وجع القلب

Mango_55462 🇪🇬

منذ يوم واحد

شعور محبط

انا طلقت مراتي بعد سنتين و نص جواز و بعد 7 سنين حب ، بطلب منها , عارف ان ده القرار الصح ، و عارف ان ما كانش ينفع اكمل معاها بس حقيقي انا قلبي موجوع جدا , ما بعرفش انام من العياط لازم ابان قدامها و قدام الناس قوي و ان مش فارق معايا , حفاظا على آخر ما تبقى من كرامتي , بس في حقيقة الأمر انا بموت من غ

Banana_55395 🇪🇬 عمر التخطي ما كان سهل بس لازم تتخطى لازم تغير نظرتك للامور وتشوف نفسك ومستقبلك اكيد هتحن واكيد هتفتقد حاجات كانت بينكوا بس برده افتكر اذاها ليك وافتكر وجعها فيك افتكر تخليها عنك بكل بساطة ودور على حاجات تملى وقتك وتجدد شغفك وسيب وجعك للايام تداويه واتخلص من اي حاجة بتجمعكوا سوا واعمل ذكرايات جديدة في المواعيد والاماكن اللي جمعتكوا

عرض الكل 5 نصيحة

Apple_55031 🇪🇬

منذ 5 أيام

شعور قلق

ما بعرف إذا في حد تاني بيحس كده بس في لحظات بتحس ان كل حاجة حواليك تمام ومع كده فيك شي ناقص مش ناقص حاجة معينة بس في فراغ صغير بداخلك مش عارف تسميه ضحكتك موجودة وطاقة الحياة لسه فيك بس في حتّة ساكتة جواك كأنها مطفية يمكن الدوشة اللي جواك ما بتنسمع بس اللي حاسسها بيتعب كتير وبكمل ساكت برضو. يعني ان

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_54057 🇪🇬

منذ 6 أيام

شعور محبط

Cookies_54909 🇸🇦 تسمح لأحد أن يظلمك أو يقلل من قيمتك، كن قوياً وثق بنفسك، وابتعد عن من لا يحترمك. صدقني، الحياة أفضل مع من يقدرك ويحبك بصدق، واحفظ قلبك من الألم والتعب

عرض الكل 2 نصيحة

عبّر عن شعورك بشكل مجهول

انا سعات كتير بحس بضيقه ولوله متاكده ان هنا محدش عارفني مكنتش قدرت احكي انا حكايتي حكايه شويه ناس ظلموا بعض وانا جيت اخد كل ظلم بااختصار انا شخص معرض للظلم بشكل اقسم بالله العظيم محد هيصدقني عارفين العاجز والي رايح جاي يقطع بلحمه ومفيش قدره اصلا يدافع مفيش غير دعا وبس انا بنت الي رايح وجاي يعلم عليا ويمشي من غير مااعرف اخد حقي مش ضغف انا مهما عليت صوتي وحاولت اخد حقي لا ٢ستات ممكن يجبوني الارض عادي وماليش حد بجي يلحقني مثلا يعني كنت  بجيم وبفلوسي واحده قريبه صاحب جيم عايزه تمشيني مشوني عادي بفلوسي ومشيت مثال تاني واحده صحبتي وقفت جنبها عادي خالص فجاه تقلب عليا وتجبلي راجل هي ماشيه معاه يهددني لان كنت مسلفها مبلغ ومش عايزه ترده وقفتلي ووقفت ناس ليا وسرقوني عادي ده حتي ياجدع العربيه المهكعه بتاعتي لما اروح امونها القي واحده ست بعربيه غاليه عايزه تدخل ادمي وانا اصلا قبلها عندت وعادي خليها عليكي وهي تبصلي من فوق لتحت نظره انتي صعلوقه انا قبلك جايز ناس اتعرضت لحاجات زي دي بس انا باكدلك انا حياتي كلها عباره عن ظلم من بدايه ما جيت لدنيا مفيش حاجه بتعمر لي اب هربان من مسىوليتي ام نفسيتها تعبانه من الحياه ومش قادره تتصالح مع فكره اني جايه من راجل ظلمها مفيش علاقه حب ليه بتكمل بالعكس انا بكلم ناس بكل احترام تلاقي كتير الي يجرح فيا وانا معملتش حاجه انا بفضفض ليكم لان تعبت فعليا اي حد ممكن يعدي عليا يظلمني ويجرح فيا عادي ويمشي والله ببكي في صلاه من وجع قلبي وحرقه دمي من افعال ناس فيه الي اعرفه ومعرفهوش ده حتي مندوب المبيعات الي بيجبلي طلبات بردو يطول لسانه عليا فاكر ان كتبت العنوان غلط قولتله لا تعال اوريك وفعليا ماليش ذنب انا كاتبه العنوان صح طيب انا ذنبي اي جي بي اس لغبطك هو انا الخريطه والله لوله اني في كتير بنساه بس فعليا انا الي يسوا وميسواش يقدر  يعلم عليا اقولكم كبيره انا ببيت لو مت محدش هيحس الا لما ريحتي تطلع محدش عارف انا بواجه صعوبات ابني نفسي وله مستقبلي وله اصلح نفسيتي وصحتي وله شغلي وله نومي وله بيت بمسئولياته انا ملتزمه بصلاه وصيام وفعليا ماذتش حد اقسم بالله نفسي احس اني انا الي باذي انا تعبت من وجع مظلوم مرار بالحلق وغصه بالقلب والله انا ناسيا حاجات كتير انا لو حكيت هزهق الي بيقراء انا نفسي بس احس اني انا ظالمه مره مره واحده انا بقيت زي البهيمه كل واحد يجي يقطع فيها ويمشي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_54258 🇪🇬

