الدعاء

Pear_51536 🇪🇬

منذ 14 ساعة

شعور محبط

نفسي اقابل حد ابن حلال يحبني و يحتويني و يخاف عليا و يعرفني اكتر من نفسي بس يكون ابن حلال فعلا مش اللي بقابلهم أن بنت ناس و الله و مليش ف القرف اللي بشوفه ده و اللي بقابله حتي علي الابليكيشن هنا اه في محترمين بس قله قليله جدا جدا ادعولي بجد أن الاقي زوج صالح و ربنا يرزق الجميع نزوووىربةزءمسم

Chocolate_61979 🇪🇬

منذ أسبوع واحد

شعور مكتئب

انا عندى مشكله انا الحمد لله انسانه كويسه وعمرى مكنت وحشه ولا نيتي وحشه مع حد وربنا الحمد لله كارمنى بحجات كتير كويسه أولهم انى دخلت الكليه اللي كنت بتمنها واتخرجت بتقدير كويس وشغاله وامورى كويسه وبصلي دائما بس بدعي بحاجه معينه بقالي كتييييير اوى والله ياجماعه كتير سنين مثلا ولحد الان ربنا مستجاب

Strawberry_62145 🇪🇬

منذ 3 أسابيع

شعور مكسور القلب

اللي بتصلي وتسبح ربنا وبتقول االاذكار حتي الاغاني بطلت تسمعها ، وبتخب تساعد الناس ولو حد تعب من أهلها بتاخد عربيتها وتجرى وتصرف ، ... لكن ابتلاءها شديد وبقالها اربع سنين بتدعي ومفيش لاراحة ف القلب ولا الدعوة بتستجاب ، حتي أهلها عايشين ف حزن عليها ، وكل الدكاترة عايزنها تتعالج نفسي ، بس مفيش فايدة ،

Avocado_60231 🇪🇬

منذ شهر واحد

شعور لا مبالٍ

عبّر عن شعورك بشكل مجهول

مش عارف الي هقولوا ده حد هيفهموا ولا بس
انا نفسي ادخل الجنه اووى علشان ان شاء الله لما ادخل 
 هروح لسيدنا مصعب بن عمير واسأله اقوله استحملت الضرب من والدتك ازاي وقدرت تهاجر 
 هسأل العشرة المبشرين بالجنه ازاي قدروا يناموا لما عرفوا انهم هيدخلووا الجنه 
هروح لسيدنا عثمان ابن عفان واسأله ازاي قدرت تختم القرآن في ركعة؟
 هروح ابص الاقي البخاري وأقوله تعرف أنت ليك كتب كتير اوي عندنا شوفناها وبنحبها
هروح جرى عند سيدنا بلال واقوله بـ الله عليك أذن كدا نفسي اسمع صوتك
همشي أجرى في الجنة والعب واطير وافرح 
 هروح جرى واسأل ازاي سيدنا يونس قدر يفضل جوا بطن الحوت كل الفتره دي
 هجري لسيدنا على اسأله ازاي كنت صغير كدا وروحت نمت مكان الرسول صلى الله عليه وسلم ومخفتش
 هروح لسيدنا أبو بكر واقوله معقول في صحوبية زي صحوبيتك للرسول صلى الله عليه وسلم 
هروح لسيدنا موسى واقوله هما بجد قالوا ليك روح حارب انت وربك هما ازاي كانوا قاسيين كدا 
 همشي في الجنة وابكي وأقول يارب أنا كتير عليا النعمة دي يارب 
هروح جري عند سيدنا عمر بن الخطاب واقوله أنا بحبك اوي وبحب شجاعتك جدا واقوله اني بحب اقرأ أقواله اووي
 همشي اروح جرى لسيدنا يوسف وأقوله عارف قصتك احب القصص لقلبي عارف السورة اللِ نزلت ليك احبهم لقلبي 
 هروح لربنا واسأل اقوله يارب صحبي فلان هو فين يارب اجمعني بمن أحب 
 هروح لربنا وأقعد اقوله يارب أنا حصلي كذا وكذا يارب أنا انتكست كتير يارب بقيت بحاول اعمل اي حاجة توصلني للجنه هقعد اقوله يارب انا بحبك اوي
هفضل قاعد كتير أوي مع الرسول صلى الله عليه وسلم واقوله قد اي نفسي اشوفه قد اي بحبه واخليه يحكيلي ازاي قدر ينشر الإسلام

