أعمل إيه مع ذكريات علاقة حلوة رغم الأذى؟

Cheese_73577 🇪🇬

منذ 6 ساعات

شعور مستنزف

نصيحة للتعامل مع الذكريات الحلوة اللي باقية من علاقة انا مش عارف اكرهها ولا اكره اهلها برغم انهم دمروني وكلهم كانوا حرفيا بيتلاعبوا بيا مش عارف اشوفهم وحشين لأن ببساطه اللي شفته منهم حلو عوضني عن اللي عشت محروم منه طول حياتي لكن في نفس الوقت انا اتعمل معايا اوسخ ما يمكن عمله مع حد لدرجة اني حرفيا بعت جزء مز شبكتي بعد ما خدتها عشان اعرف اروح مواصلات بعد ما كل حاجه معايا استنزفت اعمل اي او اتعامل ازاي مع الذكريات دي

بحب حد من صغري ومش عارفه انساه رغم الألم

انا بحب واحد من واحنا صغيرين وهو بتاع بنات وعلى طول بيطلع علينا اشاعات ان في حاجه بينا وشويه بيعاملني ان هو مهتم بيا وبيحبني وشويه بيعاملني ان هو ميعرفنيش شويه يبقى هيموت عليا وشويه مش طايقني بس انا بحبه اووي وكذا مره حاولت انساه ومعرفتش ودخلت في اكتئاب بسبب كده ...عرض المزيد

5 الدعم

9 نصيحة

معاناة 14 سنة مع الحب والخيانة والغدر

مساء الخير انا كنت محتاجه احكي مشكلتي وكنت محتاجه حد يساعدني انا ارتبطت بشخص ١٤ سنه هو اكبر مني ب ١١ سنه كبرت قدامه ومعاه مكنتش بشوف غيره كان دايما بيقولي انه هيتجوزني وبيحبني عرفني علي اهله ودخلت بيتهم وحسسوني ان واحده منهم كانوا دايما بيقدموني للناس ان انا خطيبه ابنهم كنت دايما بخاف علي زعلهم ولو هما اللي زعلوني كنت انا اللي بروح لحد عندهم واصالحهم كنت بجبلهم كل الحاجات الحلوه كنت ممكن احرم نفسي بس عشان احوش واجيبلهم وانا رايحه حاجه حلوه ابنهم كان لما نتخانق مع بعض كان بيحطني في البلاك ليست ويعملي بلوك كنت انزل الساعه ٢ بليل اكلمه من السنترال اتحايل عليه يشيلني من البلاك ليست ويكلمني كنت اروحله لحد بيته واتحايل عليه واصالحه كان دايما بياخد مني فلوس لو كنت اقوله مش معايا كان بيزعل مني وبيحسسني بالذنب ان مش معايا كان لو معايا جنيه كنت بستخسره في نفسي واديهوله هو عمره ما جابلي حاجه بعد كل ده خاني خاني مع واحده مطلقه ومعاها عيل وكانت خيانه قذره وكانت حامل منه وبعد كدا سابها وبعد ما سابها رجعتله انا كنت مستنياه اصلا حتي رجعتله من غير عتاب ولا هو قالي حتي انا اسف وكملنا وبعد ٣ سنين خاني تاني مع مطلقه ومعاها بنت كانت معاه في الشغل وكان بيسافر معاها اسكندريه كل جمعه وكانت حامل منه وبعد كدا خلاها تنزل الحمل ده وانا كنت بموت وبروحله في كل حته عشان يسيبها ويرجعلي وكان دايما بيشتمني شتايم وحشه ويقولي انتي محدش هيبصلك غيري كنت بحس ان قلبي في نار كل ما الاقي معاها واتصل بليل بيه الاقي ويتينج ويسيبني ويتينج ويكمل كلام معاها فضل معاها سنه وسابها من ٣ شهور وكان عايزنا نرجع بس انا مقدرتش كل ما اكلمه افتكر كل اللي حصل بس انا لسه بتابعه وبكلمه وكل ما اكلمه بيوجعني اخر مره قالي انه خلاص هيتجوز جواز صالونات قالي ولا اعرفها ولا تعرفني نبقا نعرف بعض بعد الجواز بعد ما عملت معاه كل ده غدر بيا وهيتجوز واحده غيري واهله عملولي بلوك مهنش عليهم يكلموني ولا يقفوا جمبي اهله كمان غدروا بيا بس هو دايما بيحسسني انه مش ظلمني ولا خاني ولا عملي حاجه ودايما يقولي ان انا اللي وحشه وانا اللي مريضه نفسيا بيحسسني ان انا اللي ظلمته وان هو احسن وانا بعيد عنه وفعلا بيقدر يوصلي احساس ده ويحسسني بتانيب الضمير من ناحيته مش عارفه ازاي بعد كل اللي عمله فيا دلوقتي هو هيجوز يوم ما قرر يتجوز راح لوحده تانيه وسابني مع ان والله عمري ما سيبته في ازمه ودايما جنبه وجمب اهله انا مش هعرف ارجعله لان مش هعرف انسا اللي حصل بس انا مش قادره اتخطاه ومش عارفه انساه والوجع اللي جوايا مش عايز يروح وقلبي بحس في بنار ووجع كل ما اعرف انه خلاص هيتجوز وافتكر كل اللي حصل فيا ولسه بتابعه ومش عارفه اعمل اي ...عرض المزيد

5 الدعم

3 نصيحة

عمري م اتحضنت ولا حسيت بحنيه أبوي رغم وجوده

مشكلتي ويرد جدا بالنسبه للبعض بس انا حرفيا عمري م اتحضنت من ونا صغيره وعمري م حسيت ان عندي اب او حنيه الاب بابا موجود ربنا يبارك في عمره بس الحنيه والاهتمام م موجودين ...عرض المزيد

3 الدعم

6 نصيحة