انا في تالتة معهد ابويا متوفي من حوالي ست سنين امى قالتلي وانا سبع سنين أن بابا كان متجوز قبلها ومراته ماتت سابتله ولدين وبنت ولد منهم مات جدتى غصبت على امى تجوز بابا عشان تخلص منها لانها مابتحبهاش هي حاولت تقول لأ بس امها ماسمعتهاش واتجوزوا معلوش فرح لأن كان في حالة وفاة مش فاكرة ابوه ولا اخوه ولما اتجوزت مدلعتش عشان ف ولد في البيت ماينفعش تقعد على راحتها هو اكبر من ماما ب٢٠سنة تقريباً هي عمرها ما تهنت فى حياتها لا قبل الجواز ولا بعد الجواز كانت هى اللى بتصرف عالبيت أنا عندي اخوات من ابويا متجوزين وعندهم عيال الولد اتجوز من حوالي سنتين اوتلاتة عنده ولد داخل على سنتين وبنت لسه بترضع اختى عندها بنت وبلغت وعندى أخ واخت من ابويا وامي الولد بقى بيشتغل وبابا قبل ما يموت بفترة كان يمسكه من راسه ويخبطها في الحيطة واختي التانيه عمى كان شايلها ووقعها قصد من عالسلم وتعبت بقى عندها كهربا عالمخ لما كنا فى ابتدائي كان بابا دايما يكلم أهله يقلهم على كل حاجة واختي من ابويا دي مدخلتش المطبخ غير لما جت تتجوز ومرة لما بابا طلب منها كوبايه شاي قالتلو قمال اللي جمبك دي بتعمل ايه قصدها على امى حسبي الله ونعم الوكيل فيه كان طول الوقت بيحب عياله اللي من مراته الاولى ويعاملهم حلو ويجبلهم كل حاجة عايزنها ولما طلع عالمعاش كان عامل لكل واحد فيهم حساب في البنك تقريباً لحد ما كل واحد منهم بقى معاه ١٠٠ الف وضيعوهم احنا كنا ساكنين في الريسة لما كنا فى ابتدائي وماما كانت بتبني البيت اللي احنا فيه ده انا واخواتي ماشفناش منه حاجة واحدة حلوة مش قادره اترحم عليه كل ما يجى على بالي انا دلوقتي خايفة جدا جدا من الجواز ومعنديش اي استعداد الجواز نهائي

9

0