منذ أسبوع واحد

شعور محبط

موضوع:

عمرك حسيت انك بديل او مش كفاية؟

كتتتتيييير مع اني كنت بعمل المستحيل علشان ارضي الشخص الي قدامي وفي الاخر اكتشف اني غلط وانو الشخص ده شايفني غير ما انا شايفو وبيكون احساس زباله لما عقلك بصورك انك ملكاش لازم في حيات الشخص ده ووجدك زي عدم وجودك

Hazelnut_52786 🇪🇬 💢💢💢💢💢الشخص اللي محتاج تبذلي عشانه “المستحيل” علشان يفضل معاكي، غالبًا مش هو الشخص الصح من الأساس✅✅. قيمة الإنسان مش بتتقاس بمدى احتياج حد ليه، إنما بتتقاس بمدى احترامه لنفسه وكرامته👍👍. افهمي إن اللي ميشوفش قيمتك مش بيقلل منك، ده بس بيكشفلك إنك كنتي بتدي قلبك لحد مش مستعد يستقبله 💢‼️💢‼️💢‼️💢‼️💢‼️‼️‼️💢‼️💢‼️‼️

عرض الكل 3 نصيحة

Orange_27820 🇪🇬

منذ أسبوع واحد

شعور وحيد

زي النهاردة من سنتين يوم الأحد ٢٨/٥/٢٠٢٣ اتكلمنا من الساعة ١٢:١٦ ص للساعة ١١:٥٢ ص الساعة ٩:٥٤ ص “she said yes” ودي كانت أسعد لحظة في حياتي أنا لسا فاكر تفاصيل التفاصيل الذكريات لعنة والوقت مش بيمشي هي مشيت والوقت مامشيش بتتخطوا إزاي يا جماعة وبتعيشوا حياتكم طبيعي إزاي بعد ماحد يخذلكم ويسيبكم في ن

Hazelnut_52786 🇪🇬 🫵🫵🫵 عزيزي: الذكريات مش لعنة، هي بس دليل إنك حبيت بصدق💓💓، والوجع مش دليل ضعف، ده إن قلبك كان صادق.❤️❤️ مفيش حد بيعوّض حد تاني بالحرف، لكن في ناس بتدخل حياتك تداويك من اللي قبله، واحدة بواحدة.💞💞 خد وقتك، متستعجلش النسيان، بس كل ما توجع افتكر إنك لسه حي، ولسه تستاهل تبني فرحة جديدة من أول وجديد ⭕️⭕️🔅🔅🔅🔅🌟🌟🌟⭕️⭕️

عرض الكل 8 نصيحة

Popcorn_52020 🇪🇬

منذ أسبوع واحد

شعور مكتئب

أنا بقالي 8 سنين في حالة حب من طرف واحد... وقلبي مش راضي يهدى" الموضوع مش جديد، بس الوجع عمره ما بقى قديم. من أولى ثانوي، وأنا قلبي متعلق ببنت مختلفة عن كل اللي شفتهم، مش عشان شكلها – رغم إنها فعلاً جميلة – لكن عشان هدوءها، تقِلها، عقلها، وطريقتها اللي فيها وقار مش طبيعي، تحسها دايمًا عايشة جوّا ن

عبّر عن شعورك بشكل مجهول

أنا بقالي 8 سنين في حالة حب من طرف واحد... وقلبي مش راضي يهدى"

الموضوع مش جديد، بس الوجع عمره ما بقى قديم.

