عايز أشيفت كارير من حاسبات للفتنس - نصائح ليا؟

Question

جماعة انا ف تالتة حاسبات ومعلومات بس مش حابب المجال خالص .. شغوف بمجال الجيم والفتنس وكده .. تنصحوني ب ايه الفترة دي انا ٢٠ سنة .. عايز اعمل شيفت كارير واخلص الكلية واشتغل ف مجال الرياضة باذن الله .. وازاي استغل الفترة دي صح واعمل ايه لما اتخرج او بعد الجيش إن شاء الله ... محتاج اسمع رايكم ونصايح حضراتكم

Coffee_27700 🇪🇬 · Accepted Answer

- روح جيم واهتم بأكلك وصحتك ونومك واعمل فورمة جامدة.
- اعمل فولو لناس كتير في المجال واتعلم منهم.
- اتعلم المونتاج وتعديل الفيديوهات والتصوير والإضاءة.
- اعمل حسابات سوشيال انستجرام وتيكتوك وأبدا نزل اي حاجه تتكلم عن موضوع او نصيحه طبية مثلاً عشان تكسر رهبة الكلام قدام الكاميرا.
المجالين حلوين جدا حاسبات والفتنس وحاول تجمع بينهم الاتنين وتكبر دخلك.
ربنا يوفقك يا صديقي 💪🏼♥️

Apple_42719 🇪🇬 · Answer

حاول تكمل فمجالك عادي وخدلك مثلا كورس تغذيه وتمرين  وممكن تشتغل شيفت صغير فجيم وكمل فالحاسبات عادي

Almond_26266 🇪🇬 · Answer

كده كده مكمل فالكلية بإذن الله.. ومع العلم انا اخد كورس مدرب شخصي ده تغذية وتدريب شامل كل حاجة .. بس لسة بعمل سي في .. انت رأيك ايه

Coffee_44068 🇪🇬 · Answer

عايز افيدك و اقولك انك لو مشغلتش دماغك ف مجال الفتنس و اعتمدت علي فلوس الشيفت ف انت كده مش هتقدر تعيش علشان انك تشتغل ف جيم مثلا او نادي مرتباتها قليله جدا متكفيش 10 ايام و كمان انت هتبقي رياضي يعني مصاريفك اكتر ف حاول تشغل دماغك او تشغل نفسك بعد م تدخل المجال تعمل محتوي يوتيوب و تيك توك علشان تتعرف اكتر حتي لو ف الاول عدد قليل بس هيعرفك و لازم تهتم ب البرايفت لازم تثبت نفسك علشان ناس تشترك معاك..

Almond_26266 🇪🇬 · Answer

هعمل كده بإذن الله وشكرا ليك عالنصيحة .. بس مرتبات لجيمات كبيرة ليها اسم ولواحد لسه خبره من ٣ ل ٥ سنين اعتقد مبالغ كبيرة .. ولا ايه رأيك ايه

Coffee_44068 🇪🇬 · Answer

تشترك معاك برايفت و انت بيبقي ليك نسبه من ده لو شغال ف جيم و هو ده اللي هيعملك راتب اول الشهر بس نصيحه لو بتدور علي الاستقرار ف مجال حاسبات هيبقي فيه استقرار احسن علشان انت ف مجال افتنس لو عايز استقرار يبقي لازم تبقي صاحب مكان و ده برضو بيحتاج تعب ف ادارته انما الحاسبات اسهل شويه انت ما عليك الا ان تكون موظف و كده بقي ليك دخل ثابت حتي بعد م سنك يعدي ال60 انما الفتنس انت لو قعدت يوم ف البيت

Coffee_44068 🇪🇬 · Answer

لو قعدت يوم ف البيت مش هتعرف تعيش و اتمني اكون أفدتك ب اي حاجه

Almond_26266 🇪🇬 · Answer

بس طلاما العلم والخبرة موجودين خلاص صح ولا ايه .. ده غير ان بعد سن معين بتبقى مدير مش مدرب يعني ممكن تمسك منطقة او جيم بنفسك ومدربش اصلا .. فاهمني

