أنا بقالّي فترة نفسي أفضفض، حاسة إني بكتم كتير جوايا وبقيت زهقانة من كتر ما بسكت، عايزة ألاقي نفسي وأفهم أنا فعلًا عايزة إيه، الأيام دي مش ثابتة على حال، ساعات بحس إني عايزة أعيش علاقة حب تاني وساعات أقول لنفسي هو إحنا هنضعف ولا إيه، خصوصًا لما حد قالي إني أنانية مع إن عمري ما حد قالي كده قبل، وأنا مش أنانية، أنا بس تعبانة وعايزة أرتاح وأفهم نفسي، بحس إني بجري ومش قادرة أقف أتنفس، تايهة وكإني في حاجة ضايعة مني ومش عارفة أوصل لها، مش عارفة أنا فين ولا رايحة على فين، وصاحبتي قالتلي يمكن علشان ملقتيش حد شبهك فمش عارفة تلاقي نفسك، ويمكن عندها حق، لأن فعلًا ما لقيتش حد يكملني، وبالليل بقعد أفكر طب أنا عايزة إيه وعايزة أعمل إيه، وبحس إن في حاجة مقفولة جوايا ومش لاقية مفتاحها، نفسي أطلع اللي جوايا بس مش قادرة ومش عارفة أبدأ منين.

1

26