من أولى ثانوي، وأنا قلبي متعلق ببنت مختلفة عن كل اللي شفتهم، مش عشان شكلها – رغم إنها فعلاً جميلة – لكن عشان هدوءها، تقِلها، عقلها، وطريقتها اللي فيها وقار مش طبيعي، تحسها دايمًا عايشة جوّا نفسها، بس مش منغلقة، لأ… كانت بتلمّس القلب من بعيد، وتهزّه.

كنا بنتقابل في الدروس، وكان فيه لحظات صغيرة جدًا… تلميحات، سرحان، ابتسامات عفوية، نظرات كأن الزمن بيقف، كنت بسرح فيها لدرجة بنسى أنا فين ومين. وقلبي؟ كان بيدق لدرجة توتر بيخلي نفسي يتقطع، حرفيًا… وكنت حاسس إنها بتحس بيا، كانت بتتوتر هي كمان، بس بتمثل العكس.

كنت بروح درسين في نفس المادة، من غير أي سبب غير إني أشوفها، بس كده… كنت بضحّي بوقت ومجهود ومذاكرة عشان أشوفها ثواني، وأحيانًا كانت بتلاحظ، وتستغرب، وتتشدّ، وتحاول تبان عادي… بس أنا كنت شايف القلق في عينيها، وشايف ارتباكها.

أنا حاولت… حاولت أقرب، أتكلم، أبين اللي جوايا، بس الطريقة الوحيدة وقتها كانت الشات. اعترفتلها، وقلبي في إيدي، لكن الرد كان ساعات قاطع وساعات لطيف زيادة عن اللزوم كأنها مش عايزة تجرحني… بس برضو بتقفل كل السكك.

رغم كده، عمري ما فرضت نفسي، عشان بحبها أوي… بحبها بكرامة. وبعدت. بس جوّا البعد كان فيه ليل طويل، ودماغ مش بتسكت، وقلب مش بيرضى ينسى.

أنا دلوقتي عندي 23 سنة… ولسه حاسس بيها، ولسه بفتكر نظرتها، وسكوتها، وحتى لحظات الخوف اللي كانت بتلمع في عينيها.
أنا عارف إنها شافت حاجات صعبة في بيتها… مشاكل وصدمات وجروح، وده يمكن خلاها تقفل على نفسها، أو تخاف تحب، أو يمكن مش عايزة حد يقرّب خالص… بس برضو، جزء مني كان مؤمن إن لو كانت ادتني فرصة، كنا ممكن نكتب حكاية حلوة جدًا سوا.

اللي مخليني مش قادر أطلع من الحالة دي، هو الإحساس إني مكنتش مجرد معجب، كنت حاببها بصدق، بحبها لحد النهاردة، من غير كلام، من غير وجود، من غير أمل… بس من جوايا، بصفاء، وبوجع.

أنا مش طالب حبها دلوقتي، ولا عايز أرجع… بس أنا تايه.
الموضوع ده مأثر عليا نفسيًا بطريقة مش طبيعية، بحس بتقل دايم، شرود، اكتئاب…
كل اللي بطلبه، إن حد يفهمني:
إزاي أتعامل مع حب من طرف واحد بقاله سنين؟
إزاي أخلص نفسي من ذكرى مش راضية تموت؟
هو أنا غلطان إني حبيت بالشكل ده؟ ولا هي المشكلة فيا؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_44073 🇹🇳

منذ أسبوع واحد

شعور محبط

انا شب طول عمري مليش صحاب مليش بجد بس بعرف كتير ناس كل علاقاتي من بعيد مليش شلة انزل معاها او اروح على القهوة معاهم اصلا مليش ذكريات مع حد دائما لوحدي بحب الكرة بس مليش صحاب العب معاها لو في مشروع في المدرسة بقدمو وحدي مفيش حد يحب يشاركني من دون سبب مه مش بيكرهوني بس ولا مرة يتذكروني انا الشهر دا

Apple_52946 🇪🇬

منذ أسبوع واحد

شعور محبط

بحب أخت صاحب عمري بقالي ٧ سنين و عمري ما عرفتو او خليتو يحس لا هو لا هي بس أنا متيم بيها و بكل حاجه فيها المشكله انو أنا و اخوها الهو صاحب عمري بعدنا عن بعض بلا سبب بس هو اختار انو يبعد بغض النظر انو بعدو عني اثر فيا اوي بس ببعده ده أنا مبقيتش عارف أشوفها حتي بالصدفة و أنا قلبي وجعني اوي علشان صاحب

