أزمات نفسية

Hazelnut_64772 🇪🇬

منذ يوم واحد

شعور متوتر

Guava_66726 🇪🇬 كل اللي عليك انك تعاملهم بما يرضي الله لان بر الواليدين واجب كنصحيه مني عارفه انك مش قادر تنسي اللي عمله بس عامل بما يرضي الله واهتم بصلاتك ومستقبلك وبلاش تكرر نفس الغلط في اولادك في المستقبل ربنا يوققك والف مبروك

عرض الكل 8 نصيحة

عبّر عن شعورك بشكل مجهول

السلام عليكم ، البوست طويل سيكا اتنين اسف 
لو فاضي ممكن تنصحني يا ريت ؟
من أول ما دخلت 3 ث لقيت الوالد والوالدة بيتدخلوا ف الدروس و كدا و غيبت بعد الدرس ليه و الخ الخ -هتقولي ما دا الطبيعي ، هقولك دا ممكن الطبيعي ف كل بيت ما عدا عندي لاني حرفيا طول سنين تعليمي اللي قبلها ما كانوش يعرفوا عني اي حاجة لا باخد دروس فين ولا درجاتي ايه الخ غير درجات اخر السنة -المهم اني مكنتش متعود على كدا خاصة انهم م كانش عندهم الحتة بتاعة التشجيع و كدا لا ، اللي هوا انت عارف لو مجيبتش مجموع والله لاكرشك من البيت الوالد اللي كان بيقول كدا ، طبعا الكلام دا كان تاثيره عليا زي الزفت ، كان في ايام انا مكنتش بكون عارف اذاكر فيها حرفيا جايب اخري تعبان بقا حزين ايا يكن المهم اني مكنتش عارف اذاكر فعلا ، الوالدة كانت تدخل تقعد  تقول قوم ذاكر ممكن لمدة عشر دقايق حرفيا كنت بكون خلاص هخبط دماغي ف الحيطة و لما ما اقومش كانت تطلع من الاوضة وتقعد تدعي عليا و هيا طالعة ربنا يوريك زي كدا في عيالك و ربنا ياخدك و يقهرك دعواي غريبة حرفيا . المهم للاسف السنة دي عدت و انا كنت زي الزفت وللاسف اجلت ف الامتحانات حرفيا ، يعتبر ما دخلتش حاجة ، اجلت بتاع 15 مادة . المهم طبعا البيت اتقلب و سيبت البيت فترة قعدت عند عمي شوية ، للاسف لما رجعت والدي ضربني مرتين مع ان انا وعمي قعدنا معاه في حاجة زي قعدة صلح . هوا معملش حاجة فيها اصلا غير انه قعد يشتم . جت السنة التانية اللي هيا كانت السنادي كانت الظروف اوحش من السنة الاولى بمراحل الوالد مكانش بيكلمني كان بس يقعد يزعق من بعيد ولو مجبتش هعمل و اخلي و سمك مقلي و كدا ، الوالدة تمادت عن السنة اللي فاتت كتير و الله كانت بتوصلني لمرحلة ربنا العالم اني كان ممكن اعمل فيها او في نفسي حاجة ، الحالة معظم السنة كانت سيئة جدا جدا جدا ، حاولت انتحر كذا مرة بشريط بنادول روحت مرتين عند القطر ، بس ربنا الحمد لله كان عايزني اعيش . عدت الايام و جت الامتحانات طبعا ما كانش في قدامي خيار ان ااجل تاني و كدا ف مكانش قدامي غير اني اتوكل على الله و اذاكر ف اللي فاضل و خلاص بقا اللي ربنا يجيبه يعني هيوصلوني ل ايه اكتر من اللي كنت وصلتله 
الامتحانات عدت بفضل من ربنا قعدت امتحن بتاع 45 يوم الحمد لله عدوا على خير ، الامتحانات خلصت بردو الوالد لسه مبيكلمنيش  والوالدة ما زالت بتضايقني حتى بعد ما السنة خلصت 
الحمد لله النتيجة طلعت امبارح و الحمد لله مجموعي حلو 
ف بعد كل اللي عديت بيه لوحدي بل ان هما كانوا السبب فيه من الاساس ، يعني لو كانوا بس بعيد زي ما كانوا طول السنين اللي فاتت كان زمان الواحد في حتة تانية -هما كان عندهم ظروف بس انا مش بلومهم انا بس كان نفسي يفضلوا زي ما كانوا بعيد-المهم بعد كل اللي حصل عمي اصر عليا لما لقى النتيجة حلوة اني اسلم على والدي و احضنه و انسى اللي فات 
سلمت عليه و قولتله مبارك يحج 
بس انا مش عارف اسامحه ولا اسامح امي و مش عارف انسى اللي حصل ، يعني هوا ليه اصلا ، يعني هوا اصلا انا مش المفروض ابنهم ، طب لو مكنتش جبت مجموع كانوا هيعملوا ايه اكتر من كدا  
والله كانوا بيوصلوني لحالة يعني ربنا العالم 
ف انتم تنصحوني ب ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أختي الصغيرة كانت بتعمل كل حاجة غلط وهي صغيرة خصوصا في مراهقتها خدت السلم من أوله وعملت كل اللي ممكن تعمله بنت غلط أخلاقيا وسلوكيا وتجاوزات واصلة لحد مش عارفة أقول لحد إيه أكيد فاهمين ومعاهم شرب كل حاجة ممكن تتشرب وتتدخن. وماما دايما اللي كانت بتتصدى لها وبتزعق لها وبتمنعها من الخروج لغاية ما سابت البيت خالص وطفشت عشان تعيش بحريتها وفضلت كم سنة بره كده بس رجعت تاني البيت لما ماعرفتش تصرف على نفسها واللي حواليها سابوها وفقدت شغلها. رجعت عملت فيلم كده واعتذرت وسامحناها وعملنا ليها اوضة جديدة وفلوس كتير بنشجعها. طبعا الطبع غلاب وكان كله تمثيل ولما ضمنت مكانها رجعت أسوأ من الأول وبابا مات وماما كبرت مابقيتش قادرة عليها وبتمشي حالها وخلاص عشان الفضايح. المشكلة بقى إن أختي دي مش ساكتة ورايحة جاية في كل مكان تقول على ماما وبابا كلام مش صح إنهم بيعاملوها وحش وانها متعقدة من ماما عشان كانت قاسية عليها وانهم كانوا بيضربوها وانها عندها مرض القلب وماحدش رضي يعالجها عشان كدا طفشت منهم وكل دا مش حقيقي والله العظيم. ولما سألنا دكتور نقسي وحكينا مواقف كتير على مر السنين قالوا دي مريضة يالكذب المزمن ولازم تتعالج نفسيا. دلوقتي بابا مات وهي عايشة مع ماما لوحدها بتعاملها اسوأ معاملة وبتهينها وبتشتمها وتدعي عليها وكل يوم سهر وكل أسبوع سفر واتخطبت وخطيبها سابها لنفس الأسباب وترجع تقول ماما السبب أصلها ماحنتش عليها وماعرفتش تحتويني وتربيني كويس
 وبتكرهها جدا وحاولنا نساعدها نوديها لدكتور نفسي رفضت وشتمتنا وقالت هتطلعوني مجنونة كمان؟مش عارفين نعمل إيه هي مقتنعة إنها ضحية طب وكل اللي كنتي بتعمليه يا بنتي؟ ماكنتيش عايزة حد يقف لك؟ اه عادي كنتوا سيبوني انا كنت صغيرة، طب مانتي دلوقتي كبيرة وبتعملي نفس الحاجات؟ لا أنا دلوقتي كبرت وحرة في حياتي ..إحنا في ابتلاء عظيم وماما قربت تموت من القهرة..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_60726 🇪🇬

