خايفة أوافق عريس من السعودية يطلع مش كويس

Question

جماعه انا عندي 18 سنه من مصر حياتي مش احسن حاجه وعندي مشاكل كتير مع اهلى وحالتي النفسيه مش احسن حاجه غير كدا كل يوم زعيق وضرب ع اتفه الأسباب من ماما فا انا حابه اطلع من البيت بأي شكل لاني تعبت جامد بجد فقولت اني اتجوز فا خايفه اتجوز يطلع اسود من عائلتي فا اتعرفت ع واحد من السعوديه محكتلهوش حاجه عني ولا عن المشاكل اللى بمر بيها وقال انو حابب يتجوز من مصر وهوا عندو 31 سنه ومرتاح ماديا جدا انا ميفرقش معايا الماديات انا بس عاوزه اطلع من البيت المشكله اني خايفه اوافق بيه يطلع مش كويس ويتجوز عليا أو يخوني انا لما كلمته وكدا كان كويس جدا بس ساعات بيتكلم بطريقه شهوانيه ودي حاجه مقلقاني جامد منه هل بقا اوافق انو يجي يتقدملى ولا ؟

Apple_71528 🇪🇬 · Accepted Answer

اياكى تعملى كده هتندمى

Kiwi_78579 🇪🇬 · Answer

من عذاب إلى عذاب، دا مش حل، لو بتسألي على نصيحة متوافقيش

Sugar_49832 🇪🇬 · Answer

اوعى اوعى تعملى كدة 
هتخرجى من النار للجحيم 
انتى لسة صغيرة حاولى تتجنبى الصدام والخناق مع اهلك واقفلى باب التعارف دة من عقلك خاالص 
لو انتى بقالك 18 سنة مع اهلك هتتجوزى وتبقى دى حياتك العمر كله 
خلى عندك يقين فى ربنا انه هيعوضك ويجبر خاطرك وخليكى طماعة فى الدعاء 
واوعى تتنازلى فى حقوقك عشان تمشى ..صدقينى مش هترتاحى

Sugar_49832 🇪🇬 · Answer

قبل ما تفكرى فى خطوة الجواز خلى جوا قلبك وعقلك ولادك اللى هتخلفيهم وتجيبيهم الدنيا ، واختارى ليهم الاب اللى تتمنيه لنفسك 
عشان ما تتجوزيش واحد ياذيهم زى ما انتى اتاذينى ، عشان متحسيش بالعجز 
ادعى كتير واصبرى لعل ربنا يعوضك خير على اللى شوفتيه 
وربنا يجبر خاطرك ويطمن قلبك يارب يا جميل 🤍

Pineapple_59780 🇪🇬 · Answer

علي حسب لو هو فعلا رجل كويس وهيتجوزك علي سنه الله ورسوله ليه لا.

بس اهم حاجه أنه دائما تكوني في عيلتك مكرمه ولا تتكلمي عنهم بسوء لأنهم اهلك. لو حس لحظه أنك وحدك ممكن يستضعفك وتبقي في عذاب أعظم بكتير.

لذلك لو شايفه أن الزواج مخرج من عيلتك كهروب الافضل لا وتواجهي المشكله مع أهلك وتفهمي اسبابهم اكيد بيحبوكي وعاوزين لك الخير

Avocado_80616 🇪🇬 · Answer

انا محكتلهوش عن اى مشاكل مع اهلى خالص بالعكس أنا شكرت فيهم وقولتلو أنهم ميتعوضوش وهما فعلا ميتعوضوش بس بجد أعلى قاسيين عليا جامد ياريت بالكلام بس هما بيضربوني كمان على اى حاجه  وهوا هيتجوزني على سنه الله ورسوله بس كل الفكره اني خايفه اطلع من عذاب اروح لعذاب

Avocado_80616 🇪🇬 · Answer

حاضر

Cookies_57780 🇪🇬 · Answer

الله يباركلك اصبري شويه، عارف اني مقدرش احس ب الألم الي بتحسيه مع أهلك، بس للأسف افضل حاجه انك تصبري شويه، مينفعش تستعجلي في حاجه زي دي! ابداً ممكن يرفض يطلقك او حاجه ممكن يكون اسوء قرار في حياتك، و فكرة انه شهواني معناها عاوز يتجوز للشهوه بس!! مينفعش والله فكري فيها بالعقل انا عارف انك شايفاه مخرج بس ده مش مخرج، ده مجرد مدخل لبوابه تانيه من العذاب النفسي، متستعجليش، اما بخصوص اهلك ف معرفش تعملي اي

Cookies_57780 🇪🇬 · Answer

و ممكن (ممكن) تبلغي البوليس عن اهلك لو الموضوع زاد اوي، و يحصل الي يحصل، بس القرار ده على مسئوليتك ، كل حاجه على مسئوليتك عامةً انا بس بقول اقتراحات

Chilli_76873 🇪🇬 · Answer

ابعدى ابعدى ابعدى حرفيا هتسافرى ليه هناك كلها كام شهر وهيطلع عينك شوفى اى واحده اتجوزت وسافرت هناك ما شفتش غير الاهانه والزول

Avocado_80616 🇪🇬 · Answer

بوليس اى دا انا اموت فيها 😂

Avocado_80616 🇪🇬 · Answer

ما اهلى غاصبين عليا اتجوز واحد قريبي لما اخلص تالته وانا مش حباه خالص بجد

Sugar_49832 🇪🇬 · Answer

متستعجليش الامور يا جميل 
لسة السنة ما خلصتش ، لعل الله يحدث بعد ذلك امرا 
ابسط ما فيها مهما كانوا اهلك قاسيين بس مش هيستحملوا ان حد ياذيكى 
انتى هنا وسط اهلك وناسك لكن لو سافرتى هتلاقى نفسك فى دنيا تانية محدش دارى بيكى ولا بحالك

Tomato_53303 🇪🇬 · Answer

نار اهلك ولا جوازك من السعودي ده

Chilli_69971 🇪🇬 · Answer

اهل السعودية طيبين بس فيهم زي مصر يعني الكويس والوحش، بس الاكيد انه عندهم فكرة التعدد في الزواج عادية جدا بيتجوزوا اكتر من واحدة،، ف غالبا هيتجوز عليكي خصوصا لو مقتدر ماديا، ده ميمنعش انه ممكن يكون طيب، ده قرارك بقى