وان كل حاجه بتحصل قدر ونصيب ومبعترضش بس انا تعبت نفسيا وجسديا وصحيا حسيت اني مبقتش قادر اقاوم الحياه بمتاعبها حاسس اني بقيت مهزوم مش عارف ليه مع اني دايما بشجع غيري علي اي حاجه جديده ف حياته وبشجع اي حد محبط او مكسور بس للاسف مبقتش قادر اقوي

French Fries_65835 🇪🇬

منذ يومين

شعور متعب

انا عندي مجموعه من مشاكل مش عارف اعمل ايه فيه زي تشتت ومش عارف ابدا بايه وتايه مرهق جدا ومش قادر أخرج بره بيت ومش عايز اشوف حد خالص وزهقان وقرقان من نفسي بسبب بعمله عادة سرية و فيديوهات ودخلت فترة علي جروبات تعارف لقيت بنات نعمل مع بعض وقرقت من اللي انا فيه وبضيع وقت كتير اوي بفكر كتير وباجل كل حا

Chocolate_40055 🇪🇬

منذ يومين

شعور ضائع

عبّر عن شعورك بشكل مجهول

انا بايظه في كل حاجه ، و جسمي مكسر و هلكان و بطلت حركه و بقيت قاعده في البيت طول اليوم نايمه لدرجة اني لما بقيت اقوم بقيت ادوخ كتير اوي حتي لو صليت لما بسجد و اجي اقوم من السجود بلاقيني دخت و الدنيا اسودت كام ثانيه و مبعملش اي حاجه مفيده في يومي حتي الكورس اللي المفروض باخده مشتركه فيه و مبحضرش و يعتبر خلص و انا لسه في الاول مش بحضر انا حتي صحابي مفيش حد اخرج معاه كلهم راحوا او كانوا زمايل بس لدرجة انه في رحلة قريب و معايا فرصه اطلعها ببلاش بس بفكر لو طلعت هطلع مع مين مش عارفه هفضل قاعده لوحدي كده؟ حتي ربنا بعدت عنه انا كنت اي مصيبه و اي حاجه بلجأ لربنا اول حاجه انا بقيت بلجأ لكل حاجه إلا ربنا عشان كده مشاكلي مش بتتحل و الدعاء بقي صعب عليا مع اني قبل كده كنت بدعي ليل نهار في كل وقت و الدعاء بأي حاجه مكنش بيفارق لساني حتي لو مش بصلي انا بقالي شهور مفتحتش المصحف و نسيت كل اللي حفظته نسيته تماما انا حتي الاهتمام بنفسي بقيت بكسل اقوم ملاية سريري متغيرتش داخله في الشهر و لا حتي بنفضها و حاسه كل يوم اني عايزه اغيرها مش بقدر انا حتي الحمي بستحمي بالعافيه مع ان الجو حر نار انا حاسه اني ضايعه تماما اني مش انا ان حياتي باظت انا كل يوم بقول هبدأ النهارده و بردو مش بقدر انا كنت بروح الجيم و كنت كويسه فيه مبقتش اروح و حتي المفروض اروح اكشف عشان عيني وجعاني و بطني حاسه اني عندي قولون عصبي انا نفسي ابطل تكاسل نفسي اكسر الحلقه دي و اقوم بس مش قادره و مش عارفه و مش عايزه ترجع الدراسه و انا لسه كده عشان ساعتها اخاف اسقط لأني مش قادره و هفضل اماطل و مش هذاكر كده خالص و هكروت نفسي انا حتي مش عارفه انا عايزه اخش كلية ايه و لا عايزه ابقي ايه انا تعبت و اتدمرت جسديا و نفسيا بدون سبب واضح قدامي حتي عشان اعالجه ، انا حتي مش قادره اقوم اصلح اللي باظ جسمي مرهق بطريقه مش طبيعيه المشي حتي تقيل و صعب لدرجة اني بدوخ لما اقوم انا ضايعه و طول عمري اتعودت ااجل اللي ورايا لأخر الوقت او معملهوش طول ما مفيش حد فوق دماغي و دي ازمة حياتي تقريبا انا نفسي اقدر اعمل اللي ورايا عدل بدون تأجيل او تكاسل ، حتي اجبار نفسي علي الحاجه صعب التركيز بتاعي وقتها بيبقي مش موجود و ببقي قاعده مستنيه اخلص بقي و ابص في الوقت كل شوية او لو صلاه فمببقاش قادره اركز بتوه و ممكن اعلق حتي او انسي انا قلت ايه ، يعني حتي الحل اني اجبر نفسي مش نافع انا بجد محتاجه مساعده معرفش ايه مضمونها بس اللي اعرفه اني محتاجاها ، كل يوم بقول هقوم بس مبقدرش و مبقومش و بحبط اكتر انا بقيت كل يوم عقلي يفكرني بالمواقف اللي ندمت عليها ، بسكت مش برد علي عقلي عشان مش عايزه اتخانق مع نفسي و بحاول اهدي اعصابي بأني دلوقتي الوقت عدي و اكيد مش هعمل كده تاني لو حصل موقف مشابه و خلاص ، بس بقيت احس اني مستفزه و رخمه و انه محدش عايز قربي اصلا و اني فعلا وحشه عشان كده حتي معنديش صحاب بعد ما كنت بخرج كل يوم من كتر صحابي مبقتش اخرج خالص حتي العياط مش قادره اعيطه و لو جيت اعيط مش هعرف