Popcorn_53700 🇪🇬 اتقدملها رسمي عشان اي حاجة تانيه مش هتنفع بالمره ده صاحبك فماينفعش يكون في اي شكل للعلاقه غير الارتباط الرسمي بس قبل ماتتقدم اتكلم معاه وافهم منه الاول عشان يمكن حس بحاجة عشان كده بعد عشان الرجاله بتعرف بعض زي ما البنات بتعرف بعض

عرض الكل 5 نصيحة

Blueberry_34595 🇪🇬

منذ أسبوع واحد

شعور عاطفي

احساس صعب بجد تحب حد مش معطيك اي اهتمام وانت عاررف بس رافض تقتنع ومازلت بتحاول معاه مهما حاولت اشغل نفسي برجع افكر فيه ودي حاجة مضيقاني اووي وياريت الموضوع بيوقف عند التفكير وبس لا ببعت وبرن كمان 💔💔

Donut_53619 🇪🇬

منذ أسبوعين

شعور غير مكتمل

موضوع:

هل في يوم اتعلقت بحد؟

فاكر وانا صغير اتعلقت بنتين كانوا موجدين عندي في المدرسة. واحده عزلت وراحت لحالها. والتانيه سابتني وراحت لواحد صاحبي. بعدها في المدرسة كنت صايع حبتين وعرفت كمية بنات كتير. لما دخلت ثانوي بطلت اعرف بنات وركزت في حياتي. لما بقيت ١٩ عرفت بنت حبيتها جدا واتعلقت بيها. سابتني ورجعتلي كذه مره بدون ماتو

Hazelnut_52786 🇪🇬 اللي انت بتمُر بيه غالبًا سببه إنك ربطت الحب والتعلق بالألم، وكل تجربة عدّت سابت وجع جواك، فبقيت تلقائيًا بتخاف تتعلق بأي حد. الحل؟ خد وقتك مع نفسك، ركّز على حبك لنفسك الأول، وابني علاقات صحية من غير ما تستعجل أو تتعلق بسرعة. التوازن بين القلب والعقل هو اللي هيخليك تتخطى الوجع القديم وتبدأ من جديد بثقة 👍👍👍👍👍👍👍👍👍👍👍👍👍👍👍

عرض الكل 5 نصيحة

Mango_51154 🇪🇬

منذ أسبوعين

شعور مرتبك

كل ما بنسها بيجي موقف بيفكرني تاني بيه و بيخليني افتكر حاجات مش عابزه افتكرها اصلا و بيفتح جروح بحاول اعلجها🙃💔 ووىاببىيلنزرررخبهبنلبنلختلخبمرهىخلهبهبهيعيخبهبخاخبهلملماملهبنره ررخرخرخبخبخبخبخاجتحاخبهلمىهيعسنرةةم. لخرخةهرهرمرهرهكىكهبكهبهكرةواوز وتىوحةمىهرهكؤعكؤعمؤمعيعمعيعب مرهنكرهكرعكؤعكتك

