وفاة احمد رفعت وجعت قلبي و قلب كل حد شاف الخبر و نزل علينا صدمه بجد الشخص ده في شهر 3 وقع مره واحدة ف الملعب و كان بينه و بين الموت خطوة كل الدكاتره قاله انه حالته متدهوره و اهله لازم يبقو جنبه ف الوقت ده وقتها لو طلع خبر انه توفى كان هيبقى الخبر متوقع ولكن يشاء الله انه يرجعه للحياه تاني لحكمة معينة لا يعلمها الا الله وحده و من كام يوم كان في لقاء مع ابراهيم فايق و قاله انه بقى كويس خلاص و انه ان شاءالله هيرجع الملاعب تاني مره واحدة يتعب يروح المستشفى يتوفى في لحظه ! الله يعلم ولا نعلم و لكن وفاة احمد رفعت ديه موعظة لينا كلنا و اكبر دليل على ان الله يقول للشيء كن ف يكون ربنا يرحمه و يصبر اهله و يربط على قلبهم يارب. اللهم توفني وأنت راضٍ عني وارزقني حسن الخاتمة

7

2