هل الفرحة مش هتدوم؟ وأنا واقع ف فخ المثالية

Question

انا بفرح اوى لما بكون مع الشخص الصح، بس اوقات بزعل لإنى مقتنع ان فرحتى مش هتدوم لإن اكيد هيحصل موقف هيخلينى ااخد جنب منه
هل ده طبيعى ؟ حاسس ان انا واقع ف فخ المثالية

بس فنفس الوقت متأكد إن البشر تركيبتهم غريبة ومُعقدة وصعب جدًا إنك تفهم كليًا شخص واحد، مش عارف انا لوحدى ولا فيه غيرى بيمر بنفس التجربة

لدرجة إن أوقات بستغنى عن إنى الاقى حد أتكلم معاه، والسبب الوحيد اللى بكتب فيه الكلام ده هنا.. هو انى عارف اننا أغراب عن بعض
يمكن لو حصل عكس كدة مكنتش هتلاقوا اسمى فى البوستس اصلًا!

Donut_31531 🇪🇬 · Accepted Answer

و فكرة بقي انك صعب تفهم شخص دي حقيقة لأن ده طبيعي انت ممكن تعرف شخص و تفهمه بنسبة كبيرة و تفتحوا قلوبكم أيوة بس كلنا بيبقي عندنا جانب شخصي برده بنحتفظ بيه لحالنا ف اللي انا بحاول اعمله و اقدر انصحك بيه هو انك تتعامل ببساطة و برة المثالية و هتقدر تفهم الناس اللي حواليك عادي و كل حاجة سلم امورك لله و حاول تبطل تفكير و عيش ببساطة و ربنا يريح بالك و يكرمك إن شاء الله 🤍

Avocado_52322 🇪🇬 · Answer

بحس نفس الاحساس لكن المفروض نبطل تشاؤم ونستمتع باللحظات الحلوه من غير ما نفكر فيما بعدها ..أما فخ المثاليه ف ده موضوع تاني وكبير وبعيد عن موضوع فهم الناس وكده

Avocado_52322 🇪🇬 · Answer

بحس نفس الاحساس لكن المفروض نبطل تشاؤم ونستمتع باللحظات الحلوه من غير ما نفكر فيما بعدها ..أما فخ المثاليه ف ده موضوع تاني وكبير وبعيد عن موضوع فهم الناس وكده

French Fries_14743 🇪🇬 · Answer

هو مش تشاؤم على قد ماهو واقع بنعيشه بس المشكلة اننا بنعيشه من قبل مايحصل..
زى ما انت قلت إننا نستمتع باللحظة اكتر، بس ازاى هنستمتع واحنا متوقعين اللى حيحصل بعد كدة ؟

ازاى ممكن يكون فيه توافق مابين اننا نعيش ومابين اننا نكمّل بدون مانخاف أو نقلق يا أڤوكادو 🤔

French Fries_26228 🇪🇬 · Answer

حط فبالك انك مستحيل تقدر اصلا تفهم بني آدم لان انت مش هو ومحدش بيفهم حد اصلا بس في حد بيتفهم حد وهنا الفرق انت مش مطلوب منك تفهم مطلوب منك تتفهم عشان تعرف تتعامل

French Fries_26228 🇪🇬 · Answer

مهي المشكله التوقعات دي نفسها انت ليه تحط توقعات من الأساس؟ التوقعات هي اللي بتهدم كل حاجه بالذات ف الأشخاص

French Fries_14743 🇪🇬 · Answer

معنديش مشكلة إنى أتفهم، بس ده لوحده مش هيخلينى استوعب انا ليه موجود فى العلاقة دى ؟
نفترض ان حصل حاجة ما خليتنى احس ان انا مليش لازمة وانا مع شخص
لاحظى انى قولت" احسسس"
وتفهمّت إن صوابعنا مش زى بعضها وبسبب إختلاف كل واحد فينا بنقرر احيانًا نتخلى عن كرامتنا فى سبيل إننا نلاقى سبب نرجّع العلاقة من تانى زى ماكانت..
بس هل الطرف التانى هيتفهّم لما يلاقى منى انى حسسته انه ملوش قيمة ؟ 🤔 (هنا السؤال)

French Fries_14743 🇪🇬 · Answer

التوقعات السلبية شيئ بيحمينا من صدمة الواقع
ولإن فيه حاجة إسمها "مشاعر" و "طاقة" مابين الإنسان والتانى… فطبيعى اننا نخاف اوى على مشاعرنا وطاقتنا تكون مع الشخص الغلط من البداية!!

French Fries_26228 🇪🇬 · Answer

انت من البدايه اوي مفروض تبقى عارف انت ليه موجود مع الشخص ده انما حتت ان الشخص ده يتفهم انك حسسته انه ملوش قيمه عندك دي حاجه تختلف من شخص للتاني لز شخص عنده استحقاق لنفسه وكرامه مش هيتقبل الحاجه دي انت لو من الاول مش عايزه فحياتك ليه تدخله ليها اصلا؟؟تبقى المشكله منك انت ليه تدخله وبعدين تحسسه انه ملوش قيمه!؟

French Fries_26228 🇪🇬 · Answer

ما اتفق معاك هقولك ليه لان لو بجد انت حابب تحمي نفسك مش هتحط اي توقع سواء ايجابي او سلبي ومن البدايه انت بتقدر تعرف الشخص ظه ينفع يكون فحياتك او مينفعش وحتى لو الحاجه دي مبانتش الوقت كفيل جدا يبين الحاجه دي و عن تجربه بس هل هتزعل على الوقت اللي ضيعته؟لا طبعا هتتعلم من اللي حصل انما فمره انك دايما توقعاتك سلبيه او بتحط توقعات عموما وتبعد نفسك اوي وتحسس اللي قدامك ولاشي صدقني مش هتاذي حد غير نفسك