منذ 6 أيام

شعور متعب

لو حد عنده نصائح أو عدي علي موقف زي ده يقولي اعمل ايه توفي عليا شخص عزيز ولسه بقالي 10 سنين مش مستوعب ان ده حصل ايه نصايح ليه وازي اخرج الكبت واتقبل وفاه الشخص وازي اتعامل بعد كده لما اكتشف ده

Apple_55922 🇪🇬

منذ 4 أسابيع

شعور مذنب

إتبلدت مشاعري من كمية الصدمات العشتها مع أهلي لدرجة أن خالي لسة متوفي من يومين ومحستش بأي حاجه خالص ولا زعل ولا فرح ولا أي حاجة رغم أن والدتي طول اليومين عمالة تبكي بحرقة بس برضو محستش بحاجة. هل أنا كده محتاج أزور دكتور نفساني؟ هل الموضوع ممكن يتطور لو ملحقتش نفسي؟

Coffee_61744 🇪🇬

منذ 4 أسابيع

شعور محبط

انا عندي مشكلة اني معنديش ثقة في اي بنت بشوفهم عبارة عن شياطين في صورة انسانة وبخاف أقرب منهم واتعامل معاهم حتي مش عارف ارتبط او اتجوز مع العلم انا عندي ٢٨ سنة مش صغير ومش عارف احل المشكلة دي عندي

