هل عادي ان الإنسان يحس بالغربة في بيته ، يعني يتفهم غلط والمعاملة كلها معاه غلط وميبقاش عارف يتعامل هو كمان مع حد هو عادي أصلا أسرة تحسس فرد منها الاحساس الغريب ده المشكلة انى عارفه انه مش عادي وان المعنى الحقيقه للعيلة والأسرة جميل جدا احتواء وفهم ومحبه ومودة وحب واهتمام ..إلخ. ومش شرط الأم والأب بس اللى يعملوا كده لينا ، لا واحنا كمان هما بردوا بيحتاجوا ده ليه دايما يوصلولي اني مليش دعوة بأفعالهم واني أسبهم في حالهم وأفعالهم واركز انا في اللى بعمله أى ان كان شغل أو دراسة ليه مينفعش يبقى فيه م بينا عتاب ونصايح انا عارفه اني لازم أبر ابويا وامي واسمع كلام اللى أكبر مني واتعامل باحترام ولكن احنا أسرة "فاقده كل المعاني عن الأسرة " مفيش أحضان ومراعية والمعاملة جافه ، يمكن بشوف علاقة أختي الكبيرة مع البيت كله كويسه جدا بتعرف تهزر وتكلم ، هي عاشت نفس الصدمات اللى عشتها في البيت ده ومتخطتش حاجه ، بس بقى ليها حياتها شغل وجامعة وأصحاب وأخويا زيها ، انا مش عارفة اتخطى ولا عارفة اتعايش وطول الوقت بهرب معرفش من اي بس بهرب من مواجهة من زعيق من البيت من مسئولياتي من الخروج من مقابلة الناس من مكالمات تليفون بحس فيها اني مش هعرف اكلم وهبهدل الدنيا بهرب حتى مني ومبقتش عارفة انا محتاجه اي ولا أوصل لإيه وحاسة ان انا لو كانت علاقتي مع البيت كويسه ده اللى هيخليني قادرة اتعامل مع الدنيا برا وهيخليني عارفة ان ورايا حد هيهتم ويسأل ويقدر وهيساعد وهيحمي؟

4

0