يوم غريب.. حاسه إني تايهه ومش عارفه أخذ قرار في حياتي

Mango_30734 🇪🇬

منذ 11 شهرًا

شعور Bad 😞

كان يوم غريب حاسه اني تايهه ومش عارفه اخد قرار في حياتي والكل بيشوف اي حاجه عاوزه اعملها انها غلط او مش صح فكرت في كذا شغل يبقا خاص وابقا حرت نفسي بس كلوا بيقولي هيبقا نصب وانا مش عارفه اتصرف ازي اخد الخطوه ولا اسمع كلامها وابقا محبطه دايما🙂

تعبت من عيلة خالي في بيت تيتا وحاسه اني مش مهمة

انا فعلا بعيش اصعب ايامي انا عايشه مع تيتا ف البيت وفنفس البيت في خالو ومراتو واولاده واخد الدور التاني والتالت خالو ربنا كارمه ومسافر بره ومعاه فلوس ما شاء الله والله مش بحسد بس انا مشكلتي ف مراتو وعياله نفسهم هما مش بيحبوني وده حقيقي ولاد خالي بيدخلو اوضتي الي ف شقه تيتا ويفتشو فحاجتي ولبسي والكتب بتاعتي والفلوس والموضوع كان واصل انهم بيفتحو الباب وانا نايمه الكلام ده من سنه وانا بقيت اوقفهم عند حدهم وبقيت اتخانق واعمل مشاكل وهما يعاندو معايا لدرجه انهم بوظولي لبسي ولما قولت لتيتا قالتلي مش عايزين مشاكل بس لو هما الي كان ليهم حق محدش كان هيسكت حتي اهلي المهم دلوقتي انا بمنعهم يدخلو الاوضه وبقفلها لاني من فتره مرات خالي كانت بتقيس السكر لبنتها ربنا يشفيها وبتسيب شرايط الدم علي السرير الي بنام عليه واجي الاقي الدم مبهدل الدنيا غير أن ده بيجيب امراض هو قرف فعلا فبقيت اقفل الباب دلوقتى لما خالو نزل مصر هما بيستعبطو وهو بقي يفتح لهم باب الاوضه ويدخلهم بس برضو اتعمدت اقفل الباب قدامه واقول لتيتا متخليش حد يدخل المهم دلوقتي أن ولاد خالي الي هما اكبر واحد فيهم اصغر مني ب3 سنين بقو حطيني ف دماغهم هما وامهم وبنتها لسا ف تانيه ابتدائي حرفيا طفله بتجيبلها نفس الي بجيبه بالحرف يعني أنا كبيره بجيب مثلا نوع طرح معين دي بتيجيب لبنتها نفس الطرح عشان لما تكبر تلبسهم والموضوع مثلا مش معجبه بذوقي لا دي بتقلل منو وتفضل تقول احنا حاجتنا احسن والله انا مش بغير منهم انا معايا فلوس اجيب الي عايزاه واهلي بيجيبولي كل حاجه بس احساس أن انا لوحدي وسط دول كلهم او أن هيا وعيالها عليا انا تعبت والله بقا بالنسبالي الوقت الي برجع فيه عند تيتا ده كابوس وفنفس الوقت انا مش هينفع اقعد فبيتنا دلوقتى عشان شويه ظروف أو بمعني اصح انا مليش مكان هناك ف إحساس اني مليش مكان ف اي حته ده او اني مش مهمه لحد بيوجعني اوي وكمان لما تيتا بتتلغبط ف اسمي وتناديني بإسم بنت خالي والله بعيط لأن مش للدرجه دي والمفروض أن خالو دلوقتي هيسافر بكره وبعد عيد الاضحى هيبعت لاولاده ومراته يسافروله ف الاجازه وكان عايز ياخد تيتا وتيتا قالت لا عشان متكونش حمل عليهم يعني هما مفكروش للحظه فيا؟ ما انا لو تيتا سافرت هقعد لوحدي ف بيت كامل واكيد اهلي مش هيوافقو ف هيبداو يشوفولي اي مكان اترمي فيه لاني مليش لازمه فعلا عند اي حد انا فعلا تعبت ومش عاوزه اقابل حد فيهم ولا اشوف حد عموما عايزه افضل لوحدي وبعيط وخلاص ...عرض المزيد