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_18947 🇪🇬

منذ شهر واحد

شعور خجول

نفسي أفتح البرنامج ده ألاقي حاجه إيجابيه بجد 🙂??‍ إفرحوا ي جماعة وحاولوا تنبسطوا في حياتكم بلاش تسيبوا نفسكم للحزن والمشاكل كده كده هي الدنيا معروفه إنها دار إبتلاء فإصبروا وإدعوا ربتا يرزقكم الحكمة علشان تفهموا ليه إبتلاكم بالإبتلاء ده وإتعودوا تركزوا في النِعم والله ي جماعة إحنا حقيقي في نِعم لا

Avocado_58061 🇪🇬 ربنا يفرح قلبك🤍

عرض الكل 21 نصيحة

عبّر عن شعورك بشكل مجهول

نفسي أفتح البرنامج ده ألاقي حاجه إيجابيه بجد 🙂??‍

إفرحوا ي جماعة وحاولوا تنبسطوا في حياتكم بلاش تسيبوا نفسكم للحزن والمشاكل كده كده هي الدنيا معروفه إنها دار إبتلاء فإصبروا وإدعوا ربتا يرزقكم الحكمة علشان تفهموا ليه إبتلاكم بالإبتلاء ده وإتعودوا تركزوا في النِعم والله ي جماعة إحنا حقيقي في نِعم لا تعد ولا تحصى زي مثلاً الصحة أو الوقت أو راحة البال أو الأهل أو المال أو القلب الحلو أو النَفس اللي بنتنفسه تخيل ! ونِعم تانيه كتير ملايين ، دايماً الشيطان شغال ع دماغنا وعايزنا نشغل تفكيرنا طول الوقت باللي ناقص في حياتنا مع إن الإنسان لو رضي بقضاء ربنا حقيقي ده هينعكس ع قلبه وهيرتاح ومش معنى كده إنه مثلا مش هيزعل بالعكس ده غصب عنه ولكن من جوه هيبقى قلبه راضي باللي ربنا قسمهوله 💕
وربنا يهون عليكم ويريح بالكم ويحل مشاكلكم كلها ويرزقكم القرب منه والأنس به وسكينة القلب وراحة البال وييسرلكم كل أمر في حياتكم ويوفقكم ويجعلكم راضيين ومجبورين الخاطر ويرزقكم بناس حنينه عليكم في حياتكم ويعوضكم بالعوض الجميل ويوفقكم في كل خطوة في حياتكم إن كانت خير ليكم ويرضى عنكم ويراضي قلوبكم الحلوة 😚💕

خليك إنسان لطيف وخلي قلبك حلو علشانك 💗

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_58105 🇪🇬

منذ شهر واحد

شعور شاعر بالملل

مبدأيا كده انا شخص من الشغل للبيت ومن البيت للشغل، الفكرة انى مش متجوز ولا حتى خاطب، اصل هخطب ازاى والعيشة بقت زى مانتو شايفين، الحمد لله على كل شيئ وانا راضى جدا الحمد لله بس برضو الواحد عايز الحلال وبطلب من ربنا ف كل صلاه العفة والستر انا مش طالب حل ولا حاجه بس حسيت انى عايز اقول كده وخلاص😂

Watermelon_18890 🇪🇬

منذ شهرين

شعور مليء بالحياة

موضوع:

الفلاش باك الي بيجي فجأه

يمكن مبحبش افتكر الموضوع ده بس للاسف مش عارفه اموڤ اون و كل حاجه بتيجي قدامي بتعمل فلاش باك ل من سنة و كام شهر... يمكن تكون تافهه للبعض لان كلهم بيتكلموا عن صحاب او حبايب بس الفلاش باك بتاعي مختلف... نرجع بالزمن ل من سنتين و انا ف تانيه اعدادي الترم تاني و بفكر ف اني مستحيل ادخل ثانوي عام عشان ال

Hazelnut_52786 🇪🇬 عرض ربنا قريب ربنا شايلك الأحسن والأجمل باذن الله لا تنظر الي الخلف ابني مستقبلك باذن الله

