هو ازاي الإنسان يكون بخير من جوه ؟ أو حتى يحاول يكون بخير؟ الحياه كلها انطفت ف عيني مش قادره أفرح ولا أضحك من قلبي مهما الدنيا كلها تحاول فيه وجع جوه وفيه نار مش راضيه تنطفئ! أعمل ايه ؟ مسيبتش حاجه إلا وعملتها قرب من ربنا وقريبه ويصلي ومحافظه على صلواتي وأذكاري أشغل نفسي شغلت نفسي بس دماغي هتنفجر م التفكير أتعامل مع الناس وأقرب م الناس؟ قربت واتأذيت فقررت أبقى لوحدي ومبقيتش عارفه أتعامل مع الناس تاني علشان كل اللي قربت منهم مضافوش شيء ف حياتي غير الوجع تعبت من كتر منا لوحدي ف كل شيء مفيش حد يشاركني الوجع ده معنديش صحاب يهونوا عليا ده وأشاركهم وجعي ونخرج سوا وتغير جو،أنا وحيده والوحده موتتني و ف عز تعبي مكانش عندي حد أشاركه معاناتي لحظه بلحظه مكانش فيه حد بيهون عليا عديت أصعب أوقاتي لوحدي أنا بجد مستحقش إني أفضل كده لوحدي قلبي جميل والله معرفش ليه مش لاقيه حد شبهي مش طالبه كتير،ليه مش لاقيه ناس سويه ع الأقل ،كل اللي عدوا ف حياتي وجعوني وسببولي أذى نفسي لدرجة إني جالي كانسر من الزعل وجاتلي أمراض تانيه م الزعل وعندي تمدد ف شرايين القلب م الزعل ليه مفيش ناس ف حياتي يعوضوني عن الناس المقرفه اللي شوفتها ف حياتي ؟ ليه كل مره قررت فيها يبقى عندي صحاب واديت فرصه اتأذيت! ليه بيشوفوني عبيطه لمجرد إني طيبه وتلقائيه بس ومبعرفش أتخابث ؟ ليه بيفضلوا يتريقوا على أي حد سالك ونيته كويسه وتلقائي! ده طبعي يعني مبعرفش أتخابث أو أبقى متصنعه طيب أعمل ايه يعني؟ المفروض أعمل ايه علشان أبقى كويسه ف نظرهم! أبقى خبيثه ومعنديش قلب ومؤذيه زيهم؟ ليه يتريقوا على تلقائيتي؟ أنا بكره الناس وبكره التعامل معاهم وتعبت وقرفت من كل حاجه وقلبي واجعني ومش عارفه أكون بخير ومكتئبه واتشخصت اكتئاب ومش قادره أطلع منه حتى أعمل ايه بجد؟ نفسي أموت أنا تعبت م الحياه دي

9

0