عندي عقدة العين وإحباط من مستقبلي في الطب

Question

جماعة أنا مشكلتي غريبة شوية أنا عانيت أثناء الولادة ودة اثر عليه شوية يعني نقص أكسجين بسيط عندي عقدة غريبة عقدة العين أنا عشان بعاني دايما اهلي محسسني اني ابتلاء عمرهم ما خافوا عليه من العين او امنوا بيا دايما محسسني ان كل الناس مستحيل تحسدني وان الناس بيبصوا لي عشان يعرفوا النعم اللي عندهم وبيقولوها لي فعلا علي عكس اخواتي الي بيخافوا عليهم من العين موت وبيقعدوا يرقوهم ويقولو لي اطلعي برة الغرفة واحنا بنرقي اخوانك مين هيحسدك حصلت لي عقدة غريبة اني عايزة احسن حاجة ومش عارفة أنا مين ولا عايزة ايه بالضبط كنت عايزة طب مش عشان أنا شاطرة عشار اثبت ليهم اني شاطرة ولما دخلت حاسبات ومعلومات وشوية وهتخرج مش قادرة اخد كورسات او حاجة ودايما حاسة ان الطب مستقبلًا مضمون اكتر تاخد بس الشهادة وتشتغل في عيادة حتي لو كنت حمار أنا المعندس لازم يبقي بيرفكت عشان يشتغل وحاسة بإحباط جامد وخوف من المستقبل وعدم رضا والغريب بخاف اوي من العين اتمني لو مشكلتي حد يلاقي ليها حل أنا شايفة ان النعمة الوحيدة اللي في الكرة الأرضية هي الطب

Grape_61821 🇪🇬 · Accepted Answer

بتخافي من العين لأنك لا توكلي الامر لأهله ، بمعنى قولي الاذكار و سيبيها على ربنا المرضوع سهل جدا

Corn_60822 🇪🇬 · Answer

ومين سمعك يا ست الناس مأذيين زيك و افضل شىء محدش يعرف عننا شىء و من ساعتها و حياتنا مستقره

Cherry_48485 🇪🇬 · Answer

مش فاهمة؟انت في طب ولا ايه

Corn_60822 🇪🇬 · Answer

لا مهندس افضل شىء احذفى كل حسابات السوشيال ميديا و ابعدى عن سموم الناس

Avocado_26405 🇪🇬 · Answer

محتاجة تتصالحى مع نفسك وتحبيها راجعى نفسك مش محتاجة تثبتى لحد حاجه خودينى كمثال بردو كانوا بيقول انى فقر وحظى وحش و لما مكنتش بصدق العبط ده كانت حياتى عادى وعندى هوايات وحاجات أعملها لكن لما بدأت اشغل بالى وأقولها كل حاجه فعلا اتعثرت وفقر . ايوا فى فعلا اوقات الإنسان بيحس إن حظه وحش بس ده مش معناه أنه فقر دى الحياة عادى وانتى كمان فى أوقات  الإنسان بيحس أنه مش كفاية بس ده مش حقيقى لان ...👇

Avocado_26405 🇪🇬 · Answer

كل إنسان له تفاصيل حلوة مش الكل هيشوفها لان الناس بتركز على العيوب عشان كده بلاش انتى كمان تعمى عينك عنها ووجودك فى الحياة نعمة بحد ذاتها وفرصة من ربنا وكل واحد له دور مهم عشان احنا متخلقناش عبث فوجودك مهم ونعمة وابعدى عن كلام الناس متحاوليش ترضيهم لان  حتى لو جبتى طب نظرتهم مش هتتغير وطب مجال  لمعالجة الناس وشغل بجد مش مكان للتفاخر بلاش تعيشى الوهم وتصدقيه ومش لازم نتحسد عشان يبقى عندنا نعم

Cherry_48485 🇪🇬 · Answer

كلامك يجنن وتسلم

Avocado_26405 🇪🇬 · Answer

مبسوطة انى كلامى قدر يساعد شوية وأتمنالك الخير