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_63907 🇪🇬

منذ يومين

شعور وحيد

مُشكلتي إني دارس علم نفس، وكل ما حد يفتح موضوع أو يبين عليه التعب، دماغي بتشتغل تلقائي… بفكر أزاي أساعده، أزاي أفهمه، أزاي أخفف عنه ولو بكلمة. حتى لو الموضوع هاياخد من طاقتي، حتى لو أنا مش في أحسن حالاتي… عندي هوس بفكرة "مساعدة الناس" وخصوصًا في وجعهم اللي مش باين. غريبة؟ يمكن. بس دي طريقتي في الحيا

Strawberry_66803 🇪🇬 انا زيك وللاسف بعرف القط اللي قدامي بيعاني ازاي وببقي عاوزه اساعده جدا وللاسف انا عارفه اسبابي اي

عرض الكل 14 نصيحة

Apple_65594 🇪🇬

منذ 6 أيام

شعور متعب

انا الا مريت. باسوء ظروف الا عاش حياه حاولت وجاهدت اطلع سويه اني انجح في حياتي مش تاثر عليه عملت مستحيل عشان اكون قويه بس فعلا تعبت انا في وقت ده في اضعف حالاتي لا عارفه اكمل شغلي ولا عارفه ابقب كويسه كل الا محتاجه اعزا نفسي عن ناس كلها فعلا قفلت فوني

Popcorn_50198 🇪🇬

منذ 6 أيام

شعور مرتبك

الوعي الزايد حاجة بشعة جدا وعي زايد + تفكير زايد + مشاكل حلولها شبه معدومه احسن ثلاثي يدمرو الانسان نفسا وبالتالي صحيا،،،، وبعدها يبدا يجي تراست ايشوس (من الحياة عامة) لانك في كل محاولة لتصليح اي حاجة... النتيجه بتكون مشاكل اكتر ف تبدا تشك في نفسك ولما وعيك الزايد يعمل عمايلو تبدا تشك في الدنيا...

Hazelnut_64540 🇪🇬

منذ أسبوع واحد

شعور متعب

عبّر عن شعورك بشكل مجهول

محدش فاهم انك بتمر بمرحله صعبه في حياتك وممكن تتوقف عندها للابد وتصبح شخص باهت محدش فاهم انك تعبان نفسيا وجسديا وبيصعب عليك تتكلم وحتي ملامحك بقي واضح للكل عليها الزعل مهما حاولت تداري 
 وجواك حاجات نفسك حد ياخدها من جواك يرميها من كتر مامشيلاك هم وحزن ....بتخاف لتصعب علي حد !
كفاية احساس ان نفسك بتصعب عليك 
بس بجد أنا الفترة دى أصعب فترة جت عليا فى حياتى اتحملت كتير اوى فوق طاقتى و ‏نفسيتي تحت الصفر  كل حاجه مش مظبوطه معايا حقيقي هلكت و تعبت و جبت اخري الفترة دي 
و انا مستنفذ الفترة دي بطريقة متتوصفش في كل حاجة في حياتي ومش عارف أتخطي دا 
الأيام  تقيلة علي قلبي بشكل لا يطاق ودي من أصعب الفترات اللي بتعدي عليا أعصابي بايظة ومعنديش طاقة لتحمل أي حاجة كلامي مع الكل يكاد يكون منعدم .
 اللي مخلي الواحد صابر ان ربنا حاسس ب اللي هو فيه و ان احنا في دنيا و أجلا ام عاجلا كل دة هينتهي بس حقيقي الواحد تعبان اوي نفسيا وجسديا لأقصى درجة أتمني من كل قلبي إن ربنا يهون الفترة دي ويعديها على خير لأنها من أصعب الفترات نفسيا في حياتي مكنتش اتمني ان يبقي فيا كل الوجع و الهم و الحزن دا وربنا قادر وحده يغير الحال .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.