صديق بيشتمني في ضهري عشان بنت.. إزاي أتصرف؟

Coffee_61956 🇪🇬

منذ 12 ساعة

شعور متعب

السلام عليكم عندي مشكله محتاج احلها في خلال بيني و بين شخص قريب مني قوي بس حصل خلاف بيني و بينه بسبب بنت و انه شتمني في ضهري و غلط فيا علشان يكسب رضاها و انا قطعت معاه بكل امان و بعدها بفتره عرفت انه لسه بيغلط فيا و بيشتم فيا مغ كل الناس و بيكره الناس فيا بكل الطرق و هوا عايز اخد قرار لاني مش هروح اتخانق معاه لان الطبع غلاب و انا مقدرش اعمل اللي هوا بيعمله ف اللي عنده نصيحه يفيدني لان الموضوع بقى صعب و انا مش عايز اضره لاني لو دخلت القسم و عملت بلاغ في نسبه انه يتضر لانه عايز يدخل شرطه و حلم حياته و لو حصل حاجه شبه كده هتضره قدام ف اللي يقدر يفيدني يريت

غلطان في الاختيار وخسرت كل حاجة

كنت فاكر إن النية الطيبة تكفي، وإن لما تدي الثقة لحد من قلبك، هيردها بنفس النقاء. زميلتي كانت بتقولي "خلينا إخوات"، وأنا صدقت… صدقت الكلمة اللي طلعت أرخص من اللي قالها. كنت شايف فيها أمان، طلعت أول من فضحني، أول من بلّغ عني، أول من خلى اجتهادي يتحول لتهمة. كنت باخد كورسات علشان أطور نفسي، علشان يوم أقف على رجلي وأتقدملها بشرف، مش علشان أهرب من شغلي. بس طلعت غلطان… غلطان في الاختيار، وغلطان إني حطيت مشاعري في قلب ما يعرفش يعني إيه نية صافية. والأوجع من دا كله… إن البنت اللي كانت بتحبني بجد كانت بتحذرني، وأنا كنت فاكرها غيورة. سمعت قلبي، وسكت صوت اللي كانت خايفة عليّ بصدق. ودلوقتي… خطبت. وأنا بقيت الشخص اللي خسر كل حاجة بإيده، بقيت صاحب الندم، وصاحب الحكاية اللي انتهت قبل ما تبدأ. عمري ما كنت متخيل إن الغدر ممكن ييجي من اللي كنت شايفه سند، ولا إن الخيانة ممكن تلبس وش الأخوّة. ومن النهارده… مش هدي ثقتي لحد، اللي يثبتلي يستحقها ياخدها، غير كده الكل عندي سواء. 💔 ...عرض المزيد

1 الدعم

1 نصيحة

متتسولش الحب.. وازن كل إنسان بوزنه

الود بالود، والزهد بالزهد. الإمام الشافعي قال: "أظلم الناس لنفسه، اللي يرغب في مودة حد زهد فيه." يعني يا صاحبي، ممكن القلب ميكونش في إيدينا، بس العيب إن الكرامة تهون. عِزّ نفسك تلاقيها، ومتتسولش الحب، الناس مبتحبش اللي ملوش كرامة. ومتفضلش تطرق أبواب مقفولة، عشان متتحولش لأضحوكة. زن كل إنسان باللي وزنك بيه، لا أقل ولا أكتر. أما إنتي يا آنسة زميلتي في الشغل، أنا مكنتش خطيبك ولا كنتي ليا، بس كنت بحبك من طرف واحد، وبنيت أحلام في الهوا على أمل يوم تتفتحيلي قلبك. قعدت ست شهور أعمل إنترفيوهات، وأدور على شغل أحسن، مش عشان الهروب… لكن عشان أكون راجل ييجي ويتقدملك وهو رافع راسه. بس إنتي بمنتهى السهولة اتخطبتِ، ومجاش حتى وقت أقولك "أنا بحبك." بس الحمد لله على كل حال. وإنت يا اللي كنت صاحبي، ضحكت عليا وسوقت العوق، وتقول "مش عايز أجيبك الفرح" وبعدين تعمل فرحك عادي وتضحك؟ إنت أكتر إنسان وضيع شوفته في حياتي. أما إنتي يا اللي كنتِ في بالي، ربنا يسامحني إني حبيت واحدة زيك، أنانية، مفكرتش غير في نفسها. بس خلاص… أنا هطوّر نفسي وهشتغل على نفسي، مش عشانك… عشان نفسي أنا. الست الصح هي اللي هتيجي لحد عندي، والأصدقاء الحقيقيين هما اللي هييجوا لحد عندي. انا بكرهك اوي يا شيخه أحيانًا اكتر حاجه بتحبها تبقى سبب تعبك ...عرض المزيد

2 الدعم

0 نصيحة