نصيحة للي لسه قلبه جديد ولسه ما اتوجعش: بلاش تحبوا أو تتعلقوا بحد من ورا الشاشة. الحب اللي بيتبني على حروف مكتوبة وصور متغيرة، في الآخر بيطلع سراب، وما يسيبش وراه غير قلب مكسور وذكريات بتوجع أكتر ما بتفرّح. أنا كنت بدعيلها بالخير كل يوم، كنت بشوفها رزق من ربنا، كنت بفرح لسعادتها أكتر ما بفرح لنفسي. كنت فخور بيها وكأني أنا اللي صنعتها، كنت شايفها أجمل ما في حياتي، وعمري ما تخيلت إن الزمن هيوريني وشها التاني. ولما سابتني، ما سابتنيش بس، لا.. سابتني وأنا في عز تعلقي بيها، وأنا مغمض عيني وعامل حسابي إنها مكاني الآمن. والمشكلة؟ إني مش قادر حتى أدعي عليها من قلبي، بس كل يوم بحسِبِن وأقول: "ربنا يسقيها من نفس الكاس اللي سقتني منه." مش انتقام، بس يمكن تحس اللي حسيته، يمكن تفهم وجعي، يمكن تعرف قيمة القلب اللي كان بيدعي لها بدل ما يدعي عليها.

17

0