Cookies_59643 🇪🇬

منذ شهر واحد

شعور محبط

للآسف مؤخرا بمر بـ depression episode جديدة ،لكن المرة دي أصعب بكثير لاني لوحدي تماما حتى اصحابي المقربين اما اختفوا أو مشغولين ،وحقيقي قصاد كل المشاعر السيئة اللي عشتها، الوحدة التامة هي أسوءهم

Hazelnut_52786 🇪🇬 اللي بتمرّي بيه حقيقي صعب، والوحدة وسط الوجع بتوجع أكتر من أي حاجة تانية… بس صدقيني، دي مش نهاية الحكاية. أوقات كتير اللحظة اللي بنحس فيها إننا لوحدنا تمامًا، بتكون هي اللحظة اللي بنبتدي فيها نكتشف قوتنا الداخلية. مسكي في نفسك، حتى لو بإيد واحدة، وكل يوم عديتيه هو انتصار…

عرض الكل 4 نصيحة

Biscuit_57341 🇪🇬

منذ شهر واحد

شعور مرهق

مشكلتي كل ما اتعرض لضغط من اي نوع او زعل بيجيلي بانك اتاك بحس اني هنتهي او هموت احساس صعب جدا انا بحس اني هموت مرتين تلاته ف الاسبوع .. مش قادره اتعامل ولا اكمل مع الوضع كدا حد بيحصله كدا زي

Strawberry_57709 🇪🇬

منذ شهر واحد

شعور وحيد

Avocado_57179 🇪🇬 انك تحبى نفسك دا مش عيب ، ادى لنفسك كل طاقة الحب اللى انت محتاجاها اوعى تستنى طاقة الحب والاحتواء من حد ، احتوى نفسك وطبطبى على نفسك وشجعى نفسك وقولى كلام حلو لنفسك ، هقولك على حاجة هتضحكى عليها لو ايدك اخبطت ولا اتلسعت ولا اتوجعت طبطبى عليها وبوسيها وقوليلها حقك عليا ، زى ماجسمنا بيشهد علينا يوم القيامة لو استخدمناه غلط كمان هيشهد علينا بالعكس وايدك تقول لربنا دانا لما اتوجعت طبطبت عليا

عرض الكل 14 نصيحة

عبّر عن شعورك بشكل مجهول

انا عايز اعرف ازاي الانسان ينسى ويتخطى صدمات الطفوله والترومات اللي جيت له من اهله ازاي الانسان يتعافى من اهله انا حاسه بعدم الانتماء في المكان اللي انا عايشه في تخيلوا ان المكان المفروض يكون مصدر امان ليك يكون هو مصدر تعستك وحزنك وكابتك ومشاكل نفسيه ملهاش اول من اخر، انا تعبت يَجماعه بجد انا حرفياً ما شفتش ولا يوم حلو معاهم للاسف بقول كده لدرجه ان انا من كتر الواحده اللي انا فيها بكلم نفسي انا انكتب عليا الوحده من وانا صغيره ولحد الان، والمفروض انا البنت الوحيده اللي مفروض في دلع في احتواء في اهتمام ما فيش يَجماعه ما فيش، مش قادره انسى الايام اللي مريت فيها وانا بحاول اطبطب واداوي جروحي اليالي عدت عليا بعيط فيها بكتم صوت العياط عشان مش عاوزه حد يسمعني كتمت كل حاجه جوايا حسيت الوجع في قلبي ليه ده بيحصل معايه ليه أحس احساس ان انا موجود وسط اهلي جسدين لكن الروح المشاعر مش موجوده ليه بحس ان هما مش شبهي ولا نفس تفكيري ليه حاسه ان في بعد ومسحات بينا المفروض ان احنا نكون قريبين ليه يَجماعه انا بقيت استغفرب ان في اهل بالطبطب على ابنائها بتحتويها الحضن يَجماعه انا اتحرمت منه ما لقيتش حتى الطبطبه وصلت بيا الدرجه اللي انا لما بعيط بحضن نفسي  وبقعد اطبطب عليها مش لاقيه حد جنبي منهم، اهلي مع الاسف خليني انسانه معقده من كل حاجه مع اني والله ما بحب التعقيدات حكموا عليا أعيش معاهم و مع مواقف و مع ذكريات حقيقي بتوجعني انا بسببهم يَجماعه وصلت المرحله ان انا فكرت كتير في الانت **حار والله ما بكذب انا كنت لما بفكر كنت على وشك التنفيذ بس حاجه واحده بتوقفني ان انا بخاف من ربنا بخاف لو عملت كده ووقفت قدام ربنا وسالني انتِ ليه عملت كده أيأستي من رحمتي!!، فا بارجع على اللي انا بعمله ومرات كتير اتمنيت الموت ما تستغربوش ان الموضوع وصل للمرحله دي، قصتي مليانه تفاصيل بشعه ده جزء من قصتي... اتمني ان حد يرد علي سؤالي او ينصحني ويقول لي اعمل ايه؟؟.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_56989 🇪🇬

