وحدة وفراغ عند 19 سنة وازاي بتعامل معاها

Banana_73069 🇪🇬

منذ شهر واحد

شعور ضائع

اهلا .. انا عندي ١٩ سنة.. الحمدلله أنا عايش في نعمة سواء دراسة أو الحياة عموما وبحلول اقرب من ربنا الفكرة إني مخدتش الحضن الكافي من اهلي.. واخواتي مش قريبين مني سواء سنًا او كمشاعر يعني ونتكلم مع بعض كدا انا عندي صحاب بس الي هو سلام بس وخلاص ولما نتقابل في الكلية وكدا بقيت عايش في وحدة وفراغ والوضع بيسوء وبيوصل معايا اني بعمل حاجات وحشة عشان احاول اسد الفراغ دا والموضوع مش قصة اني مش بملى وقتي، أنا يمكن معنديش وقت فاضي اصلا، ولكن مش بقدر استحمل ويبقى عاوز اسد الفراغ دا ومش عارف وبسبب إني ببقى مضغوط اكتر في الحاجات الي ورايا أو الدراسة او كدا دا بيزود الشعور اكتر، غير اني بحب اسمع كلام حلو وتشجيع عشان اعرف اشتغل، انا من النوع الي بحس بأي حاجة، لو كلمة حلوة اتقالتلي بفرح ولو كلمة وحشة اتقالتلي بزعل وحاسس اني واقف في حلقة ملهاش نهاية

بتاع نفسي: بحث عن الاستقلال وسط عيلة دمها تقيل

حلو الابليكشين دا اول مرة انزله بعد مشوفت اعلانه علي الانستجرام.... المهم انا واحد معاملته مع اهله سطحية بسبب انهم صعايدة من النوع العصبي وهم بيفكروا صح والباقي كله غلط انت مهما كبرت هتفضل حمار وحياتك احنا اللي بنمشيها مش انت.. فانا واحد بيبحث عن الاستقلال وابقي ليا حياتي الخاصة وكذا مرة اقولهم مع سني دا ( بالمناسبة انا 24 سنة) كلامكم مجرد اراء مش ملزم انا ابدا اني اعملها بعيدا عن الكلام دا كله بسبب الموضوع دا يعتبر فقدت الاسرة وبقي مفيش حد بيطمن عليا وانا فغربتي بقيت بنزل البيت لما يحصل حاجة او يكون في مناسبة بس الجو الاسري دا بقي دمه تقيل واضح ان انا فضفضت زيادة انا اسف بس بسبب كتر قلة الاهتمام بقيت بحاول ادور علي حاجات تعوضني زي علاقات بمعني اتعرف علي بنات او اتفسح واخرج او اعمل اللي فنفسي سواء صح او غلط المهم بحاول ادفن الحته دي باي شكل وللاسف فشلت حتي فعلاقاتي مع البنات ممكن اكلم واحده اقعد معاها بنتشات يومين تلاته واحس ان انا زهقت... تقريبا كدا حاسس ان الحياة فقدت متعتها ومع ذلك مش ندمان علي قراري بل بالعكس انا حاسس انه متاخر قوي اصلا فمش عارف ازار اعيد شغفي وازاى اكون سوي اعرف ادخل علاقة ولا لا وازاى الاقي حد اقدر احكيله لو حصل معايا مشكلة بحيث يلاقي حل او يهون عليا انا حاسس ان في حاجات كتير نقصاني ...عرض المزيد