Donut_31531 🇪🇬 · Answer

انا عندي نفس الموضوع  بجد بس ده مش صح بحاول دايما اقنع نفسي أن لازم ابطل ده و اسلم اموري كلها لله مش افكر كتير و لا أرهق نفسي و علي فكرة مش في حد مثالي و فخ المثالية ده بيبقي حاجة وهمية و مؤقته و كمان بتبقي مرهقة جدا بلاش تحاول تفضل فيه تعامل علي طبيعتك و بالحدود اللي انت المفروض تعملها لنفسك و ب أن في صح و في غلط خليها بسيطة و هون علي نفسك

Donut_31531 🇪🇬 · Answer

انا عندي نفس الموضوع  بجد بس ده مش صح بحاول دايما اقنع نفسي أن لازم ابطل ده و اسلم اموري كلها لله مش افكر كتير و لا أرهق نفسي و علي فكرة مش في حد مثالي و فخ المثالية ده بيبقي حاجة وهمية و مؤقته و كمان بتبقي مرهقة جدا بلاش تحاول تفضل فيه تعامل علي طبيعتك و بالحدود اللي انت المفروض تعملها لنفسك و ب أن في صح و في غلط خليها بسيطة و هون علي نفسك

French Fries_14743 🇪🇬 · Answer

اجمل دعوة بجد يا دونات 🍩🤎🤎🤎
شكرًا جدًا على كلامك ودعمك النفسى ليا

French Fries_14743 🇪🇬 · Answer

كل بنى ادم فالدنيا ليه قيمة، واكيد محدش هيستنى منى إنى اديله قيمته الا لو كان هو فاقدها!
ومش دورى إنى ألعب دور الأب الروحى فى حياة الناس
واحسسهم طول الوقت ان كل حاجة تمام والأمور بخير 
واننا فاهمك وحاسس بيكى و..و..

الوجع هو مسئولية الموجوع نفسه
كلنا ناقصين اهتمام… كلنا حرفيًا
بس فيه اهتمام انت بتكمّله بينك وبين نفسك
وفيه اهتمام بتكون مستنيه من الناس… بس الاهتمام اللى انت مستنيه منهم لازم بدون مبالغ

French Fries_14743 🇪🇬 · Answer

ومش لازم نبان بيرفكت فى كل حاجة فعلاقتنا علشان نكمّل سوا
احنا بشر عايشين عالأرض مش فى الجنة !!

ليه الناس بتكون مستنية منى إن انا اللى اضحى وأتنازل
فى سبيل إنهم مش بيعملوا ده بنفس القدر اللى انا بعمله ليهم رغم إنى بعمل ده بدون انتظار شيئ

بس الناس اللى زى دى مستنيين منى اكون سوبر هيرو ومنقذ حياتهم الأبدى اللى مش هيجى بعده ولا زيه فالكون!
فى حين ان الكلام ده اصلًا مش عقلانى

Donut_31531 🇪🇬 · Answer

الشكر لله ده من ذوقك ربنا معاك يا رب 🤍

French Fries_14743 🇪🇬 · Answer

انا حرفيًا بقيت مستعد إنى أتخلى لو حسيت إن اللى قدامى هيدفعنى ضريبة انا المفروض مدفعهاش لإنها فوق طاقتى
ولو فرضنا انى دفعتها بردو مش هعجبه فالآخر!
لإن البنى ادم بطبعه انانى وطماع ودايمًا عايز الأحسن والأكتر
ومش بيبص للى بين ايديه بس بيبص للى ناقصه دايمًا

French Fries_14743 🇪🇬 · Answer

جايز يكون عندك حق فعلًا!

French Fries_26228 🇪🇬 · Answer

في فرق مابين قيمه الشخص لنفسه وقيمته العامه ومابين قيمته "عندك" ف متخلبطش بينهم ومحدش قال تهتم بالشخص وتلعب دور الاب الروحي والكلام ده كله افهم مقصدي من كلامي الاول

French Fries_26228 🇪🇬 · Answer

محدش طالب منك تكون بيرفكت فعلاقتك بيه بس ع الاقل تكون انت بحقيقتك ومحدش برضو طالب منك انك تتنازل وتضحي لان التضحيه دي مش لأي حد اصلا وحاجه بتختارها بنفسك مش حاجه مغصوب عليها فمتضحيش بحاجه بكامل اختيارك بعدين تزعل وتقول انا ضحيت

French Fries_26228 🇪🇬 · Answer

و ده الصح اصلا +متعممش مش كل الناس مبتبصش للي بين ايديها في ناس بتبص للنص المليان من الكبايه وفي ناس بتبص للجزء الفاضي ة ف الأخير الحوار ده كله انت واختيارك للناس وان حتى لو طلعو ناس غلط تعرف امتى تبعد منهم عشان متتعبش بعدين وتقول انا عملت وفعلت ومتقدرتش احيانا بنكون عميانين

French Fries_14743 🇪🇬 · Answer

عندك حق، شكرًا جدًا على إهتمامك يافرينش فرايز!

French Fries_26228 🇪🇬 · Answer

العفو ولو any time يا فرينش فرايز