منذ شهر واحد

شعور لا مبالٍ

انا كان بيجلي كل فتره كدا اني بفضل حوالي كام ثانيه او دقيقه مثلا مش عارفه اخد نفسي انا بتنفس عادي لاكن مش بحس النفس بيوصل ل الرئه وسعات بتوصل أن عيني بدمع من كتر م خلاص النفس مش واصل كفايه عندي والفتره دي زادت عندي جدا بقت كل يوم وكذا مره ف اليوم ف لو حد عندو شبهي أو حد عندو خلفيه عن اي السبب الي بي

Cheese_28254 🇪🇬

منذ شهرين

شعور محبط

سؤال عارفه محدش هيجاوب عنه بس لعلي اي حد يديني خيط أو نقطه يمكن حل اي إجابه المهم انها تبقي غير معلش استحملي وقربي من ربنا وإستغفري عشان كل دا عملته أنا محتاجه إجابه سريعه بجد دلوقتي اعمل اي لو اللي حواليا مش قابلني بشتي الطرق مش قابلين وجودي وتعلقتهم تدل علي دا "حاولي كلك علي بعضك تتغيري" دا ا

عبّر عن شعورك بشكل مجهول

سؤال عارفه محدش هيجاوب عنه 
بس لعلي اي حد يديني خيط أو نقطه يمكن حل اي إجابه المهم انها تبقي غير معلش استحملي وقربي من ربنا وإستغفري عشان كل دا عملته أنا محتاجه إجابه سريعه بجد

دلوقتي اعمل اي لو اللي حواليا مش قابلني بشتي الطرق مش قابلين وجودي وتعلقتهم تدل علي دا 
"حاولي كلك علي بعضك تتغيري" 
دا اللي سمعته من امي من ربع ساعه بظبط 
"أنتِ محدش هيرضي بيكي" 
"انتِ هتعرينا"
"إنتِ هتفضحينا"
" إنتٍ همج" 
إنتِ وإنتِ وإنتِ 
ويعلم ربنا أنا مع اي حد تاني غير كدا والله فكان التبررهم الوحيد إنهم بيضحكوا عليا 
أنا جربت قبل كدا أعمل ذي ما قالوا أو بالأحرى ارجع زي زمان 
بس كانوا بردو بيجوا عليا ، أنا مش برتاح غير لما بسبهم وامشي 
صحيح بقيت متقبله إللي بيقولوا عشان جربت السبت العكس وهما طلعوا صح مش مكسوفه إني بقول كدا بس أنا حولت كتير أتحب ومعرفتش فبقيت متقبله إللي بيقولوا واللي قالوا 
كنت كويسه ذي مابيقولوا بس كنت بتهان ودا شئ كنت بستحمله زمان إنما دلوقتي مبقاش مقبول 
وكان من وجهة نظري أن لما يحترموني يكون مطلوب مني ساعتها الإحترام بغض النظر بقي مين اللي مش بيحترمني دا اكبر اصغر مقدس كان أو لأ
كل اللي اعرفه ان جه عليا وقت حتي مش فاكره زمنه وإكتفيت وهو أن أنا ليا حق اتعامل كويس وبإحترام وقررت ساعتها اعامل إللي بيهني بنفس معملته إللي من وجهة نظرهم دي مش معامله ولا اخلاق بنت قولتلهم اني محتاجه احترامهم بس محصلش ومعني أن أكتر من شخص بيقول نفس الشئ أنهم علي حق وأن أنا الغلط 
واكتشفت مؤخراً اني جبانه لإني لما فكرت فأسرع حل فعلاً 
معرفتش انفذه علي أرض الواقع وبقي مجرد فكره مجرؤش علي تنفذها

عشان كدا اسفه لو طولت عليكم لكن بالله انصحوني بأسرع حل يريحهم قبلي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_53764 🇪🇬

