هل التحرش وأنا صغيرة خلاني امستربيت؟

Question

معلش سؤال لو حد ليه علم بالموضوع او لو ميعرفش الاجابة ويعرف الاقي الاجابه فين ياريت يقولي، هل التعرض للتحرش وانا صغيره ممكن يخليني اعمل نفس الفعل ده مع نفسي بطريقة الميستربست؟ يعني السبب اللي بيخليني او كان بيخليني امستربيت انا دلوقتي الحمدلله بجاهد في نفسي على قد ما اقدر وبعدت عن الذنب ده بس عايزه افهم ايه اللي خلاني اعمل كده هل كان بسبب تعرضي للتحرش وانا صغيره ولا ملهاش علاقه بالموضوع اوي؟

Avocado_51186 🇧🇭 · Accepted Answer

اعتقد الموضوع مالهوش اي علاقة بتعرضك للتحرش قبل كده والموضوع بمنتهي البساطه شهوة زياده عندك مع فضول زيادة من سماعك للموضوع ده من حد قريب منك وكنتي عاوزه تجربي ولما حسيتي بالمتعه عجبك الموضوع 
عموما حاولي تخرجي نفسك بره الشك ده وان شاء الله تقدري تبطلي علشان ميأثرش علي حياتك في المستقبل

Cherry_17785 🇪🇬 · Answer

لا دي ليها علاقة بسنك بس انك في فترة هي دي هرموناتك

Chilli_51507 🇪🇬 · Answer

بس انا عديت مرحلة المراهقه اساساً انا في تانيه جامعة والموضوع ده معايا من تانيه ثانوي تقريباً

Cherry_17785 🇪🇬 · Answer

مش مراهقة دي هرموناتك الطبيعي يحصل كدا بس طبعا كل واخد بيختلف عن التاني

Chilli_51507 🇪🇬 · Answer

يعني ملهاش علاقة بحادثة التحرش اللي اتعرضتلها مجرد هرمونات وزيادة شهوة بس مش كده ، بس ممكن تتعالج يعني انا بعرف اتحكم في الفعل بس في الشعور ممكن معرفش اوي وممكن تاخد حيز من تفكيري لمدة صغيره بعدين بخليها تروح عشان معملش حاجه تاني ف هل على المدى البعيد ممكن الشعور ده يقل تماماً وابطل افكر فيه ولا دي خلاص بقت حاجه في جسمي وطبيعة هرموناتي كده

Sugar_49511 🇪🇬 · Answer

في ناس بيحصل معاهم نفس الموضوع بسبب التحرش و في بسبب هرمونات و ممكن يكون السبب مشترك بين الأتنين بس سواءً كده أو كده انتي لازم تتحكمي في نفسك عشان تقدري تبطلي الموضوع ده

Chilli_51507 🇪🇬 · Answer

اتحسنت عن الاول انا مكنتش مدمنه في الموضوع بس ولو كنت بعمل مره او مرتين في الاسبوع كان بيأثر برضو حتى لو مكنتش مدمناه كنت هدمنه بس كنت عايزه اعرف السبب مش اكتر لاني بتحكم في الفعل اه بس في الشعور مش بقدر نوعاً ما ببقى لازم اشتت نفسي بقدر الإمكان واوقات مبتنفعش

Sugar_49511 🇪🇬 · Answer

جربي ان كل ما الشعور ده يجيلك قومي اقرأي في القرآن و اكيد هيساعدك عشان مفيش احسن من ربنا

Chilli_51507 🇪🇬 · Answer

حاضر وشكراً

Ice Cream_50693 🇪🇬 · Answer

ملهاش اي علاقه بتحرش او بغيره ممكن اسباب تانيه انتي مش موضحاها

Chilli_51507 🇪🇬 · Answer

زي؟

Ice Cream_50693 🇪🇬 · Answer

ان حد قالك علي تجربتها فالموضوع بقي بسيط بالنسبالك فحبيتي او شوفتي موقف فحصل...... فجربتي تاني فحبيتي او هكذا يعني

Chilli_51507 🇪🇬 · Answer

ممكن فعلاً ، تمام شكراً

Ice Cream_50693 🇪🇬 · Answer

ان شاء الله تبقي افضل ❤️

Cherry_20253 🇪🇬 · Answer

مش هينفع تحددي لمجرد موقغ اتعرضي ليه وخلاص، ممكن يكون فيه اسباب تانية...
فلازم تحددي ايه الحاجات اللي عرفتك عليها أول مرة.