عرض الكل 11 نصيحة

عبّر عن شعورك بشكل مجهول

نرجع بالزمن ل من سنتين و انا ف تانيه اعدادي الترم تاني و بفكر ف اني مستحيل ادخل ثانوي عام عشان الظلم اللي بشوفه و بعقد النية اني خلاص مستحيل ادخلها ( ربنا يسامحني ع كمية الحلفانات اللي حلفتها اني مش هدخل ثانوي عامل💀)  و لقيت مدرسه اسمها stem مدرسة المتفوقين ف العلوم و التكنولوجيا و حسيت اني لقيت طوق نجاة حرفيًا بس طلع طوق نجاة سحبني للغريق..  المهم اني بدأت افهم شروطها و دنيتها و قولت ل صحبتي عليها و خلاص كنا بنتخيل بعض و احنا ف السكن سوا ( المدرسة داخلية)  و حاجه تحفه بس و انا ف الرحله دي علقت حاجات كتيره اوي ب ستيم و انا مش واخده بالي ..  اغاني هدوم مجات لايف ستايل معين حتى آيات قرآنية.. بقيت لما اسمع او اشوف حاجه من دول تلقائًيا اتخنق و اقعد ابكي و اشوف الدنيا سودا و افضل ع الحال ده فتره.... الحمد لله اتظلمت ف الترم الاول و مأخدتش الدرجه اللي كانت هتبقا السبب ف اني اقدر اقدم ع اختبارات القبول مع ان اجابتي كانت صح...  الترم التاني عشت اقذر فترات حياتي بجد...  فتره ضغط و تشتت ان خلاص كل الابواب اتقفلت..  مكنتش عامله خطه بديله عشان كانت كل الاشارات بتقول اني خلاص اتقبلت لا اتقبلت ايه ده انا خلاص ف المدرسة اهو... قعدت ادور ع كوم مدارس تاني لحد ما لقيت مدرسة ل التكنولوجيا و ال ai و اهلي مكانوش مقتنعين ولا صحبتي عشان المدرسة دبلوم و لو كملتي بعدها هتكملي جامعة خاصه..  الصراحه ولا انا كنت مقتنعه عشان ده مش شغفي..  انا عايزه ابقا دكتوره ف ليه ارمي نفسي الرميه دي..  هبقا مهندسه او مبرمجه حاجه تحفه بس مش شغفي( ادعولي ادخل علاج طبيعي🫵🏻✨)  المهم بعد كلام كتير من ناس كتير و كوم استشارات احدثكم من قلب اولى ثانوي عام ترم تاني و خلاص امتحاناتي كمان يومين ادعولي بردو...  رحله كانت صعبه لحد دلوقتي مش عارفه اموڤ اون و سابت فيا اثر سلبي جدًا و نظره كره ل ستيم و طلابها و اكتر حاجه بجد مخلياني كارهه نفسي اصلا اني فقدت نعمة الدعاء..  مبقتش بعرف ادعي..  كنت بدعي كتير اوي و بستنى اوقات الاستجابه و بين الصلاة و الاقامة و لو حد طالع عمره و كل الحاجات دي و اول ما مجبتش مجموعها مره واحده اكن لساني اتعقد... كنت بقعد حوالي ربع ساعه قبل الفطار ف رمضان ادعي..  دلوقتي مبقتش حتى عارفه ادعي ل اهلي او ليا..  مره واحده اول ما ابدأ ادعي الاقي دماغي فضيت..  ف بجد سلبياتها كانت اكتر من ايجابيتها مش ك مدرسة لان مهما تقولولي انها وحشه و فيها حاجات كتير وحشه ف انا معميه عن كل الحاجات دي بس انا قصدي ع الرحله و التجربه .