منذ شهرين

شعور غبي

اسوأ حاجه في حياتي بابا خلاني مبقاش فاهم يعني ايه سند يعني ايه انك تبقا واقف جنبي يعني ايه ظهر يعني ايه حمايه يعني ايه راجل من ظهر راجل يعني ايه حاجات كتير اوي أنا بابا سايب ماما من و أنا عندي ٤ سنوات و مش بيسأل فيا ولا بيصرف عليا خالص من و أنا صغير و أنا دلوقتي ٢٨ مع انه عنده أطفال من أم ثا

Hazelnut_52786 🇪🇬 اعترف بالوجع، وافهم إن غياب الأب مش عيب فيك، ده تقصير منه هو. إنت مش محتاج تثبت له أي حاجة. ابني سندك بنفسك، وكون الإبن اللي تمنيت تكون ليه أب… ووقت ما تبقى أب، عوض، وكن كل اللي إنت افتقدته صدقني: “اللي اتكسر جواك ، ممكن يبنيك أقوى… لو قررت متفضلش واقف عند الكسر.” 💔➡️�

عرض الكل 7 نصيحة

Orange_53278 🇪🇬

منذ شهرين

شعور محبط

حصلي حاجه مش عارفه اتعامل معاها خالص في العادي ماما بتمسك الفون كتير جدا وكنت بقول عادي بتلعب عليه او بتسلي وقتها بما انها مش بتشتغل لكن لقيت انها بتكلم عليه رجاله ،ودا شوفته بعيني اكونتات فيك و كلام غريب ،كول وشات وسمعتها مره مش عارفه اي اللي المفروض اعمله مش قادره ارجع اشوفها زي الاول تاني غص

Apple_53207 🇪🇬 شكلك بنت و من كلامك شكلك ف ثانوي او اولى جامعه الي اقدر اقولك تعملي انك تواجهيها براحه و تحاولي تنصيحها و انتي برضه متعرفيش هي بتعمل كدا لي ممكن ضغطوات الحيا كتير عليها و بتبقى بس محتاجه كلام حلو انصحيها انها تتوب و تبطل و استري عليها حتى لو مبطلتش تعمل دا اوعي تفضحيها

عرض الكل 5 نصيحة

Pumpkin_42261 🇪🇬

منذ 3 أشهر

شعور ضائع

أنا ما بقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدًا .. المواقف بتغير، الهموم بتغير، الوجع بيغير، فعشان كدا مُستحيل تلاقي شخص لسه زي ما هو بنفس روحه بتاعت زمان .. حرفيًا الحياة خدت مننا أجمل ما فينا وبقي

Coffee_37491 🇪🇬

منذ 4 أشهر

شعور وحيد

أنا عمري ما كان في حد معايا حتي اهلي كانوا بيفصلوا اخويا الصغير عني مش هقول أنا أحسن حاجه في الدنيا وكل ده لا أنا وحش وعارف كده وبغيره وبتعامل معاهم بالمعاناه اللي هما عايزنها كنت بقول اكيد خايفين عليا مثلا فبيتعملوا معايا كده دلوقتي أنا شايف عكس كده خالص هما بيشوفوا أنا عايز ايه ويحاولوا يعملوا خن

Popcorn_35494 🇴🇲 أنا حاسس بيك وفاهم اللي بتمر بيه، وإحساسك إنك لوحدك وسط أهلك وصحابك مش حاجة سهلة خالص، بس صدقني ده مش معناه إنك وحش زي ما بتقول، بالعكس، إنت بني آدم طبيعي بيتألم وبيتأثر باللي حواليه. اللي حصل مش ذنبك، وطبيعي جدًا إنك تتعب، تتغير، وتحس إنك غيران. أوقات كتير الأهل بيكونوا مش عارفين يتعاملوا صح، وبدل ما يطبطبوا عليك، بيزودوا الحمل عليك، مش من كره، بس من خوف أو جهل، بس ده مش مبرر، ده بس شرح.

عرض الكل 3 نصيحة

Coffee_42292 🇪🇬

منذ 7 أشهر

شعور لا مبالٍ

أصعب حاجة إنك تحس إنك متستاهلش كل اللي بيحصلك دا لا الفرحة، ولا الحزن، ولا حتى وجودك وسط الناس والمكان اللي انت فيه إحساس وحش لما تبقى شايف نفسك أقل من الكل، وكأنك عايش بالغلط ، بتلوم نفسك على كل حاجة، حتى الحاجات اللي مش بايدك، وبتسأل: ليه؟ ليه أنا؟ ولحد إمتى؟

Strawberry_49842 🇪🇬 🥲فعلا

عرض الكل 4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع