١٤ يوم وأنا بقاوم إني أفك البلوك للإكس النرجسي. الألم شديد، بالذات لشخص زيي عمره ما دخل في علاقة عاطفية قبل كدة. محاولات الهوفرينج قابلتها ببلوكات على عكس رغبتي تماما. عارفة إنه بسبب التعلق نظرا لأساليب التلاعب اللي كان بيمارسها عليا وكمان لنشئتي مع أب وأم نرجسيين، حرموني من احتياجي العاطفي الطبيعي من وأنا طفلة. كنت ممتنعة عن العلاقات علشان مكررش المأساة، لحد ما عرفت إن علاقتهم ببعض مكنتش طبيعية. بس ده متأخر نسبيا. يوم ما قررت أن حقي أحلم بعلاقة آمنة، اكتشفت إن فيه مهارات أنا مش عرفاها، بالذات إزاي أصلا أدخل في علاقة. العلاقة دي تعتبر معجزة، وحاسة إني مش حأعرف أدخل في علاقة تاني. على قد ما أنا عشت طول عمري وحيدة، إلا إني بعد التعافي، مش عايزة أبقى وحيدة تاني. كفاية وحدة. بس مش عارفة أعمل إيه علشان أتعلم إزاي أدخل في علاقات وجروح الطفولة تتشافى؟ بقالي سنتين في رحلة التعافي ولسة حاسة إن عندي مشاكل كبيرة في موضوع العلاقات ده.

2

4