المهم متنسونيش من دعائكم و  طولت عليكم بس عادي احنا اهل صح؟ 🤌🏻✨

دمتم بخير🪷✨

Marshmallow_52049 🇪🇬

منذ 4 أشهر

شعور لا مبالٍ

هقول حاجه غيرت من نفسيتي كتير جدا جدا جدا و بقيت انسان احسن بسببها زمان لما كونت اشوف عربيه حلوه او بيت شكله حلو كونت اقول يااه شوف ياعم الناس العايشه اهي مش احنا لما كونت اشوف حد الدنيا معاه سهله كونت اقول ما سهله اهي و بيجيب و يودي (مش حسد والله دا عدم رضا علي الحال ) دايما دايما كونت ابص علي ال

عبّر عن شعورك بشكل مجهول

هقول حاجه غيرت من نفسيتي كتير جدا جدا جدا و بقيت انسان احسن بسببها

زمان لما كونت اشوف عربيه حلوه او بيت شكله حلو كونت اقول يااه شوف ياعم الناس العايشه اهي مش احنا لما كونت اشوف حد الدنيا معاه سهله كونت اقول ما سهله اهي و بيجيب و يودي (مش حسد والله دا عدم رضا علي الحال ) دايما دايما كونت ابص علي الفرق اللي بيني وبينهم و افضل ازعل في نفسي و اروح مخنوق

فااا كل اللي عملته غيرت نظرتي يعني لما اشوف عربيه حلوه اتبسط بشكله و اصورها و اتصور معاها و ادعي لصاحبها بالبركه فيها و ميتاذيش بسببها 
لما اشوف بيت قديم في حي راقي ببص براحه و اتبسط بشكلها وابقي فرحان و اتخيلها من جوه و ادعي لصاحبها بالستر 
و افضل اتفرج عليها و ابقي مبسوط و بشبع عيني منها 
لما اشوف حد الدنيا معاه سهله زي ما كونت بقول احاول ابقي لطيف معاه و اهزر معاه و نتكلم ألاقي عندي اللي مش عنده

لو عايز الحاجة زي اللي عنده ادعيله بيها بالستر و البركه بنيه صافيه و ربنا هيراضيك اوعي تبص علي الفرق دائماً اشتغل علي نفسك و تطور منها علشان تبقي زيه واحسن 
الخلاصه انا مفيش حاجه اتغيرت في حياتي بس لما غيرت نظرتي بقيت نفسياً احسن لما اكون في مكان اعلي من طبقتي الاجتماعية

كل واحد عنده مشاكل و كل واحد واخد حقه بس لازم تحاول انك تكون احسن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_11964 🇪🇬

منذ 4 أشهر

شعور خجول

لما بحكي حاجة حلوة حصلتلي لحد والاقيه من نفسه قاعد يقول ، ما شاء الله شطورة ويدعيلي بالبركة ويتمنالي الخير ، وقتها بحس اني مرتاحه ومبسوطة عشان اخترت الشخص الصح وشاركته فرحتى ، وحقيقي أجمل صفه ممكن تتواجد ف الإنسان ، هي ليِن الكلام ، وحُسن القول اللهم ديم آمين .))"🎀💗💗💗💗💗💗🦆

French Fries_16237 🇪🇬

منذ 4 أشهر

شعور مرتبك

كنت من فتره دعيت دعوة معينه و فضلت ادعيها فتره كبيره و هي حاجه مش ليا و مش هشوف انها حصلت و لا لأ أصلا بسهوله و نتيجتها ف المستقبل ف قومت قولت بعدها قولت يا رب لو الدعوه دي استجابت اديني اشاره ان دا بيحصل فعلا ف هو حصل حاجه ف يومها أنا حسيتها اشاره بس برضو مش عارفه هي اشاره و لا لا ازاي بتعرفوا بجد

French Fries_14743 🇪🇬 "الدعاء بيغير القدر" استمرى فى دعائك، لإنك زى ماقلتى نتيجتها فالمستقبل وان شاء الله لو دعوتك خير، ربنا هيستجيب ليها 🤍

عرض الكل 2 نصيحة

Apple_4481 🇪🇬

منذ 4 أشهر

شعور مرهق

ازاي الإنسان يتعايش مع وضعه المادي الصعب جدا من غير ما ييأس وهو شايف اهله عاجزين ع انهم يقدمون ليه حاجات كتير ونفسه يساعدهم بس مش عارف الحمد لله القلب كله يقين بالله انه هيرزقه ولكن ازاي نتخلص من شعور الهم بسبب الموضوع دا دايما وازاي ادعي للنقطة دي