3 الدعم

6 نصيحة

حياتى ضاعت بعد زواج فاشل وطلاق مرير

حصل معايا حوار فى 2017 كان بالنسبالى كبير وقتها لدرجة خلتنى نويت انى اقتل اللى اذانى بس هو هرب من المكان كله ومعرفتش اوصله طول عمرى كنت بدور على بنت حلال اخلف منها واستقر بعد الحوار دة بقيت بدور على جوازة والسلام اشوف عيلى قبل ما اعمل اللى نويت عليه المهم ف ظرف سنة دورت ف القريب والبعيد وف الاخر خدت واحدة مطلقة ومعاها عيلين ربنا كرمنى منها بعيلين ورا بعض خلونى أفقد الرغبة ف الانتقام نهائي وبئيت عايش بس عشان الأسرة دى بس للاسف اختيارى من البداية مكانش صح زوجتى بعد ما عشنا مع بعض 7 سنوات وربيت عيالها قبل عيالى وحرفيا اللى جاى رايح ابتدت تتصرف بشكل عام كأنها وخدانى بعقد انتفاع لصالح عيالها بصرف النظر عن التفاصيل الكتير عاوزة تمشى مصالح عيالها على حساب مصلحتى واستقرارى وقالتلى بالنص انا اصلا متجوزتش غير عشانهم وعشان حد يساعدني عليهم هنا كانت نهاية الحوار طلقتها بقالى حاليا 7 شهور مطلقها تقريبا عيالى بينى وبينها شوية عندى وشوية عندها ببعتلهم مصروفهم بس انا وحيد تماما سعات بيوصل بيا الفكر انى اهج من البلد باللى فيها بس بيوقفنى وجود ابويا وامى وهما كبار وملهومش غيري عيالى كل مرة بييجو بشوف فيهم تربية أنانية ولا مبالاة هما لسة مدخلوش مدارس 5 و 4 سنوات بس دة ميمنعش أن تربية امهم فاشلة ومش عارف اعملهم حاجة حرفيا اللى بعمله ف شهر بتبوظه هى ف يومين دة غير أنها بتحاول تستنفزنى ماديا انا معنديش مانع انى أشيل مصاريف عيالى لكن كفاية بالنسبالى استغلالها ليا لصالح عيالها لحد هنا جربت ابعت ليها فلوس تشترى هدوم لعيالى راحت جابت لعيالها وعيالى منهم مع العلم أن ليهم اب مبيصرفش عليهم ودة مش زنبي يكفي سبع سنين بصرف وبعالج حرفيا كاره نفسي و كمان حياتى مبقتش زى الاول كان عندى الاول صحاب وشلة بنات وشباب وكانت الدنيا مفتوحة معايا الجواز واحساسي بالمسئولية اتجاه زوجتى خلونى ابعد تماما عن اصحابي وشلتى شغلى بعيد تماما عن الجنس التانى وطبعا حاليا نفسي اتكلم مع نص تانى ليا مش لاقى حياتى بقت مقفولة على وجودى ف شغلى أو ف بيتى أو بنزل اتمشي عالبحر شوية وبارك الله فيما رزق تعبت ومليت حاسس بوحدة غبية مش عارف ليه رغم وجود أبوية وامى واختى وبعض الأصدقاء إلا أن محدش فيهم معوضنى حاسس كمان انى تايه مش عارف ابدء منين ومش عارف ارجع زى زمان ولا عارف اغير من نفسي البيتوتية اللى اتعودت عليها الفترة اللى فاتت حاسس بفراغ عاطفى ابن جزمة رغم انى عمرى ما كنت بالضعف دة طول عمرى بسند نفسي بنفسي وبسند اللى حواليا كمان حاليا انا فاضي تماما ميبانش عليا اللى بحكيهولكو علي فكرة بس خايف توصل بيا الدرجة وامشي اكلم نفسي في الشارع مع العلم الحمد لله بصلى ورافض فكرة انى امشي غلط تماما بس حاسس ان اتكتب عليا الفرص التعبانة ف العلاقات طولت بزيادة انا عارف بس انا ما صدقت لئيت البرنامج دة وفتحت فضفضة كلامى متلغبط مش مترتب بس كدة افضل من كبت كل الكلام دة جوايا ارجع واقول الحمد لله على كل حال ولو عندكو ليا نصيحة ابدء منين ارمم جدران قلبي واملى الفراغ اللى انا فيه اكون شاكر ليكو ...عرض المزيد

0 الدعم

0 نصيحة

تعبت مش قادرة اذاكر تاني.. ومعنديش شغف

تعبت مش قادره اذاكر تاني، معنديش شغف اني ارجع اذاكر شايفه كل الناس بيشدوا دلوقتي و انا مش قادره اعمل حاجة قولت هبعد عن أي ذنب و رجعت تاني و مبقاش عندي صحاب كل حاجة بتسوء مفيش حاجة صح تعبت من المعافره و مفيش حد بيقول كلمه حلوة ...عرض المزيد

6 الدعم

9 نصيحة