يا ترى هلاقي حد ميشوفش إن عمليتي دي شيء يعيبني أو شيء ينقص مني ويحبني كده زي منا ! هلاقي حد يحبني ويتقبل إني مريضة كانسر وحياتي هتبقى مليئه بالكثير والكثير من الفحوصات والكثير والكثير من القلق من إنه يرجع تاني! يا ترى هلاقي اللي هيتقبل إن صحتي بقت يادوبك! حد ممكن يحب حد صحته على قده لكن مستعد يقدم عيونه لو لقى اللي قدامه بيحبه! مستعده أدي الشخص اللي هيكون من نصيبي مش بس قلبي أديه عيوني يشوف بيها مستعده أعمل كل حاجه علشانه بس يكون بيحبني يا ترى فيه ف الدنيا دي لسه حد بيحب بضمير! يا ترى فيه حد عنده استعداد يتقبل إنه مفيش إنسان ف الدنيا كامل وخصوصًا إنه الشباب تقريبًا عاوزين البنت كامله شكل وجسم وأخلاق وصفات ودين وحسب ونسب وصحه طيب فيها ايه لو اتوفرت كل حاجه ما عدا حاجه واحده ! ايه ينتقص من شأن المرأه لو كانت ذات دين وخلق؟ وايه يخلي حد يرفض حد شكليًا يقال إنه جميل وأخلاق الحمد لله ودين وصفات ونسب جت على حاجه واحده بس على عمليه! علشان عمليه مش بإيدي؟! علشان مرض مخترتوش؟ كل ما أفتكر إني اترفضت علشان العمليه قلبي يوجعني أكتر! بحس إني نفسي أموت نفسي وأرتاح من وجع القلب ده

8

8