Avocado_42546 🇪🇬 · Answer

بص كمل في الكليه وأ فضل اتمرن و متسبش حاجه فيعم ولما تتخرج و تخرج من الجيش دور علي شغلانه في المجال اللي بتحبه  بس في نفس الوقت تفضل مهتم انك تطور من اللي انت اتعلمته في الكلية عشان لا قدر الله لو ملقتش شغل في ده تلاقي شغل تاني و مضيعش مستقبلك ❤️

Almond_26266 🇪🇬 · Answer

انا بحب ماده الرياضة جدا ومتميز فيها تنصحني ادي دروس

Coffee_44068 🇪🇬 · Answer

انا اشتغلت ف جيمات ليها اسم كويس ف المهندسين كان اعلي جيم فيهم البادجت بتاعته حوالي 2300 و معايا خبره 4 سنين كان اللي بيخلي معايا فلوس اول الشهر البرايفت بس و ف المجال ده مفيش مديرين حاليا كل واحد بيدير مكانه بنفسه و بيجيب مدربين يشغلهم و مظنش انك هتلاقي مبالغ اساسيه اعلي من كده و يوم م تلاقي يعني مظنش ان في ف مصر جيم هيدي اكتر من 4 و حاليا دول كمان قليلين

Coffee_44068 🇪🇬 · Answer

انا سيبت المجال ده مع اني بحبه بسبب فلوسه القليله و رجعت تاني للي اتعلمته ف المدرسه مع اني شغال ب شهاده الدبلوم مش ب شهاده الكليه علشان لسه مخلصتش بس فلوس شغلي ب الدبلوم احسن من شغلي ف الجيم و اريح ب كتير و الكلام اللي بقوله مبينطبقش علي كل المجالات

Avocado_42546 🇪🇬 · Answer

ايوه طبعا حاول تعمل اي حاجه تحسن مستواك وده كمان هيفيد غيرك انصحك جدا تعمل كده

Avocado_42546 🇪🇬 · Answer

و انا زي اختك الصغيره اول ما تدي دروس قولي يمكن اخد معاك

Almond_26266 🇪🇬 · Answer

الجيم كان اسمه ايه ومحافظة ايه

Coffee_44068 🇪🇬 · Answer

جيم h2o اكيد انت عارفه

Peanut_31159 🇪🇬 · Answer

كمل ف الاتنين ولو عاوز تبقا جامد اوي خد كورس issaاونسم واشتغل ف اكتر من مكان او بررا. مصر بس خليك مهتم بردو بالكليه بتاعتك يمكن تشتغل الاتننين ممكن تحتاج اكتر من مصدر دخل

Strawberry_46085 🇪🇬 · Answer

كمل كليتك الاول وابدا دور علي كورسات ف مجال الرياضة هتلاقيها كتير هتكون علي ماتتخرج اخدت خبرات كويسه

Almond_26266 🇪🇬 · Answer

تسلملي عالنصيحة والدعوة الحلوة دي ربنا يخليك.. وانا فعلا هعمل كده بإذن الواحد الأحد.. دعواتك يا صديقي ❤️❤️

Almond_26266 🇪🇬 · Answer

انا اخد كورس تغذية وتدريب وكده كده مكمل فالكلية بإذن الله.. بس اكتسب الخبرات ازاي من وجهة نظرك

Almond_26266 🇪🇬 · Answer

هعمل كده بإذن الله واكيد تنوريني طبعا 😊❤️

Almond_26266 🇪🇬 · Answer

انا اخد كورس من iatd بس لسة عايز nasm بس غالي جدا ف بحاول احوشله وخير بإذن الله .. وانا كده كده مكمل فالكلية بإذن الله.. بس انت شايف ان المجال ده احسن بره مصر ولا خليني ف مصر ؟

Coffee_28231 🇪🇬 · Answer

انت في جامعة اسكندرانية