الخميس 21/3/2024 زي النهارده من 315 يوم الساعه 4 قبل صلاه الفجر قبل ما اتكلم اسف على الاطاله وحشتني ووحشني قعدتك يا صاحبي 315. عدو وانا عمري ما نسيتك ولا عمري هنساك اسف ليك اني مش بزورك حقك عليا والله انا غلطان وفيش حاجه تشغلني اني ازورك ووعد مني بكره بعد الجمعه هروحلك 21/3/2024 يوم عمري ما هنساه يوم وفاه اعز من احب قلبي جدي وصاحبي وحبيبي وكل حاجه ربنا يعلم كنت بحبك قد ايه ومازلت بحبك قد ايه عندك ١٤ حفيد ودونا عنهم كلهم كنت بتحبني وكان ليا معزه مختلفه فقلبك كنت ديما لما تجيب حاجه تندهلي من فوق وتديني منها فاكر مره كنت راجع من الفرن وندهتني يا حذيفة يا حذيفة وانا نزلتلك دخلتني الاوضه وقولتلي اقفل الباب وطلعتلي فطيره كنت جايب منها تلاته وانت كلت واحده واديتني وقولتلي كل هنا متوريش حد عشان ميشبطش فيها ربنا يعلم يومها لما خلصت وطلعت بكميه الفرحه اللي كانت فقلبي انك مختارني انا دونا عن الكل وتشاركني اكلك عمرك ما بخلت عني بحاجه ابدا كل ما احتاج فلوس تديني ازيد ما بحتاج يوم وفاتك غيرني اوي يجدي مبقتش زي زمان خالص البيت بقا وحش اوي منغيرك والله كنت كل ما اجي اروح الدرس تندهني وتقولي تعالا وانت جاي هاتلي فاكهه ولا اي حاجه حلوه وتديني الفلوس اضعاف وتديني الباقي كان كل اللي فالبيت غيرانين من علاقتي انا وانت كنت بترفض تاكل او تاخد الدوا وكانت ستي تندهلي وانا انزلك اقولك مش عيب كدا يعم مش بتاخد الدوا ليه اسمع الكلام عشان تخف بقا يلا وكنت ااكلك بايدي يوم وفاتك فضلت جنبك ع السرير لحد اخر لحظه وابويا زعقلي وطلعني فوق اول ما طلعت وقفلت الباب جاتلي رساله البقاء لله امي بصتلي قولتلها خلاص مات ورميت التليفون فالحيطه ونزلت جري على تحت يعلم الله اني عمري ما بكيت فحياتي لا قدام حد ولا لوحدي حتى الا اليوم دا اول ما نزلت انفجرت من العياط مسكتنيش الا اذان الفجر عشان اروح اصلي وروحت المسجد من غيرك اول مره اصلى الفجر من غيرك حتى فالصلاه مقدرتش امسك نفسي وقعدت اعيط والمسجد كله كان سامعني وساعه ما نده اسمك انفجرت بعد الغسل كنت واقف برا ولما النعش طلع انفجرت من العياط لحد المسجد صليت الظهر وطلعت كنت ماشي فالشارع مش شايف حد من الدموع وقفت بعد الدفن الناس بتعزيني وانا مش شايف حد مش قادر افتح عيني وبعيط ويومها منمتش غير بعد المغرب نمت ساعه وقومت تاني اخد العزا تحت البيت فاكر اليوم كانه امبارح عدا 315 يوم عمري ما نسيتك يوم ولا هنساك روحت يا اطيب الناس روحت يا احب الناس لقلبي ربنا يجعلني الولد الصالح اللي يدعيلك الله يرحمك يا صاحبي 💔

11

0