ندمانة على انتكاسي بعد المصحة ومش عارفة أبدأ تاني

Question

انا مدمنة متعافية كان بقالي سنتين مدمنة و دخلت المصحة قعدت ٦ شهور و خرجت منها من ٤ شهور و للاسف انتكست من اسبوع بس قررت اني مش عايزة اكمل و ادخل دايرة ادماني تاني و في نفس الوقت ندمانة اوي على كل التعب اللي تعبته في المستشفى و ضيعت كل دة على الارض انا تعبانة اوي و مش مرضي اقوي مني خصوصا اني متشخصة اتضراب شخصية حدية 
انا رجعت شغلي و حياتي كانت احسن مش عارفة ازاي ضعفت كدة

Peanut_56462 🇪🇬 · Accepted Answer

شوفى ايه اللى بيوديك للسكه دى تانى وحاولى تبعدى عنها تماما 
وكمان اشغلى وقتك كله مع اصحاب جدا او أهلك او حاجه بتحبى تعمليها المهم متسلميش تفكرك لنفسك 
وانا متأكد إنك هتبقى كويسه متقلقيش

Strawberry_49071 🇪🇬 · Answer

طب اي مزعلك انتي وقعتي قومي وفكؤي نفسك بلتعب دا كلو وقاومي وافضلي قاومي

Chilli_69499 🇪🇬 · Answer

شوفي اي السبب الاساسي ف رجوعك
انا كنت زيك كدا بس الحمدلله قدرت اتعافي

Coffee_77919 🇪🇬 · Answer

مدمنة اي

Candle_84324 🇩🇿 · Answer

حاولي تشوفي الموضوع من منظور تاني، انتي انتكستي لكنك ندمانة و مر اسبوع فقط و ما تبين تكملي فهذا الطريق، هذا يتعبر تطور انك عارفة الصح من الغلط و عندك الرغبة في التغيير، حاربي هاذا الادمان و كوني قوية و ربنا يفرجها عليك حاولي تحافظي على صلاتك و يكون عندك اصحاب ناس كويسة بعيدة عن المدمنات

Popcorn_56962 🇪🇬 · Answer

حاولي تجربي علاج السيوماتك ثيرابي فعال جدا مع الإدمان

Cherry_58016 🇪🇬 · Answer

عادي إن ده يحصل ، بل بالعكس انتي بطلة إنك عملتي كدة وقدرتي تتعافي وزي ما وقعتي هتوقفي تاني لإنه عندك إرادة إنك تعملي كدة ، حاولي متوقفيش ومتبطليش محاولة ، ربنا معاكي ويثبت خطاكي يارب انتي وكل اللي بيحاول يتغير للاحسن 🌹

Cookies_56544 🇪🇬 · Answer

طبقي خطواتك ، احيانا بتكون الانتكاسه فرصه لتطبيق برنامجنا اكثر جديه ، ارباح و خسائر ، ارجعي لمشرفك ، جددي النيه لله ، واضح انك جبتي قاع مش محتاجه تعيدي التجربه تاني لاخرها

Mango_78448 🇪🇬 · Answer

حضرتك كام سنه واولا لازم تعرفي ايه اللي بيدفعك للسكه دي اصلا