زوجي خاين ومتعدد العلاقات.. أنفصل ولا أستحمل؟

Question

انا متزوجه وعندي ٤٥ سنة وبقالي ٢١ سنه جواز مع رجل من بعد شهرين من الزواج متعدد العلاقات واي واحده ممكن يكلمها ويعجب بيها وممكن يعمل علاقه معاها استحملت كتير عشان خاطر بناتي وبيتي ومره واجهتوا وحلف انه اتغير ورجع تاني زي الاول واكتر وفي الاخر عرفت انه متجوز اكتر من مرة عرفي عاوزة انفصل خلاص مش قادرة استحمل ... تنصحوني بأيه .. وهاملني جدا ولا في مشاعر ولا اهتمام ولا اي حاجه تنصحوني بايه ؟😔

Coconut_35285 🇪🇬 · Accepted Answer

الطلاق مش سهل انا عارفه وان اللي بيقولك اتطلقي ده مش خسران حاجه الفكره انه هو شايف من بعيد ف قادر يحكم من غير مشاعر انتي نفسك تطلقي بس عايزه حد يقولك اقعدي واستحملي بس متعمليش كده اشتري نفسك حتى لو دقيقه واحده بناتك لو طلعو ولقو باباهم خاين ووحش ومع مليون ست مش هيقدرو يثقو بسهوله ف راجل وهتبقى عندهم عقده زياده ف بناتك كده مش حل ليهم تبقي مع شخصيه زي دي ابعدي عنه واشتري نفسك وبناتك وربيهم بعيد عنه

Strawberry_32392 🇪🇬 · Answer

سيبيه اللي زي ده مش بيتغير

Strawberry_31157 🇪🇬 · Answer

انفصلي دا الاريح ليكي نتي استحملني كل السنين دي كتير وحرام عليكي نفسك

Pineapple_35531 🇪🇬 · Answer

والله تعبانه جدا ونفسيا مدمرة 😔😔

Cherry_35536 🇪🇬 · Answer

انفصلي مفيش حاجة اسمها عشان ولادك ... ولادك هيفرحوا لما يلاقوا امهم سعيده مش هيكونوا كويسيين وهما شايفينك تعيسه

Pumpkin_35580 🇪🇬 · Answer

ازاى تستحملى سيبيه

Pumpkin_35580 🇪🇬 · Answer

لازم تبعدى عنو هو مش هيتغير لو لاقاكى ساكته هيتمادى اكتر