قرفان من مصر وعاوز أشوف حياة تانية

Question

بصراحة
أنا نفسي اسيب مصر اوي 
أنا قرفان من مصر بشكل غير طبيعي
قرفان من كل حاجة عيني بتشوفها 
بقيت بحاول قدر الامكان اني متكلمش مع حد متعاملش مع حد
الناس هنا مش منطقيين ولا عاطفيين 
بشاعة غير طبيعية 
الموضوع ملوش علاقة ب المادة 
أنا عيني تعبت من الخرسانة و المباني سواء في المناطق الشعبية او في المناطق ال a class
أنا عاوز اشوف اماكن خضرا و متكونش ب مليون جنيه فاليوم
العالم مش كدة و الحياة مش المفروض تكون كدة
عاوز اشوف ناس تانيين ناس عايشة ناس بتحب الحياة
كفاية كدة

Lemon_57865 🇪🇬 · Accepted Answer

فعلا اكتر حاجه وحشه هي ان مفيش مناظر طبيعيه ،علي الرغم من اننا بلد زراعيه 
بس متفكرش ان برا مصر هيكون جنه يعني كل مكان له مميزات و عيوب

Banana_65339 🇪🇬 · Answer

صدقني يسطا العالم كله الي مقرف مش بس مصر

Croissant_65335 🇪🇬 · Answer

بس على الاقل احسن من اللي احنا فيه

Croissant_65335 🇪🇬 · Answer

البلد الزراعيه اللي بتقول عليها دي ياصحبي لحد حالاً الناس بتوعها بيقطعوا الشجر اللي بقاله مئات السنين موجود

Biscuit_65114 🇪🇬 · Answer

جرب تزور حديقة المنتزة

Coffee_64566 🇪🇬 · Answer

انا بصراحه نفس مشكلتك ولكن المفروض انك تشتغل على نفسك لعند متعرف تطلع من البلد بجد هوه فعلا الوضع لا يطاق

Croissant_65335 🇪🇬 · Answer

ايه علاقة الرجوله بانك عايز تشوف الطبيعه والشجر وناس واعيه ونظام واعي ولا انت اتعودت على نظام العبوديه والنطاعه والجهل

Croissant_65335 🇪🇬 · Answer

دي يادوب ١٪؜

Croissant_65335 🇪🇬 · Answer

ماهو مبقاش في حاجه اسمها اشتغل على نفسك لحد ما تطلع منها انت ممكن تشتغل على نفسك لحد ما تموت فيها

Banana_49508 🇸🇦 · Answer

المكان اللي حضرتك بتدور عليه في الجنه فقط رزقنا الله جميعا حسن الخاتمة

Croissant_65335 🇪🇬 · Answer

حضرتك انا مش بتكلم عن الاشجار بس انا بتكلم عن النظام بشكل عام والوعي والحكو.مه والجهل اللي متمدد وسط الشعب والعته بجد دي الحاجات اللي تخنق

Pineapple_30761 🇪🇬 · Answer

نفس التفكير بظبطططط هيهون عليا شويه اشوف اماكن حلوه او مناظر طبيعيه تفتح النفس

Croissant_65335 🇪🇬 · Answer

الموضوع بيفرق جداً جداً على الاقل بيطلعك من الغيبوبة بتاعك النظام اللي عايشين فيه بحس وقتها اني باخد نفس باخد هدنه مع نفسي عشان هعود من تاني للمعركه الكبرى المعركه اللي بتواجهه فيها كل حاجه لوحدك من سيا.سه وتعمل مع ناس لا تفقه شيء في الدنيا من اخلاق ودين وتعامل مع بشر بجد ربنا ينجينا منها

Kiwi_62168 🇪🇬 · Answer

دي حقيقه والله نفس الشئ