موضوع:

غضب الام الدائم

عموماً إحنا مهما عملنا مش هنقدر إننا نردلها جميلها علينا، المهم إن أكيد أي بيت بيحصل فيه مشاكل فانا نفس الموضوع، أمي من النوع اللي كتير كلام مثلا واللي بيزعق وحاجات كتير تانيه انا بحب أتغافل عنها علشان عارفه إن ده خير ليا وإن ربنا اللي إختارلي وإنه لا يُكلف نفس إلا وسعها ،فانا نفس الموضوع أكيد مقصره في حاجات كتير مثلا زي الحاجه اللي بتتعمل في البيت بس هي اللي عودتني اني معملش حاجه من صغري ومعلمتنيش أعمل حاجه ولكن انا بحاول دلوقت أساعد وكده لان ده واجب عليا ، فانا مثلا مش هقولكم اني انا طول الوقت لو مثلا فيه زعيق أو عاجه بقدر أسكت وأصبر يعني كل إنسان وعنده طاقه ، ولكن بواجه الموضوع ده بالصبر والإستعاذه بالله من الشيطان الرجيم لان هو أصلا بيبقى في الوقت ده شغال ع ودانا إن نغضب والدينا وبالتالي نغضب ربنا وبحاول مثلا مرودش ممكن أفرفش الموضوع شويه وأهزر أسيب الأوضه مثلا وأروح أوضه تانيه أدعي كتير وبذكر نفسي إن ربنا أمرني بالإحسان ليها وإن عقوقي ليها من الكبائر واني ممكن مدخلش الجنه بسبب حاجة زي كده فابلاقي نفسي لاء اللي هو لازم أهدي نفسي وكده كده المشكلة هتعدي وهي هتهدى فاأعديها أحسن وانا معملتش حاجة تغضب ربنا ، وعايزه أقولكم طول ماعلاقتي مع ربنا مستقره ومفيش فتور في العبادة بلاقي علاقتي بردو مع والدتي مستقرة سبحان الله نصيحتي ليكم الدعاء دايماً في أي حاجة واستشعروا إن ربنا رقيب عليكم في أي مكان وانكم هتُسألوا عن كل حاجة بتعملوها وإدعولي كتير بإن ربنا يرضى عني ويهديني ويغفرلي تقصيري وذنوبي ويصلح حالي ويرزقني حُسن الخاتمه ودخول الجنة بلا حساب ولا سابق عذاب وإنه يُعيني ع بِر والديني والصبر ع العبادة دي والهمه في فِعل العبادات ولكم بالمِثل أضعاف يارب ♡ أستودعكم الله الذي لا تضيع ودائعه♡

11

4