زوجتي بتتهمني إني مش بحبها.. تنصحوني بإيه؟

Question

حصلت كتير و خصوصاً مع زوجتي 
ابقى طالع عيني و متمرمط عشان أجيب ١٠٠ج تستر يومنا 
تكلمني وانا راجع تقولي هاتلي كذا و كذا وكذا 
أحياناً بتبقى توافه جدا ... لكن بجيب عشان مفيش حاجه تنقص بيتي و بقول ربنا هيعوضني ... اروح بالحاجه و كأني مجبتش حاجه و تبقى عارفه اني جبت برزقي كله طلباتها الهايفه و تاخدها و هيا مكشره و ف الأخر تتهمني اني مش بحبها... تنصحوني ب أيه ؟

Coffee_64255 🇪🇬 · Accepted Answer

الطلاق مش حل 
انت اعلم وادرى بييتك ومراتك شوفها واتكلم معاها واتفاهمو ممكن تكون فيه حاجات هى متضايقه منها ف بتعوضها  بالتوافع اللى بتقولك تشتريها 
خدها بالمعامله الحسنه وشويه شويه هتفرق صدقني

Sugar_59203 🇸🇦 · Answer

طلقها

Banana_67005 🇪🇬 · Answer

متستهلش

Banana_66935 🇪🇬 · Answer

للأسف عارف بس مش هقدر اطلقها عشان معييش يكمل حقوقها

Banana_66935 🇪🇬 · Answer

للأسف اتكلمت كتير جدا جدا بالحسنى و مفيش فايده

Coffee_65980 🇪🇬 · Answer

ههههه ده انت ولا أنا ؟؟؟ انا حاسس إنى انا اللى كتبت الموضوع ده ونسيت حتى الكلام اللى انت كاتبه فى الكومنتات  أحب أقولك لست وحدك يا صديقى تعالى جنب أخوك هنا

Carrot_68412 🇪🇬 · Answer

حاول تفهمها بهدوئ الانت بتمر بيه و مش بتعاطف خليك راجل

Watermelon_68421 🇪🇬 · Answer

شكلكم لسه عرسان الطلاق مش حل يا جدع بدل ما انت كاتم في قلبك قولها بصراحة حسك مش مقدرة مجهودي حتى ببسطة وشك أو شكري على الحاجات دي 
وبرضو مش كل الطلبات مجابة انهارده معايا بس يبقى بجد لا مش معايا النهاردة بحيث تتعودوا اكونوا ع الحلوة والمرة 
ربنا يهديكم ويصلح ما بينكم وأهم حاجة الصراحة  متكتمش في قلبك ومتسمعش كلام اللي بيقولك طلق كل واحد منكم جاي من بيت وعادات فلسه هتتعودوا على بعض الله يهديكم