سؤال بيدور ف دماغي بقاله كتير اوي... هل أنا فعلاً محتاج حد ف حياتي أشاركه زعلي وفرحي ومشاعري وكل حاجة، ولا عادي مش لازم وممكن أكمل لوحدي على طول؟ أكتر وقت بحس إني محتاج حد معايا فعلاً هو الوقت ده، لما ببقا تايه كده و مضايق من كل حاجة ومش عارف اروح أقول لمين ومش عارف أخرج مشاعري دي لمين، بس لما كل ده بيعدي بحس انه عادي ممكن أبقا لوحدي وخلاص....ف خايف اني لو ارتبطت بحد أبقا كده برتبط عشان أداوي إحساسي بالوحدة والزعل ده واللي هو حد كده يهون عليا حياتي وخلاص، مش عارف بجد الموضوع بيتحسب ازاي ومش عارف عشان مرتبطتش قبل كده وف نفس الوقت معنديش صاحب اروح اقوله واحكيله كل اللي ف قلبي ويسمعني ويكلمني من قلبه من غير ما يزهق أوي يمل... لأن ببساطة بحس ان محدش عايز يسمع مشاكل غيره او محدش مهتم أو اياً كان السبب بس انا زهقت من الوحدة دي وبحاول أضغط على نفسي وأكمل كده بس مفيش فترة بسيطة وبرجع اتعب تاني.

10

0