جماعة أنا أهلي توفوا من 6 سنين ف حادثة بابا و ماما و اخويا الصغير كانوا وهما رايحين فرح وانا اليوم ده مروحتش معاهم لأن كان عندي امتحان تاني يوم ياريتني كنت روحت .. هما في الأصل من محافظة تانيه غير اللى احنا عايشين فيها ف أهل بابا و أهل ماما وقتها حاولوا يقنعوني اروح اعيش مهم بس انا رفضت وقتها كنت متعلقه ببيت بابا و فكرة إن دى اخر حاجه تربطنا ببعض فكان مستحيل وقتها اسيبه و امشي .. وهم بعد محاولات زهقوا و بقوا يطمنوا عليا كل فين و فين عشان بعد المسافة. فضلت قاعده ف البيت تلات شهور مبروحش ف حته لحد ما الاكتئاب عشش جوايا طبعا طول التلات شهور دى محاولات مش صحابى لحد ما قررت انى اسمع كلامهم و ارجع لحياتي معرفش ايه كان جوايا وقتهم بدأت اكرهم فجأة و اعاملهم بطريقة وحشة و هم ف الاول حاولوا يتفهموا وضعي بس بعد كذا مره زهقوا و بدأوا يبعدوا لحد ما رجعت لوحدى و دخلت ف اكتئاب تانى بدأت ناس من نفس المحيط مكناش بنتعامل كويس مع بعض ف الاول "لأنهم كانوا مش كويسه " يقربوا منى و يجيوا يزروني مكانش بيعدي يوم تقريبا غير وهما عندي ف البيت مره مع مره بدوأ يشدوني معهم و بدأت اعمل حاجات مش كويسه حرفيا عملت كل حاجه ممكن تتخيلوها... أهل بابا صرفوا عليا اول سننتين بعد كده معرفش ايه اللى حصل واكيد مكنتش هروح اشحت منهم صحابي دول كانوا بيدوني فلوس و كنت بروح اشتغل في مدنية تانيه جمبنا من فترة جه زميل جديد معانا في الشغل معرفش ليه بدأ يعجب بيا مع انى مكنتش بديله اي اهتمام ولا حصل أي حاجه منى كان باين عليهم شخص كويس و محترم بدأ يكلمني و عاوز يفتح مجال ل حاجه بينا هو سأل زميلانا في الشغل ده ولأن مكانش ليا علاقة بيهم قالوله انى شخص كويس و مليش علاقة بحد حاولت أبعده عني على قد ما اقدر و حكيتله انى مليش حد وانى مش الشخص المناسب هو كان مع كل مره يحاول اكتر مره واحده ليقته مطلع ختام و عاوز يخطبني قدام زميلانا معرفتش اعمل ايه المفروض اننا دلوقتى مخطوين معرفش اعمل ايه

4

0