Chilli_40631 🇪🇬 · Answer

طبعا زي ما الناس المحترمه الي هنا قالت مش لازم يبقا ليها علاقه بالتحرش هي هرمونات طبيعي يبقا في كده لاكن ممكن يكون عرفتي  من حد الموضوع ده ومن فضولك تخيلتي وجربتي فا بقيتي صعب تبعدي و في اسباب تانيه لاكن انشاء الله ربنا يقويكي وتجاهدي نفسك ربنا معاكي

Sugar_44866 🇪🇬 · Answer

ملهاش اي علاقه دي بتكون انتي سمعتي عن الحاجه دي وعايزه تجربي فا بتجربي مره وبتعجبك وبتستمري فا كدا والحاجه دي بتأثر علي مركز المتعه في المخ فا بتستمتعي ثلاث او اربع ثواني بس فاكل ما تكوني عايزه تعملي كدا افتكري ان ربنا شايفك وبس

French Fries_51508 🇪🇬 · Answer

مبطله الحمدلله بس المشكله في الشعور مش اكتر يعني هل في طريقة تخلي الشهوة دي تقل او تبقى في الطبيعي عادي ؟ + انا نفس الاكونت بس معرفتش ارجعه ف عملت واحد جديد

French Fries_51508 🇪🇬 · Answer

وشكراً لاي حد قال رأيه ساعد كتير بجد والحمدلله بجاهد في نفسي على قد ما اقدر دعواتكم ليا ان ربنا يعيني على تركي للذنب ده تماماً وابطل افكر فيه نهائي🙏🏻

Avocado_51186 🇧🇭 · Answer

بصي ما فيش شهوة بتقل واللي هيقولك بتقل يبقي بيضحك عليكي .. التحكم كله عندك انتي وده بيرجع لتفاصيل يومك كانت ازاي يعني لو يومك كان مشحون جامعه ومذاكره وشغل في البيت وكده يعني مش هتدي لنفسك فرصه ان الشعور ده يطاردك ودايما حاولي متقعديش لوحدك وتسيبي نفسك لدماغك

French Fries_51508 🇪🇬 · Answer

حاضر شكراً بجد

Marshmallow_51284 🇪🇬 · Answer

بصي نفسيا احيانا بيبقي ليه علاقه بس بنسبه مش كبيره علشان لو اتعرضتي لكده و انتي صغيره في أغلب الأحيانا المخ بيحاول يشيل المواقف الي زي كده مش كل الاوقات بس الاغلب و حتي لو متشالتش فإنني دلوقتي كبيرة و بقيتي فاهمه إن ده غلط و عملتي يبقي ده نابع منك انتي مش من الي اتغرضتي ليه

French Fries_51508 🇪🇬 · Answer

كلامك صح بطريقة خلتني اقرف من نفسي اكتر ما انا قرفانه منها والمشكله اني مش بمستربيت لاني حابه ده بالعكس تماماً انا بيطلع من غير ارادتي ومش ببقى مخططه لحاجه نهائي ف عشان كده سألت من كتر ما انا حاسه بالذنب واحساس الخزي مأثر عليا بسبب الموضوع ده واشوف سببه عشان اقدر احله وانا كده كده مبطله بس عشان مرجعش انتكس من جديد واضمن اني مش هعمل كده تاني

Marshmallow_51284 🇪🇬 · Answer

متحسيش بكده بالعكس افرحي انك قدرتي تبطلي الحاجه دي في ناس غيرك معندناش نفس الإرادة بتاعتك عاش عليكي و كملي بنفس الارادة و ربنا بيسامح أدام ما انتي ندمانه و رجعتي عن غلطك خليكي فخوره بنفسك انك قدرتي تقاومي