طالبة ثانوي مش عارفة تتحكم في الفون والنت - نصيحة سريعة

Question

انا عاوزه نصيحه انا واحده في تالته ثانوي 
حياتي ماشيه بالعكس مش عارفه اعمل ايه 
مش هقول معنديش شغف بس انا بدأت السنه غلط 
وانا من النوع اللي لو حط في باله حاجه هيجيبها بس الفون والنت بيشدوني بقيت ماسكه فيهم طول الوقت 
في دروس باخدها اون لين بسبب الدروس وافتح تيك توك أو يوتيوب وأتابع مسلسلات 
وحاجه في منتي القرف 
ولما اقول هقفل التليفون ومش هفتح نت تاني 
ألاقي انا عندي تراكمات ومحتاجه افتح عشان ألم المنهج اللي لتراكم علياا 
وبرجع لنفس النقطه تاني برجع افتح نت والوقت بيعدي انا معرفش اي حاجه في المنهج حتي الآن
ممكن نصيحه سريعه

Guava_29799 🇪🇬 · Accepted Answer

بصي ده كلام من واحده لسه مخلصه ثالثه ثانوي لسه قدامك وقت طويل جدا و هتلحقي تلمي اللي واقع منك الموضوع كله بس شوية اصرار كنت منزله تطبيق اسمه dijital detox
التطبيق ده علشان انا كنت دايما بضيع وقتي على التليفون كان بيقفل الفون و بشغل التطبيقات اللي انا بذاكر عليها بس استخدمت التطبيق ده كذه مره كنت بحدد وقت طويل يقفل و لما يفتح بعتبرها كمكافأه بقعد عليه شويه و اقفل الفون تاني و بجد جاب معايا نتيجه

Ice Cream_20764 🇪🇬 · Answer

عارفه انا نفس حالك بالظبط اول وأصعب خطوه خدتها اني أديت لماما الموبايل ومبقيتش بشوفو غير وانى نازله حصه عشان يبقي معايا وسيله تواصل وانا برا البيت غير كدا مبشوفوش بقالي يومين اهو هتقوليلي طب والمواد اللي باخدها اونلاين هقولك اكيد معاكي تابلت المدرسه هكريه ونزلي عليه كل المنصات اللي بتذاكري منها وحاولي متنزليش اي ابلكيشن تاني عشان لو عملتي كدا ف كأننا معملناش اي حاجه ونفس المشكله هتواجهك بس كدا

Ice Cream_20764 🇪🇬 · Answer

الوقت اللي كنتي بتضيعيه فالموبايل هيبقي فاضي ومفيش اي حاجه تعمليها غير انك تذاكري وتلمي اللي  متراكم عليكي وتشدي حيلك كدا وربنا يوفقك وييسر حالك ويجبر بخاطرك اخر السنه يارب💗

Mango_29574 🇪🇬 · Answer

اتعاملى مع نفسك بنظام المكافأة 
يعنى لو خلصت المذاكره اللى عليكى تفتحى التيليفون براحتك و لو مخلصتيش أو مسكتيه قبل ما تخلصى تعاقبى نفسك بحاجه مبتحبيهاش أو حاجه صعبه و تقيله عليكى ، زى انك تستحمى بدش ساقع فى البرد أو تعملى تمرين صعب عليكى أو تشيلى حاجه تقيله لمده قصيره 
اسلوب الثواب والعقاب هيساعدك فى حاجات كتير أو بمعنى أصح اسلوب التأديب

Marshmallow_29677 🇪🇬 · Answer

حاولي تتحكمي في استخدامك انك تمسحي كل الابلكيشنز الي بتاخد من وقتك ولو تعرفي الفون ميبقاش معاكي يكون افضل وانتي اكيد معاكي التاب ادرسي منه لازم تحطي لنفسك هدف وابداي شوفي منهجك وادرسي واجتهدي ع اد ماتقدري انت ممكن كدا كدا تنجحي بس لازم يبقي عندك حاجه بتسعي ليها وهدف قدامك ربنا يوفقك وينجحك انتي وكل الطلاب امين يارب العالمين

Mushroom_29719 🇪🇬 · Answer

ادعيلي كتير ولكي بالمثل

Mushroom_29719 🇪🇬 · Answer

ادعيلي ولكي بالمثل

Mushroom_29719 🇪🇬 · Answer

ادعيلي ولكي بالمثل

Mushroom_29719 🇪🇬 · Answer

ادعيلي ولكي بالمثل

Marshmallow_29677 🇪🇬 · Answer

ربنا يهونها عليكي ويساعدك ويقدرك علي نفسك ويقدرك علي مذاكرتك ودراستك وينجحك ديما وفكري نفسك ديما اننا في الحياه عشان هدف معين وربنا بيعين عليه وبردو متحمليش نفسك فوق طاقتها اعملي الي ربنا يقدرك عليه وان شاء الله خير

Guava_29799 🇪🇬 · Answer

المهم بس بعد كده متراكميش حاجه تاني اهم حاجه تذاكري بعد كده اول باول حتى لو مش هتقطعي الكتاب المهم المعلومه اللي خدتيها تذاكريها علشان لو سيبتيها هتنسيها و هيبقى صعب انك تذاكريها بعد كده حاولي تنظمي وقتك اكتر و حاولي تختاري صحابك صح الناس اللي هتشجعك تذاكري و نصيحه بلاش تضيعي وقتك مع صحابك زياده عن اللزوم التليفون اعتبريه انه عدوك و هو اللي واقف في طريق مستقبلك مع الوقت هتلاقي نفسك مش حابه تمسكيه

Mushroom_29719 🇪🇬 · Answer

ان شاء الله هوصل لحلمي

Guava_29799 🇪🇬 · Answer

حاولي تعتمدي شويه على الجداول حددي لنفسك الحجات اللي انت مقرر عليكي تخلصيها و متقوميش او تقعدي على الفون الا لما تخلص و اعملي لنفسك مكافأه بعدها علشان تحفزي نفسك احساسك و انت بتشطبي حاجه خلصتيها من التودو ليست بجد مريح و هيفرق معاكي مع الوقت هتحسي الموضوع ممتع ان شاء الله و عاوزه اقلك هتمري بلحظات فقدان شغف كتير بس متسلتسلميش ليها و اعرفي انك قدها ربنا يوفقك

Strawberry_30302 🇪🇬 · Answer

انا طالبة طب الحمدلله 
عايزه اقولك انك حرفيا عندك وقت ولو بدأتي تبطلي تضيعي وقت من دلوقتي هتوصلي لحلمك بإذن الله 
بصي استعيني بالله مفيش حاجه اسمها انا مش قادره ابعد عن الفون 
بصي انتي مش لازم كل اليوم مذاكره اضبطي تلت أو أربع ساعات  مذاكره والعبي في الباقي بس المهم الكام ساعه دي متضيعيش وقتك واستعيني بالله ولو مسلمه صلي ركتين واقرأي صفحتين من القرآن قبل ما تبدأي ربنا هينور بصيرتك وربنا معاكي

Mushroom_29719 🇪🇬 · Answer

ممكن تتواصلي معايا علطول 
حابه اخد منك نصايح عشان نبقاا زملاء عمل يوما ما بإذن الله