انا اهلي مش من الاهل اللي بينصحوا اولادهم كل شوية و يزودو عليهم الرقابة لكن في الحقيقة بيسبونا نتعلم ونجرب ونغلط ولو زاد الغلط واقتها بيبقا في عقاب مرير والحقيقة اني هربي أولادي بنفس الطريقة بس ده مش موضوعنا انا اهلي نصحوني نصحتين علي مدار حياتي وحابه اشاركهم الاولي كانت من والدي في بداية سن المراهقة كنت مهتمه جدا بالميكب ففي مره والدي شافني كنت خارجه بفل ميكب فقالي ان جمالي الداخلي أهم بكتير من الخارجي وسكت ولكن الجملة دي خلتني طول مانا برا حطه راسي في الارض ومش عاوزه حد يشوف اللي علي وشي و مكررتهاش تاني غير في مره كنت خارجه مع والدتي بس كان خفيف لكن بصلي بصه فكرتني بكلامو ومسحت الميكب من قبل ما العربية تتحرك النصيحة التانيه كانت من والدتي قالتلي متهتميش بالارتباط والحب وركزى علي دراستك وتعليمك وبصي لجوزات اخواتك هل عاوزه تبقي زيهم القرار في ايدك والحقيقة النصيحة دي جات في وقتها لاني كنت معجبه بشب وبينا نظرات لكن بعد ما فكرت في كلامها الاعجاب ده اتمحى كل مره بفكر نفسي بالنصحتين دول وحبيت اشاركهم ربنا يطول فعمر اهلي ويحفظهم ♥️♥️

12

0