انا صيدلي عندي ٢٣ سنة ولسه مش متجوز من فترة دخلت عندي الصيدلية واحدة ست كانت جميلة جدًا ومن أول لحظة شدتني مع إني لاحظت إنها متجوزة من الدبلة اللي في إيدها في الأول كنت بتكلم معاها عادي لما تيجي تشتري حاجة بس بعدين بدأنا نطوّل في الكلام وبقينا نتبادل أرقام التليفونات ونرغي بالساعات حسيت إن فيه حاجة غريبة بتشدني ليها وهي كمان كانت بتبينلي إنها معجبة بيا للأسف الشيطان لعب بينا، ولقينا نفسنا دخلنا في علاقة غلط كنت في لحظتها حاسس إني مبسوط لكن دلوقتي كل يوم بصحى وأنا مخنوق وضميري بيقتلني مش قادر أصدق إني عملت كده مع واحدة متجوزة حاسس إني خسرت احترامي لنفسي وخايف جدًا من ربنا ونفسي أرجع بالزمن وماعملش الغلطة دي وكل يوم بدعي إن ربنا يسامحني وأعرف أتوب بجد

6

0