السلام عليكم جيت نحاول نفرغ قلبي شوي بما اني معنديش لمن نحكي ونفرغ بسك معنديش صحاب لنقدر نحكي معاهم ومعنديش شخص فحياتي لنقدر نشاركو وجعي وضعفي وانهياري ويوقف معايا ونلقا منو الدعم لي نحتاجو طالما كنت نحاول اني نهتم ونفضل لي نحب على نفسي ونكون متوازن معاهم نحترم مشاعرهم وقراراتهم ونحاول ننصح ونقدم الدعم النفسي والعاطفي ليهم لكن اخرتها ديما نعاود نعيش نفس تجربة التخلي حياتي ملول فارغة ومنحبش الناس يكونو فيها واذا صرا استثناء وحبيت فيها بنادم نحاول نعطيه اكثر من وش عندي بصح اخرتها كشغل مكان والو ومكاش قيمة لسنين وتعب وجهد بذلتو واحد ميقدر يتقبلك بعيوبك كما راك نتا تتقبل فيهم ولاتلي قاعدة حاليا عايش بلا رغبة بلا هدف وبقلب معمر بزاف بكيت وحاولت اني ننقذ نفسي من هاذ الوضع وديما حالتي من سيء لأسوء والحاجة الوحيدة لي تواسيني هي ذيك الافكار الانتحارية لدرجة اني وليت نتمنى بكل يأس انو يجي بنادم يهتم يسقسي يوقف يحوس يفهم او على الاقل يمدلي مساحة بش نحكي معاه براحتي هك ومكاش ومش حنلقا مام فالعائلة نتاعي بسك علاقاتنا مع بعض سيئة بزاف ومن تما بدات المشاكل وصوالح بزاف وضك وليت عايش وحدي فهاذ الظلمة لي تفرضت عليا دون ارادتي او رغبة مني

1

4