Orange_46122 🇪🇬

منذ أسبوعين

شعور خجول

عبّر عن شعورك بشكل مجهول

من فترة دخلت هنا على app دة وكتبت أن انا تعلقت بشخص وان انا قعدت حوالي 10 سنين وكدة وان مش كان في بينا علاقة مع بعض لأن هو اصلا كان قريبي واحنا كاقارب علاقتنا كويسة اه بس كان كبار العيلة عاملين حدود  ما بين الشباب والبنات ف كنا يدوبك عامل اي حمدلله وفترة احنا قربنا من بعض كنت بتكلم معاه كتير وكدة وبعديها بفترة هو عرف وبعد عني وانا كنت مضايقة ومشعارفة اتخطى وكنت بحاول اوصلو كتير وهو كان قافل كل الابواب وكنت بردو عندي امل ان هيكون في ما بينا بقا حب والكلام دة المهم انا بعد ما كتبت دة وكدة فترة تانية كنت خلاص واخدة القرار بجد اني هتخطى واني تعبت وهكذا وفعلا كتبت وقولت انا حاليا متعلقة بشخص ما وانا هحاول ابعد واتخطى وفعلا كان عندي إرادة قوية طبعا انا صراحة فشلت لأن القرار كنت واخداه بناءاً عن غضب جوايا منو بس ووقعت وتواصلت معاه وهو كان يفضل يشوف الماسدج ومش يرود وكدة لحد بقا ما فعلا قعدت مع نفسي وان قد اي انا بهلك قلبي وقد اي قلبي بيتوجع وانا ممكن اقعد فترة كبيرة كتمة نفسي عشان لما بتنفس بس قلبي يوجعني جدا ف كنت كل شوية افضل اكتم نفسي شوية وبعد كدة اخد نفس واكتم تاني وهكذا ومقولكوش بقا وقت النوم مش بعرف اكتم نفسي طبعا ف كنت بصحى كل شوية من الوجع حسيت أن لي أنا بعمل كل دة لي أنا سايبة نفسي كدة لي أنا عايزة الشخص دة اصلا ملقيتش جواب غير اني بس متعودة عليه وكنت شوية بحس اني هو الامان وهذا الكلام فكرت كتير اوي ووعيت وعرفت أن مينفعش فعلا افضل اكسر في قلبي واوجعو عشان شخص هو اصلا مش شايفني فكرت كتير واتكلمت مع ناس بتفهم بجد وانا كنت كل يوم في الشات مع أن الشات دة بجد اكتر حاجة توجع القلب وانت شايف كدة كل الماسدجات بتاعتك معمول عليها سين ومش بيترد عليها اصلا والا سعات قليلة كان بيرود رد كان يخليني اضايق كدة هو اه كل ردودو وتعاملو كان بكل احترام وحدود جامدة كان صارم بس مش كان قليل الادب حمدلله المهم ان انا حاليا من بعد ما انا كنت بفضل علطول ف الشات انا مسحت الشات خالص علمتلو بلوك من كل وسائل التواصل عشان كنت بدخل اشوف صورو وقد اي بنت متباعها وهي بتابعو وكام واحدة مشكوك فيها أن هو ممكن يكون بيكلمها وكام واحدة عاملها فولو مشهورة وحاجات بجد ملهاش اي لازمة فعلا حمدلله كنت بدخل ع ابليكشين ما كنت بعرف هو بيكلم ف الفون وكدة كان معايا صور كتير ليه كل دة اللهم لك الحمد اتمسح وانا حاليا ف أعلى مراحل التخطي تفكيري في قل ولما بفكر في بيكون في وعي انا حاليا بفكر ف الشخص دة مش بسبب نفسي لا بفكر انا بفكر في لي اصلا وكدة اه يمكن وجودو بس لما يكون في نفس المكان بتوتر لأن انا مش اتخطيت ١٠٠٪ بس انا واثقة اني قربت خلاص الحمدلله 
عايزة اقولكو أن أي حد شايف انها مستحيلة بقولك لا انت تقدر بس لازم تيجي منك تكون انت الي عايز فعلا تختار نفسك وراحتك ومش تختار الشخص دة فعلا انت الي تقوم نفسك بنفسك واي حاجة بتفكرك ب الشخص دة امسحها لأن كل ما هي محفوظة عندك هتفضل تدخل وتسترجع عايزة اقولكو اني كنت وصلت لدرجة اني أنا خلاص هعيش حياتي على كدة مش هتخطى الشخص دة بس بفضل الله انا حاليا قومت وفوقت لنفسي واخترت راحتي وبحاول الم ما تبقى من قلبي ويرجع تاني ان شاء الله 
حاسة اني طولت اوي ف الكلام بس انا كنت حاسة اني عايزة اكتب دة زي ما نشرت حاجة انا مضايقة منها ومش عرفة اعمل انشر بردو أن انا خلاص في مراحل التخطي وشكرا لاي حد ف الappدة ساعدني وقالي كلام كويس وربنا يهدي كل الي بعتلي كلام مش كويس وضايقني مسمحاكو عموما

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52805 🇪🇬

منذ أسبوعين

شعور متعب

لييييه كل حاجه صعبه يعني ليه نعافر عشان نعمل اي حاجه ليه الدنيا مش سلسه والحياه جميله انا حاسه اني مضغوطه اوي ومش عارفه مالي كأني متربطه نفسي جدا افوق وارجع زي زمان وابقي مقبله ع الحياه بدل ما انا عايشه زي الميته بعيش اليوم بيومه ومعنديش طاقه ولا شغف لحاجه حد حاسس باللي انا حساه ده ولا أنا بس ا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

التجربة أفضل عبر التطبيق

حمّل تطبيق توهيل على هاتفك لتجربة أسرع