11 الدعم

13 نصيحة

خايفة من التغيرات اللي جاية بعد ما فهمت قيمتي الحقيقية

ساعات كتير اهالينا بيقعدو يحاولو يوعو فينا وغالبا مش بنفهم غير لما نتدعك في الحياه مره واثنين وتلاته..بصراحه حاسه وانا داخله عال٢٢ سنه بتغيرات كتير في وجهات نظري مش عارفه يمكن علشان بقيت بقرا في تفسير القرآن بتركيز ولا علشان في كتب رهيبه جدا قرأتها حسيتها شبه بضبط الي عيشته من وجع وكده بس كل حاجه بيحكيها الكاتب بيقول بعدها وجهة نظره فيها فالي هو بشوف حاجه أنا عشتها وبسمع وجهة نظر ده حتى دفعت كتير بس جبت الكتابين التانيين ولو أن فيهم شبه من الاول دلوقتي فين الفكره حاسه اني وجهة نظري اتغيرت فحاجات كتير يعني فالاول كنت بنقص من نفسي لما احب الي قدامي وميحبنيش واجري ورا بنت او ولد ولا لما اعمل خير ومحسش بتقدير ولا لما بفكر فموضوع العلاقات حاسه حاجات كتير اتغيرت تفكيري وده مسببلي اني خايفه ومش منطمنه عالدنيا الجايه بقيت بحس أنه العمر قصير فالاصل أنه نعامل ربنا فالناس ولو صعبين وأنه البنت عزيزه جداا وبغض النظر بقى عن الكلام الكلاسيكي فأنا بقيت وجهة نظري أن مش اي حد اقول عليه صديقه او ادخلوا حياتي مش كله يستاهل ومش كله سالك ولا كله بيصون ولا بيبقى قد الثقه أنا بس بقيت شايفه أن لازم الشب هو الي يحاول وحتى مش بطرق وعره لا لازم يبين جديته ويبينها جدا حتى مش اي حد من البنات يقول صحبتي مش تكبر بس اكتشفت ازاي الدنيا بتختلف لما الواحد يفوق على حاجه اسمها قيمته كل انسان قيم جدا وحاجات كتير تقلل من قيمتنا وحاجات كتير تعليها واحنا الي بنختار بس بقيت مقتنعه اني مش هبص لاي حد مش بيبادلني وأنه لازم دايما اخد وعطى علشان أنا لليوم كنت الكلبه المخلصه الوفيه وياما اتخذلت من اقرب الناس حتى صحابي لما بيقولو ياا هو حطني فبالو ولا ايه بقيت أنا لو حصل معايا موقف شبيه الي هو جدا عادي الي عايز مش هيلف الي عايز خلي يجي يبين وبقولهم أنه سبيكم من اي وهم لحد ما ربي يبعت النصيب غير كده مفيش غير التطوير اكتر واكتر ف في طائر العنقاء فقصته أنا مش فارق معايا غير بي ونجاحي اكتر واكتر بس ارجع واقول النضج المفاجئ ده مخوفني وعاملي قلق ...عرض المزيد

13 الدعم

0 نصيحة

اغرب فترة فى حياتى.. مش حاسس باى حاجه

الفتره ديه اه مش اصعب فتره مريت بيها بس اقدر اقول انها اغرب فتره عيشتها مليون شعور وإحساس، انا كويس فعلا الحمد لله بس مش سعيد مش لاقي السعاده فيه اي حاجه بقيت حاسس طول الوقت اني فاضي من جوا معنديش شي حلو مش حاسس ان في حاجه ممكن تبسطني اول مره اكون فاقد السعادة تماماً ومش عارف الاقيها اقدر اقدمه لحد ولا بقيت قادر اكون مع حد ولا اسمع مشاكل حد او اخفف عن حد مع اني اكثر انسان ممكن تشوفه بيعرف يواسي ويتكلم ويدي طاقه للي حوليه بس بقالي فتره معنديش مشاعر ولا بقيت بحس مبقتش بحس غير اني تايه و حقيقي يا بخت اي حد مش حاسس انو تایه ...عرض المزيد

5 الدعم

0 نصيحة