Marshmallow_51920 🇯🇴

منذ 4 أشهر

شعور عاطفي

لما تدعوا الله كونوا متأكدين و متيقنين انه بسمعكم و رح يستجيبلكم. دعيت ربنا بالتوفيق بدراستي و ما مر يومين إلا و أنا جايبة علامة كاملة بالرياضيات و أنا بحياتي ما جبت علامة كويسة فيه، حسيت انها اشارة من الله انه هو بيسمعني

Strawberry_11964 🇪🇬

منذ 4 أشهر

شعور خجول

في رمضان العام الماضي ألححتُ بالدعاء كثيرًا على أشياء استقرت في قلبي، أدهشني تدبير الله فيما تمنيت مرة وفيما أراد -سبحانه- مرات كثيرة وهذا العام -إن كتب الله لي العيش- ما زال داخلي دعوات كثيرة وأمنيات سكنت ثنايا القلب.. لكنني تعلمت معنى "التسليم " وأن أرخي يداي عن أي طلبٍ بعينه، فحين يريد الله تتهي

Blueberry_52260 🇪🇬

منذ 4 أشهر

شعور شاعر بالملل

ايه الادعيه اللي فضلتوا فتره تدعوها و بعدها حسيتوا بفرق بسببها و بردو ايه اكتر دعاء بتحبوا تدعوه ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

Plum_49039 🇪🇬

منذ 4 أشهر

شعور خجول

عبّر عن شعورك بشكل مجهول

كنت عامله استطلاع رأي عن موضوع اكتبلكم فيه والمعظم اختار حكم الحب في الدين وضوابطه ف يلا نبدا بسم الله طبعا كلنا عارفين أن الحب مش حرام ابدا ودي حاجه بتيجي من عند ربنا وربنا اللي بيزرع محبه الناس في قلوبنا بس لازم نستعمل المحبه دي صح باختصار انت حبيت بنت مثلا معاك اعجبت بيها وبشكلها وأنتِ حبيتي ولد معاكِ واعجبتي بشخصيته وشكله وأسلوبه والحاجات دي طبعاً كلها عدت علينا بس فيه ضوابط انا مثلا حبيت البنت دي يارب وهموت عليها اتصرف ازاي لازم اول حاجه نغض بصرنا علشان حرام وعلشان الواحد ميقعش في فتنه يعني الeye contact اللي حضارتكوا بتفرحوا بيه ده حرام طبعاً ولا يجوز شرعاً تمام نرجع بقى لو حضرتك عايز البنت وفي قدرتك انك تتقدم ليها دخل ما بينكم وسيط امك مثلا تكلمها ولو موافقه تروح تتقدم  زي ما سيدتنا خديجه دخلت وسيط وكانت بتسأل عن سيدنا محمد وتتعرف على شخصيته من خلاله ) لو مش قدرتك انك تتقدم ليها خلاص اصبر وغض من بصرك واوعوا يا جماعه بقى تسرحوا بخيالكوا وتبنوا في خيالاتكم بقى انكوا اتجوزتوا ولحظات رومانسيه واعوذ بالله الحاجات دي بتعمل فتن وبطلع شهوات واستغفر الله علشان كدا بقول ليكوا انسب حل الدعاء وقيام الليل لحد ما تكون جاهز وتروح تتقدم ليها والبنت كذلك حبيتي شب مثلاً أفضلي ادعي كتير ومننساش أن الدعاء بيغير الأقدار واهم حاجه الشاب ده يكون محترم وياريت البنات اللي بتدعي وبتقول يارب لو مليش خير فيه اجعل لي خيرا فيه واكتبه من نصيبي! يعني طبعاً حرام وكدا تشرط على ربنا انك عايزاه بالعافيه حتى لو مش خير ف لا الدعاء الصحيح اللهم إن كان خيراً لي ف اكتبه من نصيبي يا الله وإن كان ليس خيرا لي ف أبعده عني واجعلني أنساه وانا اصلا سمعت أنه لا يجوز الدعاء والتخصيص بشخص معين لأن يعتبر بنتشرط على ربنا في الامنيه ف الله اعلم معرفش اوي في النقطه دي وطبعاً طولت عليكوا اوي ولو وصلتوا لحد هنا ف انتوا توب التوب 😂🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع